Føremålet med direktivet er å syte
for at forbrukarprodukt som er gjorde tilgjengelege for
sal, er trygge. Trygge produkt tyder produkt som ikkje fører
med seg eller berre fører med seg minimal risiko for helseskade.
Direktivet er ein revisjon av rådsdirektiv
92/59/EØF om alminneleg produkttryggleik.
Dei viktigaste endringane i høve til
det opprinnelege direktivet er:
– Ein klarare
definisjon av verkeområdet til direktivet. Direktivet gjeld
generelt for alle forbrukarprodukt som ikkje er regulerte gjennom
særdirektiv.
– Bruksområdet vert utvida
til å omfatte produkt som det er rimeleg å vente
at forbrukarane skal nytte, sjølv om dei i utgangspunktet
ikkje var meinte for forbrukarar.
– Det skal leggjast sterkare vekt
på at produkt som vert rekna for å vere produserte
i medhald av harmoniserte standardar, skal ventast å oppfylle
krava i direktivet.
– Nye krav til produsentar/distributørar
med omsyn til informasjon til og samarbeid med nasjonale styresmakter
om farlege produkt.
– Nasjonale tilsynsstyresmakter
får heimel til å gje påbod om tilbakekalling
av farlege produkt som forbrukarane alt har fått i hende.
Det vert lagt stor vekt på marknadsovervaking og -kontroll.
– Vilkåra for at Kommisjonen
kan vedta eit hasteinngrep vert meir effektive ved at det ikkje
lenger er krav om at det skal liggje føre ei oppmoding
frå ein medlemsstat før det vert gjort vedtak.
– Det vert innført eit
eksportforbod til tredjestatar av produkt som har vore omfatta av
hastevedtak i medhald av artikkel 13 nr. 1 i direktivet. Dette er vedtak
på fellesskapsplan som vert gjorde av Kommisjonen på bakgrunn
av opplysningar om alvorleg risiko ved produkt. Det skal berre gjerast
vedtak på fellesskapsplan når det ikkje vert rekna
som tilstrekkeleg med vedtak på medlemsstatsplan.
Krava i direktivet skal gjennomførast
i norsk lovgjeving ved endringar i lov av 11. juni 1976 nr. 79 om
kontroll med produkter og forbrukertjenester (produktkontrollova).
Direktivet stiller i nokre tilfelle meir spesifiserte krav til produkttryggleiken
enn produktkontrollova.
Barne- og familiedepartementet vil fremje ein
eigen odelstingsproposisjon for Stortinget med framlegg til naudsynte
lovendringar. Fristen for å gjennomføre krava
i direktivet i norsk rett er 15. januar 2004.
Direktivet vil føre med seg større
krav til marknadsovervaking og -kontroll, både for det
offentlege tilsynsapparatet, for distributørar og for produsentar.
Krava til distributørar om plikt til å ta
vare på dokument for sporing av produkt vil kunne føre
med seg litt meir administrasjon og større utgifter for
desse.
Krav til produsentar og importørar
om ei aktiv informasjonsplikt overfor brukarane vil kunne føre
til auka utgifter for desse.
Komiteen, medlemmene fra Arbeiderpartiet, Eirin Faldet, Trond Giske og Torny Pedersen, fra Høyre, Afshan Rafiq, lederen Sonja Irene Sjøli og Olemic Thommessen, fra Fremskrittspartiet, Jan L. Stub og Karin S. Woldseth, fra Sosialistisk Venstreparti, Magnar Lund Bergo og May Hansen, fra Kristelig Folkeparti, Dagrun Eriksen og Ola T. Lånke, og fra Senterpartiet, Eli Sollied Øveraas, støtter de intensjoner som fremgår av proposisjonen. Trygghet for at de produktene vi omgir oss med er underlagt god sikkerhetskontroll er viktig i forebyggende arbeid mot ulykker, og for den trygghetsfølelse vi alle ønsker å ha i det daglige. I en tid med stor utveksling av varer ser komiteen det som positivt at reglene for standardisering og informasjonsplikt harmoniseres de europeiske landene imellom. Komiteen merker seg at innarbeidelse av dette direktivet betyr strengere krav til produsenter, distributører og tilsynsapparat enn det tilfellet er i Norge i dag.
Komiteens utkast til innstilling er forelagt utenrikskomiteen som i brev av 11. juni 2003 meddeler at komiteen ikke har merknader.
Komiteen har ellers ingen merknader, viser til proposisjonen og rår Stortinget til å gjøre slikt
vedtak:
Stortinget gjev samtykke til godkjenning av avgjerd i EØS-komiteen nr. 9/2003 av 31. januar 2003 om endring av vedlegg II til EØS-avtala ved inlemming av europaparlaments- og rådsdirektiv 2001/95/EF om alminneleg produkttryggleik.
Oslo, i familie-, kultur- og administrasjonskomiteen, den 12. juni 2003
Sonja Irene Sjøli
leder |
Olemic Thommessen
ordfører |