Samandrag

I proposisjonen legg Barne-, likestillings- og inkluderingsdepartementet (BLD) fram endringsforslag på statsbudsjettet for diverse kapittel.

Kap. 821 Busetjing av flyktningar og tiltak for innvandrarar

Post 60 Integreringstilskot, kan overførast

Det går fram av proposisjonen at behovet i 2014 blir anslått å gå ned med 26,0 mill. kroner samanlikna med Prop. 93 S (2013–2014). Hovudårsaka til endringa er ein reduksjon i talet på personar som utløyser tilskot for år 2 til 5.

BLD føreslår i proposisjonen å redusere løyvinga på kap. 821 post 60 med 26,0 mill. kroner.

Post 61 Særskilt tilskot ved busetjing av einslege mindreårige flyktningar, overslagsløyving

Det går fram av proposisjonen at behovet i 2014 blir anslått å gå ned med 20,6 mill. kroner samanlikna med Prop. 93 S (2013–2014). Hovudårsaka til endringa er at det er færre enn tidlegare antatt i målgruppa for tilskotet i 2014.

BLD føreslår i proposisjonen å redusere løyvinga på kap. 821 post 61 med 20,6 mill. kroner.

Kap. 3821 Busetjing av flyktningar og tiltak for innvandrarar

Post 1 Integreringstilskot for overføringsflyktningar, ODA-godkjende utgifter

Det går fram av proposisjonen at inntektene på posten blir anslått å gå ned med 8,4 mill. kroner frå Prop. 93 S (2013–2014). Hovudårsaka til endringa er ein reduksjon i talet på overføringsflyktningar som kjem i 2014.

BLD føreslår i proposisjonen å redusere løyvinga på kap. 3821 post 1 med 8,4 mill. kroner.

Post 2 Særskilt tilskot ved busetjing av einslege mindreårige flyktningar, ODA-godkjende utgifter

Det går fram av proposisjonen at inntektene på posten blir anslått å auke med 1,2 mill. kroner frå Prop. 93 S (2013–2014). Hovudårsaka til endringa er ein auke i prognosen for einslege mindreårige som blir busett i 2014.

BLD føreslår i proposisjonen å auke løyvinga på kap. 3821 post 2 med 1,2 mill. kroner.

Kap. 822 Opplæring i norsk og samfunnskunnskap for vaksne innvandrarar

Post 22 Prøver i norsk og samfunnskunnskap for vaksne innvandrarar

Det går fram av proposisjonen at behovet på posten blir anslått å auke med 0,9 mill. kroner frå Prop. 93 S (2013–2014). Hovudårsaka til endringa er at Vox har hatt utgifter til sensur av skriftlege prøver for privatistar som ikkje har vore inkludert i budsjettberekningane.

BLD føreslår i proposisjonen å auke løyvinga på kap. 822 post 22 med 0,9 mill. kroner.

Post 60 Tilskot til opplæring i norsk og samfunnskunnskap for vaksne innvandrarar

Det går fram av proposisjonen at behovet i 2014 blir anslått å gå ned med 27,2 mill. kroner samanlikna med Prop. 93 S (2013–2014). Hovudårsaka til endringa er ein reduksjon i talet på personar som vil utløyse tilskot for år 1. Dette er hovudsakleg ei følgje av at prognosen for talet på personar som får opphaldsløyve frå UDI i 2014 har gått ned.

BLD føreslår i proposisjonen å redusere løyvinga på kap. 822 post 60 med 27,2 mill. kroner.

Kap. 3822 Opplæring i norsk og samfunnskunnskap for vaksne innvandrarar

Post 1 Norskopplæring i mottak, ODA-godkjende utgifter

Det går fram av proposisjonen at inntektene på posten blir anslått å auke med 5,1 mill. kroner frå Prop. 93 S (2013–2014). Hovudårsaka til endringa er ein auke i prognosen for asylsøkjarar i 2014, og med det ei auking i målgruppa for norskopplæring for asylsøkjarar i mottak.

BLD føreslår i proposisjonen å auke løyvinga på kap. 3822 post 1 med 5,1 mill. kroner.

Merknader frå komiteen

Komiteen, medlemene frå Arbeidarpartiet, Jan Bøhler, Stine Renate Håheim, Stein Erik Lauvås, Helga Pedersen og Eirik Sivertsen, frå Høgre, Frank J. Jenssen, Mudassar Kapur, Bjørn Lødemel og Ingjerd Schou, frå Framstegspartiet, Mazyar Keshvari og leiaren Helge André Njåstad, frå Kristeleg Folkeparti, Geir S. Toskedal, frå Senterpartiet, Heidi Greni, frå Venstre, André N. Skjelstad, og frå Sosialistisk Venstreparti, Karin Andersen, handsamar i innstillinga budsjettkapitla 821, 822, 3821 og 3822 og har elles ingen merknader.

Tilråding frå komiteen

Komiteen har elles ingen merknader, viser til proposisjonen og rår Stortinget til å gjere følgjande

vedtak:

I statsbudsjettet for 2014 blir det gjort følgjande endringar: