Ved lov 12. desember 2008 nr. 99 blei det, med verknad
frå og med 7. oktober 2008, vedteke generelle lovføresegner om skattlegging
av latente ge-vins-tar ved uttak av eigedelar og skyldnader frå
norsk skattleggingsområde. Ein viser til skattelova § 9-14,
jf. § 14-27 og Ot.prp. nr. 1 (2008–2009) kapittel 8.
Dei gjeldande reglane om skattlegging ved uttak av
enkeltobjekt frå norsk skattleggingsområde går ut på at latent gevinst
på ein eigedel eller skyldnad som mister tilknyting til norsk skattleggingsområde
skal skattleggjast som om eigedelen eller skyldnaden var realisert.
Reglane skil mellom på den eine sida fysiske driftsmiddel, finansielle
eigedelar og skyldnader, og på den andre sida immaterielle eigedelar
og objekt meint for omsetnad.
For fysiske driftsmiddel, finansielle eigedelar
og skyldnader kan skattytaren krevja at skattebetalinga skytast
fram til tidspunktet for faktisk realisasjon. Det skal ikkje svarast
renter av skattebeløpet, men i somme høve må skattytaren stille
sikkerheit for beløpet. Vidare vil skatten falle bort dersom objektet
ikkje er faktisk realisert innan fem år etter uttaksåret. Verdifall
i tida fram til faktisk realisasjon vil redusere skatten motsvarande.
For immaterielle eigedelar og objekt meint for omsetnad
må skatten betalast med ein gong, utan høve til utsetjing, og skatten
vil ikkje bli redusert ved eventuell seinare verdireduksjon. Skatten for
desse eigedelane vil heller ikkje falle bort dersom objektet ikkje
er faktisk realisert innan fem år etter uttaksåret.
Departementet gjer framlegg om fleire endringar i
reglane om utsett skattebetaling for fysiske driftsmiddel, finansielle
eigedelar og skyldnader, jf. punkt 2.2 i proposisjonen. Ein foreslår
at det skal svarast renter av skattebeløpet for tida fram til betaling.
Skattytarane må også utan unntak stille sikkerheit for skattebeløpet.
Tidsfristen for faktisk realisasjon (femårsfristen) skal etter forslaget
falle bort, slik at betalingsutsetjinga, med krav om renter og sikkerheit,
skal vare ved fram til tidspunktet for faktisk realisasjon, utan
omsyn til når dette hender. Skattytarar som høyrer heime utanfor
EØS, skal ikkje lenger ha rett til utsett skattebetaling i noko
tilfelle. I samanheng med innstrammingane foreslår ein også enkelte
tilpassingar i reglane knytt til frådrag for tap, frådrag (kredit)
for gevinstskatt til utlandet, fritaksmetoden for skattlegging av
aksjeinntekter o.a. og inntaksverdi for objekt som på nytt takast
inn i norsk skattleggingsområde.
Dei nemnde endringane har dels samanheng med
utviklinga i EU- og EØS-retten, mellom anna EU-domstolens avgjerd
av 29. november 2011 i sak C-371/10 National Grid Indus. Avgjerda
er omtalt under punkt 2.2.3 og 2.2.4 i proposisjonen.
Departementet foreslår også enkelte klårgjeringar
i lovføresegnene om skattlegging av latente gevinstar ved uttak
av eigedelar og skyldnader frå norsk skattleggingsområde, jf. punkt
2.3 i proposisjonen. Ein foreslår at det tas inn ei føresegn i skattelova
§ 9-14 andre ledd, som gjer det klårt at som uttak reknes tilfelle
der ein eigedel i eit underliggjande deltakarlikna selskap mister
si tilknyting til norsk skattleggingsområde. I tillegg foreslår
ein ei klårgjering av at opprekninga av uttakstilfella i skattelova
§ 9-14 andre ledd ikkje er meint å være uttømmande.
For ikkje å komplisere overgangen til den nye ordninga
for utsett skattebetaling ved uttak frå norsk skattleggingsområde
foreslår departementet at endringane gjennomgåande berre skal ha verknad
for uttak som blir gjennomført frå og med datoen for framlegget
av proposisjonen, det vil seie frå og med 15. mai 2012. Endringane
bør få verknad med ein gong, for å hindre tilpassingar til endringane,
ved at objekt takast ut av norsk skattleggingsområde før endringane
får verknad. Ingen av forslaga skal få verknad med omsyn til objekt
som er tatt ut av norsk skattleggings-område før 15. mai 2012. Retten
til skattebetalingsutsetjing fell bort mellom anna ved faktisk realisasjon
av objektet som er tatt ut av norsk skattleggingsområde. Etter den føreslåtte
iverksettingsregelen vil konsekvensane av slike disposisjonar, mellom
anna plikta til å betale opparbeidde renter på skattebeløpet fram
til disposisjonstidspunktet, avhenge av tidspunktet for det tidlegare
uttaket frå norsk skattleggingsområde. Tidspunktet for den faktiske realisasjonen
o.a. skal ikkje ha noko å seia med omsyn til iverksetjinga av endringane.
Etter dei nye reglane skal flytting til ein stat utanfor EØS-området
føre til opphøyr av retten til betalingsutsetjing. Det følgjer likevel
av det som er sagt ovanfor at flytting til ein stat utanfor EØS
ikkje skal føre til opphøyr av retten til betalingsutsetjing dersom
uttaket er hendt før 15. mai 2012 og vilkåra for betalingsutsetjing
elles er oppfylt. Når det gjeld skattytarar som allereie ved uttaket
høyrer heime i ein stat utanfor EØS, vil dei ikkje ha høve til betalingsutsetjing
dersom uttaket er gjennomført 15. mai 2012 eller seinare. Ein viser
til forslag til iverksettjingsføresegn til endringane i skattelova
§ 9-14.
Forslaget vil ikkje føre til monaleg meirarbeid for
skatteetaten eller skattytarane. Forslaget dreier seg i hovudsak
om utflytting av større driftsmiddel av mobil karakter, som til
dømes riggar og immaterielle eigedelar som patent o.a. Omfanget
av slike transaksjonar er relativt avgrensa, men enkelte transaksjonar
kan vere store. Omfanget varierar mykje frå år til år. På denne bakgrunnen
er dei økonomiske verknadene av endringsforslaget knapt mogeleg
å rekne ut. Reglane skal forhindre tap av skattegrunnlag ved uttak
til andre skattejurisdiksjonar, og provenyverknadene på kort sikt
vil derfor truleg ikkje vere nemnande stor.
Problemstillingane som er omtalt under punkt 2.3.1
og 2.3.2 i proposisjonen, gjeld også for føresegnene i skattelova
§ 14-60 flg. om avskrivingar og inntektsoppgjer for driftsmiddel som
takast inn i og ut av norsk skattleggingsområde. Departementet foreslår
derfor å ta inn presiseringar som nemnt også i skattelova § 14-60. Ein
viser til forslag til endring i skattelova § 14-60 tredje ledd første
punktum samt nytt tredje punktum.
Departementet foreslår at endringane tar til
å gjelde straks.
Endringane vil ikkje ha økonomiske eller administrative
verknader.
Komiteens flertall,
alle unntatt medlemmene fra Fremskrittspartiet og Høyre, slutter
seg til regjeringens forslag.
Komiteens medlemmer fra Fremskrittspartiet
og Høyre viser til regjeringens forslag om å skjerpe reglene
om beskatning av eiendeler som tas ut av norsk beskatningsområde. Disse medlemmer mener
rammebetingelsene må være så fleksible som mulig, slik at de ikke
hemmer norske bedrifters omstillingsevne. Dette gjelder også omstillinger
på tvers av landegrensene. Disse medlemmer registrerer
at regjeringen begrunner forslaget med beslutninger fattet i EU-domstolen. Disse
medlemmer mener imidlertid at regjeringen legger til grunn
en unødvendig streng fortolkning av domstolens beslutning.
Disse medlemmer vil derfor gå
imot forslag til endringer i skatteloven § 9-14 og § 14-60 om skattlegging
ved uttak av objekt fra norsk skattleggingsområde.