Eg viser til brev frå Familie- og kulturkomiteen av 4. juni 2008.
Eg visar og til brev frå komiteen mottatt 22. mai og til svar datert
23. mai.
Om den nye formålsparagrafen vert vedtatt ser eg per i dag for
meg eit behov for å vurdere endringar i gjeldande barnehagelov § 2 Barnehagens innhold og § 3 Barns rett til medvirkning. Enkeltheitar
i desse paragrafene vert foreslått regulert i den nye formålsparagrafen.
Departementet må såleis vurdere behovet for endringar i desse paragrafane.
Det må utredast og vurderast om gjeldande § 1 tredje og fjerde ledd
om reservasjonsretten og moglegheita til å fastsetje særlege reglar
om livssynsformål skal vidareførast. Vidare kan det vere behov for
justeringar i barnehageloven § 7 Barnehageeierens
ansvar der det i fjerde ledd bokstav b vises til reservasjonsretten
i § 1 tredje ledd.
Korleis det lovteknisk vil vere hensiktsmessig å eventuelt vidareføre
gjeldande § 1 tredje og fjerde ledd, må ein kome tilbake til. Eksempelvis
kan det tas inn som eit nytt ledd i formålsparagrafen eller det
kan vidareførast i ein eigen paragraf.
På det noverande tidspunkt må det tas atterhald om dette da endringane
må utredast og sendast på offentleg høyring før endeleg forslag
kan fremmast.