Løyvingsoverslaget for 1995 bygde på ei forventning om at innkrevjingsutgiftene framleis kom til å liggja på eit lågare nivå, men at nedgangen kom til å minka. Samstundes tok departementet omsyn til ein viss auke av gebyra i samband med skattebetalingsordninga.

       På bakgrunn av rekneskapstal for 1994 og statistikk for innkrevjingsverksemda pr. fyrste halvår 1995 er det grunn til å rekna med ein sterkare nedgang i innkrevjingsutgiftene i 1995 enn den løyvingsoverslaget bygde på. Departementet gjer framlegg om at den vedtekne løyvinga under kap. 1616, post 11 blir sett ned med 10,0 mill. kroner.