Oddbjørg Ausdal Starrfelt (A): Eg tillèt meg å stilla
eit spørsmål til den nye samferdselsministeren:
«Ferja som vert nytta i Skudenes-sambandet,
som er eit riksvegsamband, har ved fleire høve den siste
tida vorte teken ut og erstatta med dårlegare utstyr, sjeldnare avgangar
og/eller hurtigbåt som alternativ. Dette har store
konsekvensar for passasjerar og næringsliv.
Ser statsråden dette som foreinleg
med vedtak og retningsliner, og kva initiativ vil han eventuelt
ta for å retta opp dette?»
Statsråd Dag Jostein Fjærvoll: På grunn av periodisk vedlikehald
på ei av dei to ferjene i stamvegsambandet Mortavika-Arsvågen
og maskinskade på suppleringsferja er det akkurat no for
få riksvegferjer i Rogaland.
Vegsjefen har omdisponert Skudenes-ferja til
stamvegsambandet inntil ei av dei nemnde ferjene er i drift att,
venteleg denne veka. Som ei førebels løysing
fem månader i år vil MF «Tau» då bli
omdisponert til dette sambandet. Stamvegsambandet er kortare enn
sambandet til Skudeneshavn, og trafikantane som skal over Boknafjorden,
vil ha størst nytte av ferja i dette sambandet.
Rogaland Trafikkselskap AS får levert
tre nye ferjer i år. Med desse ferjene vil fylket få eit
betre tilbod i ferjedrifta.
Ferjene i sambanda til Kvitsøy og
Skudeneshavn er gamle og modne for utskifting. Som opplyst av statsråd Dørum
i spørjetimen 27. januar, er det aktuelt å gjere
om riksvegferjesambanda til Kvitsøy og Skudeneshavn til
eit trekantsamband. Det vil då vere aktuelt å trafikkere
sambandet med ei nybygd ferje med inntil 67 bilplassar. Departementet
har seinare fått fylkeskommunen sitt vedtak, som legg stor
vekt på at noverande tilbod i Skudenes-sambandet vert vidareført.
Løyvingane til vegvesenet set rammer for kor godt denne
oppgåva kan løysast. Eg vonar difor at representanten
Starrfelt har forståing for at heller ikkje eg som statsråd
kan påleggja vegvesenet oppgåver utan påvising
av kostnadsdekning.
Oddbjørg Ausdal Starrfelt (A): Eg vil takka statsråden for svaret,
som var mykje fakta om korleis det har vore. Det var lite vurdering,
og det var ingen lovnad om noko initiativ. Slik sett tykkjer eg
ikkje statsråden har svara på spørsmålet
mitt. Meiner han at dette er i samsvar med vedtaka og dei retningslinene
som gjeld? Kva for initiativ vil han ta? Eg vil gje han
ein sjanse til.
Fyrst vil eg påstå at det
har vore meir enn eitt unntak. Det har vore ganske mange gonger
denne ferja har vore ute av drift. Dels møter ein bare
eit skilt om at ho er stengd, dels viser ein til ein hurtigbåt.
Ein kan jo spørja seg kvifor Skudenes-sambandet vart salderingsposten, om
det er slik statsråden seier, at fylkeskommunen legg stor
vekt på vidareføring.
Vegdirektoratet kan omdisponera ferjer på tvers
av fylkesgrensene. Har statsråden vurdert det? Kva vil
han møta karmøybuarane med, som no ganske hyppig
har møtt ein fjord utan ferje, med ei anvising om å køyra
ni mil ekstra?
Statsråd Dag Jostein Fjærvoll: For en som har vært avhengig av ferjer
mesteparten av sitt liv, er det lett å forstå hva
spørsmålet gjelder, og hva man sikter til.
Det jeg kan love her og nå, er at
jeg vil gå spesielt gjennom ferjesituasjonen i Rogaland.
Jeg vil da kunne svare mer utfyllende på de ulike spørsmålene
som har vært reist i forrige spørretime, i denne
spørretime – og som jeg regner med vil komme i
en senere spørretime. Jeg vil se disse prosjektene i sammenheng
og i forhold til de nye ferjene som blir levert. Jeg vil dermed
avvente de innspill jeg får fra vegsjefen og fra Vegdirektoratet
når det gjelder disponering av ferjene, og vil se dette
i sammenheng med det materiell som er tilgjengelig, ikke bare på fylkesbasis,
som det er spurt om nå. Jeg vil også stille en
del spørsmål om hvordan disponeringen skjer utover
i fylket.