I 2013 blei det løyvd i alt 353 mill. kroner
til kjøp av post- og banktenester på kap. 1370 Posttenester, post
70 Kjøp av post- og banktenester. Det er lagt til grunn ein etterrekningsmodell
som over tid vil sikre at det ikkje blir løyvd meir enn det faktiske
behovet. Samferdselsdepartement foreslår å løyve 2,055 mill. kroner
på kap. 4370 Posttenester, post 70 Tilbakebetaling post- og banktenester.
For 2014 er det m.a. løyvd 50 mill. kroner over kap.
1380 post 71 Tilskott til breibandsutbygging. For å sikre at ev.
ubrukte tilskott kan nyttast i 2015, foreslår departementet at kap.
1380 post 71 Tilskott til breibandsutbygging, får tilføydd stikkordet
«kan overførast».
Post- og teletilsynet har no berekna at gebyrinntektene
i 2014 vil bli 4,4 mill. kroner lågare enn løyvinga, og departementet
foreslår å redusere løyvinga på kap. 4380 post 1 Diverse gebyr,
med 4,4 mill. kroner.
Som omtalt under kap. 4380 post 1 Diverse gebyr,
vil gebyrinntektene bli 4,4 mill. kroner lågare enn budsjettert
i 2014, og dette beløpet må i staden trekkjast frå reguleringsfondet.
I samband med lønnsoppgjeret 2014 blei Post- og teletilsynet tildelt
2,389 mill. kroner over kap. 1380 post 1 Driftsutgifter. Departementet
foreslår at løyvinga på kap. 4380 post 51 Frå reguleringsfondet, blir
auka med 6,789 mill. kroner.
Ein auke i løyvinga på post 51 Frå reguleringsfondet,
gjer at fullmakta må aukast, jf. forslag til romartalsvedtak.
Komiteen har registrert
at etterregningsmodellen viser at Posten Norge AS skal tilbakebetale
2 mill. kroner pluss renter for 2013, i tillegg til at det blir
gjort mindre endringer i gebyrinntektene og reguleringsfondet for
2014.