Spørsmål

Morten Stordalen (FrP): Gjennom bymiljøavtalene og byvekstavtalene bidrar staten med inntil 50 % av prosjektkostnadene for viktige fylkeskommunale kollektivtrafikkprosjekter. Arbeiderpartiet foreslår i sitt alternative statsbudsjett for 2019 å øke statens forpliktelse til inntil 70 % av prosjektkostnaden.
Hva legger Statsråden til grunn vil være merkostnaden for staten ved å øke forpliktelsen fra 50 % til 70 % av prosjektkostnaden?

Begrunnelse

I Stortingets debatt om Dokumentforslag 8:5 S (2018-2019) jamfør Innst. 46 S (2018-2019) 29. november, hevdet Arbeiderpartiets Ingalill Olsen følgende:

"Til statsråden har jeg lyst til å si: Arbeiderpartiet finansierer i vårt alternative budsjett våre forslag om 70 pst.-dekning. Vi er et styringsparti selv om vi ikke sitter i regjering nå. Vi foreslår aldri noe som vi ikke kan gjennomføre, og som ikke er finansiert. Og til orientering kan jeg si at vi satte av 700 mill. kr. i vårt alternative budsjett på dette feltet i 2018 og vi har satt av 500 mill. kr i 2019. Så statsråd: Snakk sant fra talerstolen. Bruk de korrekte tallene hvis noe skal kommenteres. Det er bare sånn vi kan ha tillit."

Svar

Jon Georg Dale: Gjennom Meld. St. 33 (2016-2017) Nasjonal transportplan 2018-2029 blei det fastsett at staten skulle dekke 50 prosent av prosjektkostnadene for fem viktige kollektivtransportløysingar i dei fire største byområda. Dette omfattar Fornebubanen og Metrotunnel i Oslo og Akershus, Bybanen til Fyllingsdalen i Bergen, Metrobuss trinn 1 i Trondheim og Bussveien på Nord-Jæren.
I Nasjonal transportplan er det lagt til grunn at dei samla kostnadene for desse prosjekta utgjer om lag 48,6 mrd. 2017-kr. Eit statleg bidrag på 50 prosent vil utgjere om lag 24,3 mrd. 2017-kr. Ein auke til 70 prosent vil gje eit statleg bidrag på om lag 34,0 mrd. 2017-kr. Skilnaden er altså om lag 10 mrd. kr.
I Prop. 1 S (2018-2019) er det lagt til grunn eit statleg bidrag til store kollektivtransportprosjekt på til saman 1 532 mill. kr. Tilskotet vil i hovudsak utgjere om lag 50 prosent av forventa samla kostnader til prosjekta i 2019. Ein auke av tilskotet frå 50 til 70 prosent vil innebere at bevilgninga må aukast med om lag 613 mill. kr til 2 145 mill. kr. Arbeidarpartiet foreslår ein auke på 500 mill. kr til dette føremålet i sitt alternative budsjett, som er over 100 mill. kr lågare enn behovet hvis det statlege tilskotet skal aukast frå 50 til 70 prosent.