Jan Tore Sanner (H):
Jeg ønsker å
stille følgende spørsmål til kirke-, utdannings- og forskningsministeren:
Ved behandling av St.meld.nr.26
(1995-1996) ble retten til å kunne forbedre allerede oppnådde karakterer
gjennom en fornyet prøve som privatist slått fast. Gjennom rundskriv har
departementet orientert om at denne retten ikke skal gjelde faget
kroppsøving.
På hvilket grunnlag og med hvilken
begrunnelse er det laget en særregel for faget kroppsøving?
Statsråd Jon Lilletun:
Eit av dei
prinsippa som vart trekte opp i St.meld.nr.26 (1995-1996), var at det
framleis skulle vere mogleg å forbetre allereie oppnådde karakterar på eit
vitnemål. Det er rett som representanten Sanner seier, at ved behandlinga
av meldinga sa Stortinget seg samd i dette prinsippet. Eit par av dei andre
prinsippa som vart trekte opp i St.meld.nr.26, var:
- Høvet
til å forbetre allereie oppnådde karakterar må vurderast i forhold til dei utgifter
i form av tid og kostnader det påfører den einskilde og samfunnet.
- Ein
må innskrenke eller fjerne heilt høvet til å gjere tekniske endringar i allereie
oppnådde vitnemål, når slike endringar ikkje har opphav i reelle forbetringar
av kunnskap og dugleik.
I si handsaming av meldinga hadde
ikkje Stortinget merknader til at ein òg måtte ta omsyn til desse prinsippa.
Komiteen la dessutan vekt på at privatistordninga ikkje må verte slik at ho
har negativ innverknad på innsatsen i førstegangsutdanninga.
Når departementet har sendt ut beskjed
om at det ikkje skal vere mogleg for privatistar å forbetre ein allereie
oppnådd karakter som elev i kroppsøving, heng dette ikkje minst saman med
dei store praktiske vanskane med å gjennomføre slik prøving for privatistar.
Ein eigen forbetringseksamen i kroppsøving ville òg vere ei svært kostbar
løysing. Ikkje minst gjennom innspel til departementet frå fylkeskommunane
er det streka under at både dei organisatoriske vanskane og kostnadene ved
ei slik eksamensprøving for forbetringsprivatistar vil vere store fordi
prøva må ha både ein teoretisk og ein praktisk del. Eg minner òg i denne
samanhengen om at det heller ikkje tidlegare har vore slik at ein kunne
forbetre ein allereie oppnådd karakter i kroppsøving, sjølv om dette var
mogleg i alle dei andre faga.
Eg er kjend med at enkelte kan ha
tolka tidlegare informasjon om vurdering slik at det skulle vere mogleg å
forbetre også karakteren i kroppsøving. For at ingen skal føle at reglane
er endra midt i eit skuleår, har departementet opna for at det våren 1998
skal vere mogleg for privatistar å forbetre ein allereie oppnådd karakter i
kroppsøving ved å ta ei kombinert praktisk og teoretisk prøve, slik det
tidlegare var skissert.
I god tid før neste skuleår vil eg,
m.a på bakgrunn av erfaringane med vårens eksamenar, ta stilling til om
elevar også vidare skal ha høve til å forbetre karakteren ved hjelp av ei
slik prøve, inntil eg får lagt fram saka for Stortinget, då saman med
evalueringa av ordninga med ekstra fordjupingspoeng i realfag, slik som eg
har lova.
Jan Tore Sanner (H):
La meg først
takke for svaret, som jeg ellers opplever som meget byråkratisk.
Jeg var ordfører for denne saken da
den var til behandling i Stortinget, og jobbet da sammen med
stortingsrepresentant Jon Lilletun om den. Det var da et bredt flertall i
Stortinget som understreket privatistretten, og understreket at det kunne
være ulike grunner til at en elev ikke lyktes første gang. Det gjelder også
faget kroppsøving. Jeg har ikke oppfattet noen signaler fra de andre
partiene som stod bak flertallet, som går i retning av at man ønsker å unnta
faget fra ordningen. Nå oppfattet jeg at statsråden på slutten av sitt svar
sa at han vil foreta en ny vurdering, og da forutsetter jeg at statsråden
forelegger spørsmålet for Stortinget, i og med at stortingsflertallet
tidligere har vært så klart i denne saken. Det er ulike måter å gjøre det
på. Man kan videreføre praksis fra i år, man kan gå tilbake til den
ordningen man hadde tidligere, eller man kan vurdere den ordningen man har
f.eks i Sverige. Men jeg merket meg at statsråden har en liten åpning, og
jeg håper at statsråden vil bruke den, slik at man får stortingsflertallet
med seg.
Statsråd Jon Lilletun:
Eg kan la
representanten Sanner få del i dei innspela som kom etter høyringsrunden,
som var svært sterke, og som var grunnlaget for den endringa som har skjedd,
og for at vi måtte gjere endringar i forhold til ein del privatistar som
slett ikkje kunne ta ei slik kombinert prøve. Det er nokså meiningslaust
med ei prøve i kroppsøving med berre teori, og det vil òg verte for enkelt i
forhold til dei andre karakterane.
Eg tolkar Stortinget slik som
representanten Sanner gjer. Så det som no er klart, er at dei som hadde
forventning om å få ta den eksamenen i år, får gjere det. Eg kjem til å
underrette skulane i god tid før skuleåret begynner, om kva som vert
ordninga neste år, og dersom eg skulle endre praksis frå i år, er det klart
at Stortinget må verte orientert. Dersom ikkje, reknar eg med at det kan
skje frå departementet si side.