Spørsmål

Erlend Wiborg (FrP): Synes statsråden det er greit at en kommune avslår en søknad om byggetillatelse for å rette opp i kommunens egen saksbehandlingsfeil?

Begrunnelse

Nylig kunne vi lese i Smaalenenes Avis om en ung gutt som kjøpte en boligtomt for å kunne oppfylle drømmen om sin egen bolig. Da tomten ble kjøpt bekreftet kommunen at det var mulig å bygge en tomannsbolig på tomten. Da byggesøknaden ble sendt valgte kommunen ikke å behandle byggesøknaden, de bestemte seg heller for å vurdere saken etter jordloven og det ble avslag. Det er åpenbart at kommunen her har begått en feil, som de prøver å rette opp ved å avslå en byggetillatelse. Dette rammer den unge gutten kraftig og det kan umulig være slik man behandler innbyggerne sine.

Svar

Sigbjørn Gjelsvik: Eg kjenner kun saka gjennom omtalen i media og uttaler meg derfor på generelt grunnlag.
Ein som vil føre opp ein bustad har som utgangspunkt rett til å få søknaden innvilga, så lenge søknaden er fullstendig, og tiltaket er i samsvar med krava i plan- og bygningslovgivninga og anna relevant regelverk (såkalla «byggerett»). Kommunen kan berre avslå ein søknad dersom tiltaket vil vere i strid med regelverket. Det er fleire krav som må vere oppfylte før kommunen kan innvilge ein søknad. Eit hinder for å gi løyve kan til dømes vere dersom tomta ligg i eit område som er regulert til landbruks-, natur- og friluftsformål (LNF-område). I eit slikt område må ein få dispensasjon frå reguleringsplanen for å byggje bustad.
Det kan også vere nødvendig med løyve etter anna regelverk, slik som samtykke til omdisponering av dyrka eller dyrkbar jord etter jordlova. Dersom vilkåra for å samtykke til omdisponering ikkje er oppfylte, kan kommunen ikkje innvilge byggesøknaden. Det er derfor ikkje uvanleg at kommunen må ta stilling til om krava i jordlova er oppfylte før dei kan vurdere ein byggesøknad etter plan- og bygningslova.
Kommunen skal for øvrig gi rettleiing om dei krava som kan vere aktuelle for ein eigedom. Eg forstår at tiltakshavar opplever saka som vanskeleg. Eg ser av oppslaga i media at denne saka ligg til klagebehandling hos kommunen. Kommunen, og eventuelt Statsforvaltaren som klageinstans, har ansvar for å behandle saka i tråd med regelverket. Dersom kommunen har lagt vekt på andre omsyn enn dei som regelverket opnar for, kan Statsforvaltaren overprøve kommunen sitt vedtak.