Spørsmål

Helge André Njåstad (FrP): Kva planar har statsråden for å gje Nordhordland betre politistasjon?

Begrunnelse

Nordhordland politistasjon er lokalisert i Knarvik med ein lokalitet. Eg møtte det lokale politiet der saman med ordførarkandidat i Alver kommune for FrP Mary-Ann Mostraum for å bli oppdatert på aktuelle saker. I den forbindelse var det umulig å ikkje merke at lokalene var uhensiktsmessig og ikkje i den stand ein kan forvente for ein så stor stasjon. Planar om ny stasjon har dessverre ikkje lenger den framdrift det burde. Så derfor etterlyser me politisk press for å få fortgang i bygging av ny meir tidsriktig stasjon.

Svar

Emilie Mehl: Regjeringa prioriterer politiet. Noko av det første vi gjorde då vi kom i regjering var å styrke politiet med 200 millionar kroner i budsjettet for 2022. I budsjettet for i år prioriterer vi å bruke ressursar på betre lokale polititenester og beredskap, og mindre på m.a. sentral administrasjon og konsulentar. I tillegg har regjeringa nettopp fått gjennomført den største prioriteringa av politiet i eit revidert budsjett vi kjenner til, med ein auke på 550 mill. kroner.
Det er politimeistrane som har ansvar for å disponere midlane i politidistrikta best mogleg i tråd med føringane frå Stortinget og departementet, anten det er til nye bygg, bemanning eller andre tiltak politiet sjølv finn det formålstenleg å prioritere. Dette inkluderer eventuelle planar for ein ny politistasjon i Nordhordland. Eg legg til grunn at Vest politidistrikt gjennomfører dei tiltaka dei finn nødvendige for at politiet skal vere til stades og yte gode polititenester i Nordhordland.