Søk
Søk i saker og publikasjoner fra Stortinget og regjeringen og redaksjonelle artikler tilbake til 1996. For historiske saker, se eget søk.
1.4 Endringsforslag av teknisk karakter
- 1.4.1 Endring av folketrygdlova § 4-12 som følgje av at ferietillegget tidlegare er fjerna
- 1.4.2 Unntak i folketrygdlova § 22-13 for dagpengar under arbeidsløyse
- 1.4.3 Terminologiske endringar i folketrygdlova kapittel 4
Ferietillegget blei fjerna frå dagpengane ved lovendringa som blei sett i kraft 1. januar 2003. Det er derfor ikkje naudsynt med ein presisering som gjeld ferietillegget i folketrygdlova § 4-12 tredje ledd. Departementet foreslår å ta ut presiseringa.
Folketrygdlova § 22-13 regulerer generelt fristar for å setje fram krav på trygdeytingar og etterbetaling. Sjølv om ein allereie legg til grunn at § 22-13 ikkje gjeld dagpengar etter kapittel 4, foreslår departementet at dagpengar uttrykkjeleg blir unnatekne i nytt sjuande ledd i § 22-13.
Arbeids- og administrasjonsdepartementet fastsette i mai 2000 nye eigennamn på arbeidsmarknadsetaten og dei organa som høyrer til etaten. Den nemninga som no blir brukt om arbeidsmarknadsetaten er "Aetat". Nemninga er også gjennomført i lov 10. desember 2004 nr. 76 om arbeidsmarknadstenester som mellom anna regulerer verksemda i Aetat.
Departementet meiner at ein bør unngå å seie noko i lovteksten om på kva for eit nivå innanfor Aetat ein skal gjere kva, så lenge Aetat har fullmakt til å bestemme noko anna, jf. ovanfor. På bakgrunn av dette foreslår departementet at orda "arbeidskontoret" og "arbeidsformidlinga" blir bytta ut med den nøytrale nemninga "Aetat". Endringane gjeld folketrygdlova § 4-8 første ledd, andre ledd andre punktum og tredje ledd, 4-10 femte ledd og 4-20 sjuande ledd.