I proposisjonen legg Nærings- og handelsdepartementet
fram endringsforslag på kapittel og postar på statsbudsjettet
for 2007.
Det viser seg at kontingentane for deltaking
i fleire av organisasjonane, mellom anna IMO (Den internasjonale
sjøfartsorganisasjonen), EMSA (Det europeiske sjøsikkerheitsorganet)
og Paris MoU (Internasjonal avtale om hamnestatskontroll) blir om
lag 2,5 mill. kroner lågare enn berekna i St.prp. nr. 1
(2006-2007).
Nærings- og handelsdepartementet legg
på dette grunnlaget fram forslag om å redusere
løyvinga med 2,5 mill. kroner, frå 23,05
til 20,55 mill. kroner.
Ordinær løyving gjennom St.prp.
nr. 1 (2006-2007) var 1 330 mill. kroner. På grunnlag
av berekningar og prognose etter utbetalingane for 6. temin
2006 (for november og desember) og 1. termin 2007 (for
januar og februar) vart løyvinga auka med 150 mill. kroner,
til 1 480 mill. kroner, i revidert statsbudsjett 2007 i
vår, jf. St.prp. nr. 69 og Innst. S. nr. 230 (2006-2007).
Tilskotsordninga er regelstyrt, og særleg
talet på sjøfolk som er omfatta av ordningane,
er avgjerande for storleiken på refusjonsutbetalingane.
Auken i tilskotsutbetalingane i høve til berekningane i
saldert budsjett skuldast i hovudsak at fleire sjøfolk
blir omfatta av nettolønsordninga til offshorefarty i NOR,
og auka lønsutbetalingar.
På dette grunnlaget legg Nærings-
og handelsdepartementet fram forslag om å auke løyvinga
med 100 mill. kroner, frå 1 480 til 1 580
mill. kroner.
Norsk Romsenter har hatt utbetalingar i euro
til ESA til andre kursar enn den budsjetterte. Samla utgjer valutakursjusteringane
ei innsparing på om lag 0,1 mill. kroner. Samstundes
har det vore justering i kontingentoppkallinga frå ESA
i budsjettåret. Dei samla kontingentforpliktingane i perioden
er uendra, men den årlege utbetalingstakta er justert.
Totalt auka innbetaling i høve til budsjett for 2007 utgjer
2,7 mill. kroner.
Nærings- og handelsdepartementet legg
på dette grunnlaget fram forslag om å auke løyvinga
med 2,6 mill. kroner, frå 105,4 til 108 mill.
kroner.
Norsk Romsenter har hatt utbetalingar i euro
til ESA og to utbetalingar i amerikanske dollar til Radarsat International
Inc til andre kursar enn dei budsjetterte. Samla utgjer valutakursjusteringane
ei innsparing på om lag 0,1 mill. kroner.
Vidare gjer endra framdrift i gjennomføring
av programma at utbetalingane av programmidlar til ESA i 2007 blir
32,5 mill. kroner lågare enn berekna i St.prp. nr. 1 (2006-2007).
Nærings- og handelsdepartementet legg
på dette grunnlaget fram forslag om å redusere
løyvinga med 32,6 mill. kroner, frå 294
til 261,4 mill. kroner.
På statsbudsjettet for 2007 er det
løyvd 11,5 mill. kroner til å dekkje
transaksjonskostnader og fagleg bistand i samband med aksjesal i
selskap under Nærings- og handelsdepartementet si forvalting.
Dei samla utgiftene for 2007 er venta å bli
om lag 23 mill. kroner. Mellom anna er det utbetalt om
lag 9 mill. kroner i honorar til juridiske og finansielle
rådgjevarar i samband med samanslåing av petroleumsverksemda
til Norsk Hydro ASA med Statoil ASA. Løyvinga er elles
nytta til å dekkje avgift på 2,8 mill. kroner
for deponering av aksjar i børsnoterte selskap i Verdipapirsentralen,
og til fagleg bistand i samband med eigarmessige vurderingar.
Nærings- og handelsdepartementet legg
på dette grunnlaget fram forslag om å auke løyvinga
under posten med 10,8 mill. kroner, frå 11,5 til 22,3 mill.
kroner.
Ved handsaminga av St.prp. nr. 69 (2006-2007)
Tilleggsbevilgninger og omprioriteringer i statsbudsjettet 2007,
samtykte Stortinget i at ramma for å utgiftsføre betalingar
knytt til pålagte miljøtiltak etter verksemda til
Raufoss ASA utan løyving på førehand,
vart auka frå 50 til 90 mill. kroner.
Ved utgangen av 2007 vil om lag 61 mill. kroner
av garantiramma på 90 mill. kroner vere disponert til konkrete
oppryddingsprosjekt. Det er utbetalt til saman om lag 25,5 mill.
kroner i refusjon for utførte miljøtiltak i 2005
og 2006. I 2007 har departementet ved utgangen av oktober utbetalt
om lag 14,5 mill. kroner for kostnader knytt til pålagte,
utførte miljøtiltak. Etter planen vil det bli
aktuelt med ytterlegare utbetalingar i 2007.
På dette grunnlaget legg Nærings-
og handelsdepartementet fram forslag om å løyve
20 mill. kroner på statsbudsjettet for 2007.
Innovasjon Norge kan ta opp innlån
i statskassa til valfri løpetid og med ein rentesats som
svarar til renta på statspapir med same løpetid.
Innlån og avdrag har auka i 2007 fordi
Innovasjon Norge nyttar meir kortsiktige lån enn det som
låg til grunn ved salderinga av budsjettet. Dette inneber òg
at avdraga aukar om lag tilsvarande, jf. omtale under kap. 5325
post 90.
På dette grunnlaget legg Nærings-
og handelsdepartementet fram forslag om å auke løyvinga
med 5,4 mrd. kroner, frå 33,2 til 38,6 mrd.
kroner.
Ved Stortinget si handsaming av St.prp. nr.
69 (2006-2007) Tilleggsbevilgninger og omprioriteringer i statsbudsjettet
2007, vart løyvinga auka med 3 251 mill. kroner,
til 3 261 mill. kroner, som følgje av forventa innbetaling
frå tilbakekjøp av eigne aksjar i DnB NOR ASA,
Norsk Hydro ASA og Yara International ASA. Dei faktiske innbetalingane
vart 18,1 mill. kroner høgara.
På denne bakgrunnen legg Nærings-
og handelsdepartementet fram forslag om å auke inntektsløyvinga med
18,1 mill. kroner, frå 3 261 til 3 279,1 mill.
kroner.
Posten omfattar avdrag på lån
til Innovasjon Norge frå statskassa, jf. omtale av opplegget
for innlån under kap. 2421 post 90. Som følgje
av hyppigare refinansiering av lån enn forventa er det
behov for å auke løyvinga. I tillegg har Innovasjon
Norge redusert dei totale innlåna sine i statskassa i løpet
av året slik at avdraga aukar meir enn innlåna
under kap. 2421 post 90.
På dette grunnlaget legg Nærings-
og handelsdepartementet fram forslag om å auke løyvinga
med 5,6 mrd. kroner, frå 33,4 til 39 mrd. kroner.
Ved Stortinget si handsaming av St.prp. nr.
69 (2006-2007) Tilleggsbevilgninger og omprioriteringar i statsbudsjettet
2007, vart Store Norske Spitsbergen Kulkompani A/S gitt
eit ansvarleg lån på 250 mill. kroner til ei rente
på 9 pst. p.a. Lånet skal tilbakebetalast
når forsikringssaka etter brannen i Svea Nord-gruva i 2005 er
endeleg avgjort. I desember 2007 skal selskapet betale 11,46 mill.
kroner i renter på lånet.
På dette grunnlaget gjer departementet
forslag om å inntektsløyve 11,46 mill. kroner
under nytt kap. 5612 post 80 på statsbudsjettet for 2007.
Utbytet vil auke med vel 7 mill. kroner, hovudsakeleg
på grunn av at det vart innbetalt utbyte frå Store Norske
Spitsbergen Kulkompani A/S.
På denne bakgrunnen legg Nærings-
og handelsdepartementet fram forslag om å auke
utbyteløyvinga med 7,4 mill. kroner, frå 13 619,6
til 13 627 mill. kroner.
Målsettinga for satelittnavigasjonssystemet
Galileo er at det, saman med det amerikanske Global Positioning
System (GPS), skal bli Europas og Noregs primære system
for posisjonsbestemming, tidfesting og navigasjon.
For perioden 2005-2007 er det sett av til saman
76 mill. kroner til utviklingsfasen av Galileo. Forhandlingane med
EU om ei samarbeidsavtale om Galileo er ikkje sluttført.
Dei avsette midlane er derfor ikkje utbetalt. Inntil ei avtale med
EU ligg føre blir dei avsette midlane under kap. 922 post
72 (16 mill. kroner) og kap. 2421 post 72 (60 mill. kroner) halde
tilbake. Norsk industri har allereie fått industriretur
tilsvarande dei norske forpliktingane. Framdrifta i Galileo-programmet
er også omtala i statsbudsjettet for 2008 under kap. 922
post 72.
Komiteen, medlemmene fra Arbeiderpartiet,
Sigrun Eng, Steinar Gullvåg, Arne L. Haugen, Sigvald Oppebøen
Hansen, Gorm Kjernli, og fra Fremskrittspartiet, Hans Frode Kielland
Asmyhr, Kåre Fostervold og Øyvind Korsberg, fra Høyre,
Torbjørn Hansen og Elisabeth Røbekk Nørve,
fra Sosialistisk Venstreparti, Inge Ryan, fra Kristelig Folkeparti,
Ingebrigt S. Sørfonn, fra Senterpartiet, lederen Ola Borten
Moe, og fra Venstre, Leif Helge Kongshaug, viser til St.prp.
nr. 15 (2007-2008) og merker seg at Nærings- og handelsdepartementets
forslag til endringer i budsjettet for 2007 er å anse som
tekniske endringer eller som resultat av tidligere vedtak. Komiteen viser også til
at noen av de foreslåtte endringene skyldes rente- og valutakursendringer.
Komiteen er kjent med at utbetalingene
knyttet til nettolønnsordningen for sikkerhetsbemanningen
på hurtigruteskipene antakelig må utsettes til
2008. Dette som følge av at forhandlingene mellom staten
og Hurtigruten ASA om en avtale om kjøp av transporttjenester
ikke kan sluttføres tidsnok til at ESA-godkjenning av tilskuddsordningen
kan bli gitt innen utgangen av 2007. Den samlede utbetalingen fra
ordningen ligger an til å bli om lag 100 mill. kroner høyere
enn budsjettert, på grunn av økte lønnsutbetalinger
og at flere sjøfolk omfattes av nettolønnsordningen
til offshorefartøy i NOR. Komiteen tar
dette til etterretning.
Komiteen har for øvrig
ingen merknader, viser til proposisjonen og rår Stortinget
til å gjøre følgende
vedtak:
I statsbudsjettet for 2007 blir det gjort følgjande
endringar:
Kap. | Post | Formål | Kroner |
| | | | |
| | Utgifter | |
900 | | Nærings- og handelsdepartementet | |
| 70 | Tilskot til internasjonale
organisasjonar, blir redusert med | 2 500 000 |
| | frå kr 23 050
000 til kr 20 550 000 | |
909 | | Tiltak for sysselsetting
av sjøfolk | |
| 73 | Tilskot til sysselsetting
av sjøfolk, overslagsløyving, blir
auka med | 100 000 000 |
| | frå kr 1 480 000
til kr 1 580 000 | |
922 | | Romverksemd | |
| 70 | Kontingent i European Space
Agency (ESA), blir auka med | 2 600 000 |
| | frå kr 105 400
000 til kr 108 000 000 | |
| 71 | Internasjonal romverksemd, blir
redusert med | 32 600 000 |
| | frå kr 294 000
000 til kr 261 400 000 | |
950 | | Forvalting av statleg eigarskap | |
| 21 | Spesielle driftsutgifter, kan overførast, blir auka med
| 10 800 000 |
| | frå kr 11 500
000 til kr 22 300 000 | |
960 | (nytt) | Raufoss ASA | |
| 71 | Refusjon for miljøtiltak, blir
løyvd med | 20 000 000 |
2421 | | Innovasjon Norge | |
| 90 | Lån frå statskassa
til utlånsverksemd, overslagsløyving,blir
auka med med | 5 400 000
000 |
| | frå kr 33 200
000 000 til kr 38 600 000 000 | |
| | Inntekter | |
3950 | | | Forvaltning av statleg eigarskap | |
| 96 | Sal av aksjar, blir
auka med | 18 100 000 |
| | frå kr
3 261 000 000 til kr 3 279 100 000 | |
5325 | | Innovasjon
Norge | |
| 90 | Avdrag på uteståande
fordringar, blir auka med | 5 600 000
000 |
| | frå kr
33 400 000 000 til kr 39 000 000 000 | |
5612 | (nytt) | Renter frå Store
Norske Spitsbergen Kulkompani A/S | |
| 80 | Renter, blir
løyvd med | 11 460 000 |
5625 | | Renter og
utbyte frå Innovasjon Norge | |
| 80 | Renter på lån
frå statskassa, blir redusert med | 41 000 000 |
| | frå kr
417 000 000 til kr 376 000 000 | |
5656 | | Aksjar i selskap
under NHD si forvalting | |
| 85 | Utbyte, blir
auka med | 7 400 000 |
| | frå kr
13 619 600 000 til kr 13 627 000 000 | |
Oslo, i næringskomiteen, den 6. desember 2007
Ola Borten Moe
leder og ordfører |