Departementet meiner som hovudregel at kravet om å nytte los eller farleibevis skal gjelde ved seglas innafor grunnlina med unntak av dei ytste og midtre delane av Varangerfjorden i Finnmark, og Vestfjorden i Nordland.

       På nokre strekningar kan det etablerast seglingskorridorar for fartya inn til bordingsfelt for los i skjerma farvatn.

       Departementet går inn for at det blir oppretta slik korridor på følgjande stader:

-	Oslofjorden - korridor for fri seglas inn til losbordingsfelta ved Store Færder og Vidgrunna

-	Grenlandsområdet - korridor for fri seglas inn til losbordingsfeltet på Langesundbukta

-	Sunnmøre - korridor for fri seglas inn til losbordingsfeltet i Breisundet

-	Troms - korridor for fri seglas inn til losbordingsfeltet i Fugløyfjorden

-	Finnmark - korridor for fri seglas inn til losbordingsfelta i Akkarfjordnæringa (Hammerfest), Sværholthavet (Honningsvåg) og i Båtsfjorden.