Komiteen, medlemene frå Arbeidarpartiet,
Alf E. Jakobsen, Rolf Terje Klungland, Torgeir Micaelsen, leiaren Reidar
Sandal, Eirin Kristin Sund og Marianne Aasen, frå Framstegspartiet, Gjermund
Hagesæter, Ulf Leirstein, Jørund Rytman og Christian Tybring-Gjedde,
frå Høgre, Svein Flåtten, Michael Momyr og Jan Tore Sanner, frå Sosialistisk
Venstreparti, Magnar Lund Bergo og Heikki Holmås, frå Kristeleg Folkeparti,
Hans Olav Syversen, frå Senterpartiet, Per Olaf Lundteigen, og frå Venstre,
Lars Sponheim, viser til at det i Stortinget sin forretningsorden
§ 19 m.a. står dette når det gjeld finanskomiteen sine oppgåver:
"Seinast den 20. november skal finanskomiteen kome
med innstilling (Budsjett-innst. S. I) om nasjonalbudsjettet og
statsbudsjettet, med framlegg til rammevedtak for løyvingar i samsvar
med inndelinga i rammeområde fastsett av Stortinget etter § 22 tredje
leddet."
Når det gjeld inndelinga av statsbudsjettet
i rammeområde, viser komiteen til vedtak i Stortinget 23. oktober
2008, jf. Innst. S. nr. 4 (2008–2009) Innstilling fra Stortingets
presidentskap om fordeling til komiteene av rammeområder med budsjettkapitler og
utkast til romertallsvedtak vedrørende forslaget til statsbudsjett
for 2009, jf. også avsnitt 3.2 nedanfor.
Komiteen viser til at det etter
at St.prp. nr. 1 (2008–2009) blei lagt fram, er fremma i alt 5 tilleggsproposisjonar
til denne. I møte i Stortinget 3. og 13. november 2008 blei forslaga
under dei enkelte kapitla fordelte på rammeområde og sende komiteen i
samsvar med vedtak i Stortinget om fordeling til komiteane ved behandlinga
av Innst. S. nr. 4 (2008–2009), jf. vedlegg 1.
Komiteen viser til brev av 17. oktober
2008 om trykkfeil i St.prp. nr. 1 (2008–2009) Statsbudsjettet 2009
og St.meld. nr. 1 (2008–2009) Nasjonalbudsjettet 2009, og til brev
av 11. november 2008 frå finansminister Kristin Halvorsen om trykkfeil
i St.meld. nr. 1 (2008–2009) Nasjonalbudsjettet 2009. Breva følgjer
respektivt som vedlegg 2 og 3 til denne innstillinga.