Per Sandberg (Frp): Regjeringen har en avtale med Fremskrittspartiet
og Høyre, også kalt kontantstøtteavtalen.
Presidenten: Presidenten vil be om at representanten les
opp spørsmålet før ein eventuelt debatterer.
Det er spørsmålet som er utgangspunktet.
Per Sandberg (Frp): I den avtalen står det at Regjeringen
skal ta intiativ til å innføre trygdemodellen
i inntil tre kommuner. Mitt spørsmål til familieministeren
er: Er et slikt initiativ tatt? Og eventuelt: Hvilke kommuner er
det siktet inn på?
Presidenten: Presidenten vil påpeike
at ein skal referere eit spørsmål korrekt slik
det er gjengitt i det saksdokumentet som er delt ut på representantane
sine bord.
Det innleverte spørsmålet
frå representanten Per Sandberg hadde følgjande
ordlyd:
«Ved innføringen av kontantstøtten
inngikk Fremskrittspartiet og Høyre en avtale med regjeringspartiene. I
denne avtalen ble Regjeringen bedt om å ta initiativ til forsøk
med trygdemodellen i inntil tre kommuner som er positivt innstilt
til å bruke denne modellen.
Har Regjeringen funnet disse tre kommunene
slik at forsøket kan igangsettes?»
Statsråd Valgerd Svarstad Haugland: Representanten Sandberg etterlyser oppfylging
av forslaget om å prøva ut den såkalla
trygdemodellen for forvalting av kontantstøtta. Som kjent
inneber trygdemodellen at alle familiar med born på eitt
og to år vil få utbetalt ei kontantstøtte.
For å få til dette må ein avvikla det
statlege tilskotet til drifta av barnehagane for desse aldersgruppene,
og foreldre som ynskjer barnehage til borna sine, må bruka
kontantstøtta til å betala for barnehageplassen.
Omsynet til dei private barnehagane var ei
viktig årsak til at ein ynskte ei anna forvalting av kontantstøtta enn
det representanten Sandberg og Framstegspartiet ynskte. Dei viktigaste
kjeldene for inntekt for private barnehagar er statstilskottet og
foreldrebetalinga. Trygdemodellen ville føra
til at ein stor del av dei private barnehagane ville få alle
sine inntekter gjennom foreldrebetalinga. Det var Regjeringa si
oppfatning at dette ville gjera driftssituasjonen for dei private
barnehagane langt meir utrygg enn det den allereie er i dag.
I St.prp. nr. 1 for 1998-99 har departementet
meldt fylgjande til Stortinget om kontantstøtta og forsøket
med trygdemodellen:
«Når
forvaltningen av kontantstøtten er kommet inn i etablerte
former, og det er oppnådd større grad av likeverdighet
i rammevilkår for private og kommunale barnehager, vil
Barne- og familiedepartementet vurdere å gjennomføre
forsøk med trygdemodellen i enkelte kommuner.»
Dette er heilt i samsvar med avtalen som vart
inngått mellom regjeringspartia og Høgre og Framstegspartiet
i mai i fjor om kontantstøttereforma.
Regjeringa skal i tråd med budsjettavtalen
som vart inngått med Høgre og Framstegspartiet
i fjor haust, fremma ei stortingsmelding om framtidige rammevilkår
for barnehagesektoren. I budsjettavtalen vart det m.a. slått fast
at barnehagemeldinga skal fremma forslag som sikrar større
grad av økonomisk likebehandling mellom kommunale og private
barnehagar.
Det er mitt standpunkt at vi må utgreia
driftssituasjonen og dei framtidige rammevilkåra for barnehagesektoren,
og for dei private barnehagane særskilt, før vi
kan gjera forsøk med trygdemodellen for forvalting av kontantstøtta.
Det er vanskeleg å seia sikkert i dag når slike forsøk
kan settast i gang.
Per Sandberg (Frp): Her tar familieministeren opp en hel masse
argumenter som også ble brukt under forhandlingene om kontantstøtten,
og som er vel kjent.
Jeg forstår statsråden slik
at alle disse argumentene nå skal brukes for at ikke vilkårene
i punkt 1 j i avtalen skal innfris, og at Regjeringen ikke har noen
tanker og ideer om å ta initiativ til å innføre
trygdemodellen. Det er jo klart at vi skal avvente situasjonen til
kontantstøtten har satt seg, så vi får
evalueringen av den. Men det er ikke noe argument for ikke allerede
nå å forberede eventuelle prøvemodeller
i tre kommuner. Jeg vil også få lov til å si at
det allerede finnes kommuner som har like vilkår for private
og offentlige barnehager, og det er akkurat her jeg etterlyser et
svar fra statsråden, om ikke det går an å se
på de kommunene som allerede har like vilkår.
Statsråd Valgerd Svarstad Haugland: I svaret mitt fekk representanten Sandberg
ein del av dei same argumenta som han har høyrt før,
og som har vore hovudargumenta våre mot trygdemodellen.
Men som Sandberg sikkert er klar over, står det ein del
i denne avtalen som desse to partia saman med regjeringspartia inngjekk i
samband med innføringa av kontantstøtta. Der
står det m.a.:
«Forsøkene
skal gjennomføres når det er oppnådd større
grad av likeverdighet av rammevilkår for private og kommunale
barnehager, i tråd med vilkårene under punkt c).»
Det er ganske viktig for meg å streka
under at det ikkje er større grad av likeverd når
det gjeld rammevilkår i dag. Og når desse forsøka
eventuelt skal settast i verk, kjem vi i forkant – sjølvsagt – til å
ha undersøkt og funne ut kva for kommunar vi skal gjera
forsøka i. Eg kan derfor roa representanten med at når
vi har fått desse rammevilkåra på lik
linje, vil vi òg ha klar kommunar der vi kan setta i gang
forsøk.
Per Sandberg (Frp): Jeg kan ikke si at jeg blir noe beroliget
av den argumentasjonen som statsråden her nå bruker.
I avtalens punkt 1 j står det faktisk
at det skal tas
«initiativ
til forsøk med trygdemodellen i inntil tre kommuner som
er positivt innstilt til å bruke denne modellen».
Videre står det også, som
statsråden riktig sier, at dette skal gjøres «når
det er oppnådd større grad av likeverdighet».
Men det finnes altså kommuner som har like vilkår
for private og offentlige barnehager, som har et positivt syn på trygdemodellen,
og som ønsker å være forsøkskommuner.
Vil statsråden oppsøke disse kommunene og eventuelt
forberede dem på at når barnehagemeldingen er
behandlet, skal de få være forsøkskommuner?
Statsråd Valgerd Svarstad Haugland: Det er jo synd at representanten ikkje vart
roa av svaret mitt – det får eg klara å leva
med. Men for meg er det ganske viktig å sjå dette
i ein større samanheng, og eg synest det er viktig at vi
får denne gjennomgangen med alle kommunane i forhold til
private barnehagar, før vi plukkar ut forsøkskommunar
som skal gjennomføra ei ordning etter trygdemodellen. Det
ligg også i botnen av avtalen som vart inngått
mellom dei to partia og regjeringspartia. Eg føler at vi
med det tempoet vi har lagt i planane for å setta i verk ordninga
etter trygdemodellen, er godt innafor og på trygg grunn
i forhold til den avtalen som m.a. representanten Sandberg sin partileiar
har skrive under på.