Jan Tore Sanner (H):
Jeg ønsker å
stille følgende spørsmål til kirke-, utdannings- og forskningsministeren:
Flere bispedømmeråd varsler om store
problemer på grunn av for knappe vikarbudsjetter for prestene. I Oslo
bispedømme blir det for eksempel ingen vikar ved korte sykefravær, mens det
ved lengre fravær (over 3 måneder) er aktuelt med 50 % vikar.
Hva vil Regjeringen gjøre for å løse
problemene, og derved hindre at Kirken tvinges til å drive rovdrift på
prestene?
Statsråd Jon Lilletun:
Eg er kjend
med at budsjettsituasjonen i fleire bispedømme vert vurdert som særleg stram
i 1998, og at m.a Oslo bispedømme på denne bakgrunnen har sett i verk
innsparingstiltak, slik representanten Sanner viser til.
Departementet vurderer no den
situasjonen som er oppstått, i lys av rekneskapsresultatet for 1997. At
resultatet for 1997 har relevans for budsjettsituasjonen i 1998, kjem av at
det i høve til bispedømma er praksis for at overskridingar går til frådrag
ved neste års budsjettildeling, medan innsparde beløp vert overførde som
tillegg til løyvinga i neste budsjettår.
Den vanskelege budsjettsituasjonen i
1998 har difor nær samanheng med at fleire bispedømme, m.a Oslo, hadde ei
overskriding av løyvinga i 1997, som dei då etter vanleg praksis reknar med
at dei må spare inn i 1998. Departementet søkjer no å få klarlagt nærare
kva som er grunnen til overskridingane i 1997.
Eg kan elles opplyse at eg har avtalt
møte med biskopen og leiaren av Bispedømmerådet i Oslo for å drøfte
budsjettsituasjonen nærare.
Jan Tore Sanner (H):
Jeg takker for
svaret. Prestene er en yrkesgruppe som er villig til å ofre mer enn de
fleste. Når det gjelder fravær fra jobb, viser statistikken at prestene er
mindre syke og mindre borte fra jobb enn det som f.eks gjelder ellers i
staten, slik at det vi i dette tilfellet snakker om, er en reell
underbudsjettering på vikarbudsjettet. Det at man har knappe
vikarbudsjetter, bidrar til at det ikke blir satt inn vikar ved sykdom, noe
som er med på å svekke tilbudet, i tillegg til at vi, som sagt, risikerer å
drive rovdrift på prestene. I tillegg til underbudsjetteringen kommer også
det forholdet statsråden var litt inne på, nemlig manglende fleksibilitet i
budsjettansvarsordningen.
Jeg registrerer at statsråden til
Aftenposten den 25. januar sa at han « allerede til uken » ville gripe fatt i
problemene. Med andre ord er det nå gått i overkant av en måned siden
statsråden varslet dette, og jeg vil derfor spørre statsråden: Hva er gjort
i mellomtiden?
Statsråd Jon Lilletun:
Det som vart
gjort, var at det straks vart sett i gang eit arbeid for å finne ut kva som
var grunnen til problemet som hadde oppstått, og så vart statsråden sjuk i
fire veker. Med ein gong statsråden kom tilbake, vart det gjort avtale med
biskopen og leiaren av Bispedømmerådet om eit møte for å gå djupare inn i
denne problemstillinga.
I 1993 vart det i Stortinget gjort ei
heving av vikarbudsjettet på ca 10 mill. kr. Etter den auken var det fram til
budsjettet i år ingen signal om at det ikkje fungerte greitt. Fyrst etter
at budsjettet var vedteke i år, begynte desse signala å kome. Dei var noko
overraskande ut frå dei signala som hadde kome i budsjettprosessen. Men vi
tek dei på alvor og skal søkje å finne løysingar.