I proposisjonen legg Barne-, likestillings-
og inkluderingsdepartementet (BLD) fram endringsforslag på statsbudsjettet
for 2013.
BLD føreslår å flytte 200 000 kroner for å dekkje meirbehovet
på kap. 823 post 1, jf. omtale under denne posten.
BLD føreslår å redusere kap. 820 post 1 med
0,2 mill. kroner.
I proposisjonen framgår at det er anslått at
behovet i 2013 går ned med 23,8 mill. kroner samanlikna med Prop.
149 S (2012–2013). Hovudårsaka til endringa er ein reduksjon i talet
på personar som utløyser tilskot for år 1 for 2012, ein reduksjon
i talet på personar som utløyser tilskot for år 2–5 og ein reduksjon
i talet på barn som utløyser skuletilskot.
BLD føreslår i proposisjonen å redusere kap.
821 post 60 med 23,8 mill. kroner.
Behovet i 2013 blir i proposisjonen anslått
å gå ned med 17,5 mill. kroner samanlikna med Prop. 149 S (2012–2013).
Årsaka til endringa er ein reduksjon i talet på einslege mindreårige
som utløyser tilskot.
BLD føreslår i proposisjonen å redusere kap.
821 post 61 med 17,5 mill. kroner.
Behovet på posten blir i proposisjonen anslått
å gå ned med 3,7 mill. kroner frå Prop. 149 S (2012–2013). Årsaka
til endringa er ein reduksjon i talet på overføringsflyktningar
som blir busett i 2013 med 50 personar.
BLD føreslår i proposisjonen å redusere kap. 3821
post 1 med 3,7 mill. kroner.
Behovet på posten blir i proposisjonen anslått
å gå ned med 650 000 kroner frå Prop. 149 S (2012–2013). Årsaka
til endringa er ein reduksjon i talet einslege mindreårige som blir
busett i 2013 med ti personar.
BLD føreslår i proposisjonen å redusere kap. 3821
post 2 med 0,7 mill. kroner.
Behovet i 2013 blir i proposisjonen anslått
å auke med 20,4 mill. kroner samanlikna med Prop. 149 S (2012–2013).
Hovudårsaka til endringa er ein auke i utgiftene til norskopplæring
i mottak som følgje av ein auke i talet på asylsøkjarar. I tillegg
er det ein auke i talet på personar som får opphaldsløyve, noko som
gir auke i talet på personar som utløyser tilskot for år 1.
BLD føreslår i proposisjonen å auke kap. 822 post
60 med 20,4 mill. kroner.
Behovet på posten blir i proposisjonen anslått
å auke med 11,9 mill. kroner frå Prop. 149 S (2012–2013). Årsaka
til endringa er ein auke i talet på asylsøkjarar.
BLD føreslår i proposisjonen å auke kap. 3822 post
1 med 11,9 mill. kroner.
Det går fram av proposisjonen at det er eit
meirbehov på 700 000 kroner på posten. BLD føreslår å dekkje meirbehovet
ved å flytte 500 000 kroner frå kap. 800 post 1 og 200 000 kroner
frå kap. 820 post 1.
BLD føreslår i proposisjonen å auke kap. 823 post
1 med 0,7 mill. kroner.
Komiteen, medlemene
frå Arbeidarpartiet, Jan Bøhler, Stine Renate Håheim, Stein Erik
Lauvås, Helga Pedersen, og Eirik Sivertsen, frå Høgre, Frank J.
Jenssen, Mudassar Kapur, Bjørn Lødemel og Ingjerd Schou, frå Framstegspartiet,
Mazyar Keshvari og leiaren Helge André Njåstad, frå Kristeleg Folkeparti,
Geir S. Toskedal, frå Senterpartiet, Heidi Greni, frå Venstre, André
N. Skjelstad, og frå Sosialistisk Venstreparti, Karin Andersen,
handsamar i innstillinga dei budsjettkapitla som høyrer inn under
rammeområde 6 Innvandring, regional utvikling og bustad, og har
elles ingen merknader.
Komiteen har
elles ingen merknader, viser til proposisjonen og rår Stortinget
til å gjere slikt
vedtak:
I statsbudsjettet for 2013 blir det gjort
følgjande endringar:
Kap. | Post | Formål | Kroner |
| | | |
| | Utgifter | |
820 | | Integrerings- og mangfaldsdirektoratet | |
| 1 | Driftsutgifter, blir
redusert med | 200 000 |
| | frå kr 181 049 000 til kr 180 849 000 | |
821 | | Busetjing av flyktningar og tiltak for
innvandrarar | |
| 60 | Integreringstilskot,
kan overførast, blir redusert med
| 23 839 000 |
| | frå kr 5 024 400 000 til kr 5 000 561
000 | |
| 61 | Særskilt tilskot ved busetjing av einslege,
mindreårige flyktningar,
overslagsløyving, blir redusert med
| 17 483 000 |
| | frå kr 358 152 000 til kr 340 669 000 | |
822 | | Opplæring i norsk og samfunnskunnskap
for vaksne innvandrarar | |
| 60 | Tilskot til opplæring i norsk og samfunnskunnskap
for vaksne innvandrarar, blir auka med
| 20 375 000 |
| | frå kr 1 733 179 000 til kr 1 753 554
000 | |
823 | | Kontaktutvalet mellom innvandrarar og
myndigheitene | |
| 1 | Driftsutgifter, blir
auka med | 700 000 |
| | frå kr 6 691 000 til kr 7 391 000 | |
| | | |
| | Inntekter | |
3821 | | Busetjing av flyktningar og tiltak for
innvandrarar | |
| 1 | Integreringstilskot for overføringsflyktningar,
ODA-godkjende utgifter,
blir redusert med | 3 695 000 |
| | frå kr 89 860 000 til kr 86 165 000 | |
| 2 | Særskilt tilskot ved busetjing av einslege,
mindreårige flyktningar,
ODA-godkjende utgifter, blir redusert med
| 650 000 |
| | frå kr 31 551 000 til kr 30 901 000 | |
3822 | | Opplæring i norsk og samfunnskunnskap
for vaksne innvandrarar | |
| 1 | Norskopplæring i mottak, ODA-godkjende
utgifter, blir auka med | 11 882 000 |
| | frå kr 125 592 000 til kr 137 474 000 | |
Oslo, i kommunal- og forvaltningskomiteen, den 10. desember 2013
Helge André Njåstad
leiar og ordførar
|