I denne proposisjonen legg Forsvarsdepartementet
fram forslag om regulering av primærgodtgjersler for utskrivne vernepliktige
mannskap frå 1. juli 2009.
Forslaget til regulering er basert på ei tilråding
til lønsoppgjeret mellom staten og LO Stat, Yrkesorganisasjonenes
Sentralforbund Stat, Akademikerne og Unio Stat. Det er òg teke omsyn
til at låglønsgruppa i lønsramme 01, i samband med justeringsoppgjeret
pr. 1. juli 2008, fekk ei særskilt justering frå lønstrinn 16 til
lønstrinn 18, då lønsramme 01 vart fjerna og erstatta med lønsramme
02. Det er naturleg og rimelig at denne særskilte justeringa for
låglønsgruppa, som er basis for soldatreguleringane, óg får verknad
for regulering av soldatanes primærgodtgjerdsler. Forsvarsdepartementet
foreslår difor at denne justeringa kjem i tillegg til justeringa
på lønstrinn 18 på A-tabellen, og at samla justering får verknad
frå 1. juli 2009.
Med grunnlag i lønsoppgjeret for statstilsette, blir
primærgodtgjersler til vernepliktige mannskap tilrådd auka med 3,8
pst. frå 1. juli 2009.
Meirutgiftene for 2009 er utrekna til 15,919
mill. kroner.
I mange år har dei økonomiske ytingane til soldatane
blitt regulert med basis i lønsoppgjeret for tilsette i staten.
Forsvarsdepartementet har dei seinare åra, i tråd med synet til
forsvarskomiteen, lagt lågaste lønstrinn for vaksen, ufaglært arbeidskraft
til grunn for reguleringa.
I samband med justeringsoppgjeret i staten pr. 1. juli
2008, blei lønsramme 01, som har vært basis for soldatreguleringane,
fjerna og erstatta med lønsramme 02, der lågaste lønstrinn er 18. Låglønsgruppa
fekk dermed eit opprykk frå lønstrinn 16 til lønstrinn 18. Då denne
justeringa, som medfører ei regulering på 2,8 pst., ikkje kom med
i fjorårets soldatproposisjon, vil Forsvarsdepartementet tilrå at
den kjem i tillegg til justeringa i lønstrinn 18 på A-tabellen ved
årets regulering.
Det tilrådde lønsoppgjeret for statstilsette
i lønsramme 02, alternativ 1, tenesteansiennitet 0, gav som resultat
ei auke med om lag 1,0 pst. med verknad frå 1. mai 2009. I tillegg
kjem reguleringa på 2,8 pst. frå justeringsoppgjet pr. 1. juli 2008.
Dette utgjer til saman ei regulering avrunda til 3,8 pst.
Dei årlege reguleringane med basis i lønsoppgjeret
sikrar dei vernepliktige ein rimeleg god levestandard. Departementet
meiner det er naturleg og rimeleg at det også i år blir gitt ei
regulering som for lågaste begynnarløn for vaksen, ufaglært arbeidskraft
i staten. Etter ei samla vurdering er Forsvarsdepartementet kome
fram til at dei vernepliktige bør få ei regulering på 3,8 pst. med
verknad frå 1. juli 2009.
Forslaget medfører følgjende regulering av satsane
frå 1. juli 2009:
Tenestetillegg
frå kr 140,00 | til kr 145,00 pr. dag |
Tenestetillegg,
HV- innsatsstyrke frå kr 751 | til kr 780,00 pr. dag |
Operativt (§ 13-oppdrag)
tillegg frå kr 1 073 | til kr 1 114,00 pr. dag |
Korporalstillegg
frå kr 17,70 | til kr 18,40 pr. dag |
Kompensasjonstillegg
frå kr 275,00 | til kr 285,00 pr. dag |
Ektefelletillegg
frå kr 3 750,00 | til kr 3 891,00 pr. månad |
Barnetillegg,
første barn frå kr 4 260,00 | til kr 4 422,00 pr. månad |
Barnetillegg,
øvrige barn frå kr 1 755,00 | til kr 1 821,00 pr. månad |
Dimisjonsgodtgjersle,
12 månader teneste frå kr 26 850 | til kr 27 870 |
Utdanningsbonus, dagsats frå
kr 52,00 pr. dag | til kr 54,00 pr. dag. |
Meirutgiftene som følgje av forslaget er utrekna til
15,919 mill. kroner for 2009 etter følgjande fordeling:
Auke av tenestetillegg
og korporalstillegg | 8,392 mill. kroner |
Auke av tenestetillegg
for HV-innsatsstyrke og operativt tillegg (§ 13-oppdrag) | 0,309 mill. kroner |
Auke av kompensasjonstillegg
| 0,125 mill. kroner |
Auke av forsørgjartillegg
| 0,434 mill. kroner |
Auke av dimsjonsgodtgjersle
| 6,441 mill. kroner |
Auke av utdanningsbonus | 0,218 mill. kroner |
Regulativendringane får same verknad for dei sivile
vernepliktige som for militære vernepliktige mannskap. Dette følgjer
av militærnekterlova § 18. Meirkostnadane for siviltenesteforvaltninga
for andre halvåret 2009 er utrekna til 768 000 kroner. Heilårseffekten
er utrekna til 1,135 mill. kroner.
Komiteen,
medlemmene fra Arbeiderpartiet, Bendiks H. Arnesen, Thorbjørn Jagland
og Signe Øye, fra Fremskrittspartiet, Per Roar Bredvold, Henning Skumsvoll
og Jan Fredrik Vogt, fra Høyre, lederen Jan Petersen, og fra Sosialistisk
Venstreparti, Bjørn Jacobsen, slutter seg til proposisjonen
uten merknader.
Komiteen viser til
proposisjonen og rår Stortinget til å gjøre følgende
vedtak:
I statsbudsjettet for 2009 blir det gjort følgjande endringar:
Kap. | Post | Formål | Kroner |
| | Utgifter | |
450 | | Sivile vernepliktige | |
| 1 | Driftsutgifter, blir auka med | 768 000 |
| | frå kr 77 046 000
til kr 77 814 000 | |
1719 | 1 | Fellesutgifter
og tilskudd til foretak under Forsvarsdepartementet | |
| | Driftsutgifter, blir auka med | 35 000 |
| | frå kr 387 521 000 til kr 387 556
000 | |
1720 | | Felles ledelse
og kommandoapparat | |
| 1 | Driftsutgifter, blir auka med | 99 000 |
| | frå kr 1 917 920 000
til kr 1 918 019 000 | |
1725 | | Fellesinstitusjoner
og -utgifter under Forsvarsstaben | |
| 1 | Driftsutgifter, blir auka med | 602 000 |
| | frå kr 2 393 548 000
til kr 2 394 150 000 | |
1731 | | Hæren | |
| 1 | Driftsutgifter, blir auka med | 7 555 000 |
| | frå kr 4 275 893
000 til kr 4 283 448 000 | |
1732 | | Sjøforsvaret | |
| 1 | Driftsutgifter, blir auka med | 1 986 000 |
| | frå kr 3 093 100 000
til kr 3 095 086 000 | |
1733 | | Luftforsvaret | |
| 1 | Driftsutgifter, blir auka med | 1 501 000 |
| | frå kr 3 711 208 000
til kr 3 712 709 000 | |
1734 | | Heimevernet | |
| 1 | Driftsutgifter, blir auka med | 1 455 000 |
| | frå kr 1 009 790
000 til kr 1 011 245 000 | |
1740 | | Forsvarets logistikkorganisasjon | |
| 1 | Driftsutgifter, blir auka med | 2 128 000 |
| | frå kr 2 938 011 000
til kr 2 940 139 000 | |
1790 | | Kystvakten | |
| 1 | Driftsutgifter, blir auka med | 549 000 |
| | frå kr 889 104 000
til kr 889 653 000 | |
1792 | | Norske styrker
i utlandet | |
| 1 | Driftsutgifter, blir auka med | 3 000 |
| | frå kr 1 042 542 000
til kr 1 042 545 000 | |
1795 | | Kulturelle og
allmennyttige formål | |
| 1 | Driftsutgifter, blir auka med | 6 000 |
| | Frå kr 273 709 000 til kr 273 715
000 | |
Oslo, i forsvarskomiteen, den 15. juni 2009
Jan Petersen |
Per Roar Bredvold |
leder |
ordfører |