I 2012 blei det løyvd i alt 179 mill. kroner
på kap. 1370 Posttenester, post 70 Kjøp av post- og banktenester.
Det er lagt til grunn ein etterrekningsmodell som over tid vil sikre
at det ikkje blir løyvd meir enn det faktiske behovet. Etterrekning
i tråd med dette viser eit faktisk behov i 2012 på 302 mill. kroner
til kjøp av post- og banktenester. Dette er 123 mill. kroner meir
enn det som blei løyvd i 2012. Departementet legg opp til at staten
betaler rente på det beløpet som Posten Norge skal ha etterbetalt.
Departementet foreslår å auke løyvinga på kap. 1370
Posttenester, post 70 Kjøp av post- og banktenester med 126,7 mill.
kroner.
Post- og teletilsynets driftsutgifter vil bli
lågare enn lagt til grunn i budsjettet for 2013. Departementet foreslår
derfor å redusere løyvinga på kap. 1380 Post- og teletilsynet, post 1
Driftsutgifter, med 4,8 mill. kroner.
Departementet foreslår å redusere løyvinga på kap.
4380 Post- og teletilsynet, post 1 Diverse gebyr med 7,51 mill.
kroner. Endringa kjem av, lønnsoppgjeret 2013, av lågare driftsutgifter
og lågare gebyrinntekter.
Reguleringsfondet består av gebyrinntekter frå tidlegare
år som ikkje har vore nødvendige for å finansiere dei årlege utgiftene.
Fondet er eit hjelpemiddel for å kompensere for tilfeldige inntekts-
og utgiftsvariasjonar, slik at kravet om at Post- og teletilsynet
skal vere sjølvfinansiert kan oppfyllast utan store gebyrendringar
frå år til år.
Under kap. 4380 post 1 Diverse gebyr, har Post- og
teletilsynet berekna at gebyrinntektene vil bli 4 mill. kroner lågare
enn budsjettert i 2013. Departementet foreslår derfor å auke løyvinga
på kap. 4380 Post- og teletilsynet, post 51 Frå reguleringsfondet,
med 4 mill. kroner.
For 2013 har Samferdselsdepartementet fullmakt
til å trekkje inntil 10 mill. kroner til eller frå Post og teletilsynets
reguleringsfond. Ein auke i løyvinga på post 51 Frå reguleringsfondet
gjer at fullmaktsbeløpet må aukast, jf. forslag til romartalsvedtak.
Komiteen slutter seg
til forslagene til bevilgninger under programområde 22.10 Post-
og telekommunikasjoner.