Med bakgrunn i framdrifta i Nødnettprosjektet og
kontraktsoppfølginga med leverandøren, er det bl.a. avtalt endringar
på tidspunkt for leverings- og betalingsmilepælar. For at staten
skal overhalde kontrakten er det behov for å foreslå å redusere
løyvinga under kap. 456 og kap. 3456 i 2010, mot ein tilsvarande
auke av løyvinga i 2011. Samla ramme for fyrste utbyggingsområde
vert ikkje endra som følgje av dette. Regjeringa tar sikte på å
kome attende til Stortinget med forslag om tilleggsløyving i 2011.
Det vert foreslått å redusere løyvinga under
kap. 456, post 1 Driftsutgifter med 101,1 mill. kroner i 2010. Hovuddelen
av behovet for redusert løyving i 2010 utgjer akkumulerte driftsutgifter for
radionettverket attende til 2008 og fram til no samt operatør- og
vedlikehaldskostnader som fyrst forfell til betaling for staten
når leverandøren formelt har oppnådd milepælar for radionettverket
og i kommunikasjonssentralleveransen til naudetatane.
Det vert foreslått å redusere løyvinga under
kap. 456, post 45 Større utstyrsinnkjøp og vedlikehald, kan overførast,
med 88,8 mill. kroner. Forslaget om redusert løyving knyter seg
i hovudsak til investeringar i radionettstrukturen som forfell på
kontraktuelle milepælar ved årsskiftet 2010/2011. Den foreslegne
reduksjonen av løyvinga under kap. 456 post 45 fører også med seg forslag
om å redusere løyvinga under kap. 3456, post 2 Refusjonar, jf. omtale
nedanfor.
Løyvinga på post 2 Refusjonar gjeld refusjon
av driftsutgifter som er vidarefakturert naudetatane. Det vert foreslått
å redusere løyvinga under posten med 16,3 mill. kroner i 2010, jf.
omtale under kap. 456 post 45.
Komiteen, medlemmene fra Arbeiderpartiet,
Anne Marit Bjørnflaten, Susanne Bratli, Freddy de Ruiter, Gorm Kjernli,
Magne Rommetveit og Tone Merete Sønsterud, fra Fremskrittspartiet,
Jan-Henrik Fredriksen, Ingebjørg Godskesen, Bård Hoksrud og Arne
Sortevik, fra Høyre, Elin Rodum Agdestein, Øyvind Halleraker og
Ingjerd Schou, fra Sosialistisk Venstreparti, Lasse Kinden Endresen,
fra Senterpartiet, Janne Sjelmo Nordås, og fra Kristelig Folkeparti,
lederen Knut Arild Hareide, viser til proposisjonen og støtter regjeringens
forslag.
Komiteen har ellers ingen merknader,
viser til proposisjonen og rår Stortinget til å gjøre følgende
vedtak:
I statsbudsjettet for 2010 vert det gjort
følgjande endringar:
Kap. | Post | Formål | Kroner |
Utgifter |
456 | | Direktoratet for nødkommunikasjon | |
| 1 | Driftsutgifter, vert redusert med
| 101 100 000 |
| | frå kr 274 139 000 til kr 173 039 000 | |
| 45 | Større utstyrsinnkjøp og vedlikehald, kan
overførast,vert redusert med | 88 800 000 |
| | frå kr 331 626 000 til kr 242 826 000 | |
Inntekter |
3456 | | Direktoratet for nødkommunikasjon | |
| 2 | Refusjonar, vert redusert med
| 16 300 000 |
| | frå kr 23 496 000 til kr 7 196 000 | |
Oslo, i transport- og kommunikasjonskomiteen, den 1. desember 2010
Knut Arild Hareide |
leder og ordfører |