8.2 Komiteens merknader

Komiteen registrerer at Riksrevisjonen har kome med to avsluttande revisjonsbrev utan merknader og to revisjonsbrev med merknader til Forsvaret og Forsvarsbygg.

Komiteen registrerer at Riksrevisjonen omtalar informasjonstryggleiken i Forsvarsdepartementet, og legg til grunn at departementet fylgjer opp dette. Det same gjeld liknande tilhøve i både Forsvaret og Forsvarsbygg. Komiteen er vidare uroa over dei kritiske merknadene som Riksevisjonen har vedrørande vedlikehald av Forsvarets eigedom, bygg og anlegg. Komiteen bed Riksrevisjonen fylgja opp dette.

Komiteens flertall, medlemmene fra Fremskrittspartiet, Høyre, Kristelig Folkeparti og Venstre, viser i tillegg til at Riksrevisjonen er kritisk til at Forsvaret ikke er à jour med å identifisere, klassifisere og prioritere informasjonsaktiva og at det ikke er utarbeidet tilstrekkelige risikoanalyser på informasjonssikkerhetsområdet, og har merket seg statsrådens tilbakemelding om at man fra departementet vil stille eksplisitte krav til etatene i forsvarssektoren om å gjennomføre analyser i 2011 og at man skal ha et spesielt fokus på etterlevelse av gjeldende lovverk relatert til informasjonssikkerhet der det stilles krav til å identifisere, klassifisere og prioritere informasjonsaktiva. Flertallet forutsetter at dette følges opp på en aktiv måte.

Forsvaret

Komiteen meiner det er alvorleg at Riksrevisjonen har kritiske merknader til styrkeproduksjonen og den operative verksemda i Forsvaret. Komiteen sluttar seg til Riksrevisjonens føresetnad om at desse tilhøva vert fylgde opp i styringsdialogen med forsvarssjefen.

Komiteen har merka seg at materiellforvaltninga har vorte kritisert dei seinaste åra, mellom anna i 2006, 2007 og 2008. Komiteen er nøgd med at Forsvarsdepartementet opplyser at arbeidet med avdelinganes materiellbehaldningar og komplett operativ organisasjonsplan vart sluttført sumaren 2010. Komiteen bed Riksrevisjonen fylgja opp merknadene som gjeld ammunisjonsforvaltninga.

Komiteens medlemmer fra Fremskrittspartiet viser til komiteens spørsmål datert 4. november 2010 om de gjentatte kritikkverdige forhold ved Forsvarets materiellforvaltning og der en etterspør når disse forhold blir brakt til opphør, og har merket seg statsrådens svar som vedlegges innstillingen, der det forsikres om at oppfølgingen av dette gis høyeste prioritet i Forsvaret.

Komiteen sluttar seg til Riksrevisjonens merknader som gjeld driftsinnkjøp, og legg til grunn at Forsvarets oppfylging av desse vert kommentert i Dokument 1 for budsjettåret 2010.

Komiteen ser alvorleg på det Riksrevisjonen har avdekka vedrørande Forsvarets sanitet: mangelfull internkontroll, brot på reglar for innkjøp, mang-lande oversikt over materiell og for lite fagmedisinsk personell. Komiteen føreset at Forsvarsdepartementet fylgjer opp dette, og at Riksrevisjonen dinest held komiteen oppdatert om utviklinga.

Forsvarsbygg

Komiteen fester lit til at arbeidet med å syta for tilfredsstillande internkontroll i Forsvarsbygg no ser lovande ut. Komiteen legg elles til grunn at Forsvarsdepartementet fylgjer opp dei innseiingane som Riksrevisjonen har vedrørande innleigde konsulentar i utbyggingsprosjekt.

Oppfylgjing av tidlegare rapporterte tilhøve

Komiteen tek til orientering at Riksrevisjonen planlegg å fylgja opp dei tidlegare omtala rapporterte tilhøva som gjeld rettidig betaling, betaling før forfallsdato, bankkonti knytte til Foregn Military Sales og mangelfull internkontroll i Forsvarsbygg.

Forrige kapittel
Neste kapittel