Forslagsstillarane syner i dokumentet til at
det i utbyggingssaker heile tida er ei avveging mellom lokal utvikling
og vern av miljøet og naturen. Det vert synt til at Stortinget
våren 1997 handsama St.meld. nr. 29 (1996-97) Om regional
planlegging og arealpolitikk, der heile komiteen seier at
«... praktisering av nasjonale målsetjingar
må ta omsyn til mangfaldet i Kommune-Norge og at problema
og utfordringane er ulike i tettfolka kommunar, kommunar nær
dei store folkekonsentrasjonane og kommunar med spreidd busetnad
lokaliserte i tuntfolka regionar».
Forslagsstillarane minner om at Kommunal- og
regionaldepartementet skal ha som oppgåve å gjera
ei fullstendig vurdering av alle vedtaka som vert fatta for å sjå på kva
for distriktspolitiske konsekvensar vedtaka får, og at
det difor også er viktig å sjå dette
i samanheng med Miljøverndepartementet si rolle.
Det vert fremja følgjande framlegg:
«Regjeringen bes komme til
Stortinget med en gjennomgang av begrepet nasjonale interesser i
utbyggingssaker med sikte på å få en
klarere definisjon som også tar hensyn til lokaldemokrati
og distriktsutvikling i tynt befolkede områder.»