Anneliese Dørum (A): Jeg vil få stille følgende spørsmål
til kirke-, utdannings- og forskningsministeren:
«Kirke-, utdannings- og forskningsdepartementet
har gitt forhåndstilsagn om statlig støtte til
et prosjekt med sikte på etablering av et nasjonalt kompetanse-
og velferdssenter ved NTNU. Planene om et slikt senter er først blitt
kjent etter at forhåndstilsagn om støtte ble gitt
fra departementet, slik at berørte parter ikke har fått
uttale seg om saken.
Har statsråden tatt med i betraktning
at det finnes stor kompetanse på dette området,
og har han utredet behovet for et slikt nasjonalt kompetansesenter?»
Statsråd Jon Lilletun: Regjeringa la i fjor haust fram St. meld. nr.
8 for 1998-99, Om handlingsplan for funksjonshemma 1998-2001. Eit
av dei prioriterte måla i handlingsplanen er å betre
situasjonen for funksjonshemma studentar under utdanning i universitet
og høgskule. Av dei konkrete tiltaka i planen nemner eg
m.a.:
Institusjonane vert pålagde å utarbeide
handlingsplanar for funksjonshemma studentar i løpet av
1999.
Institusjonane skal utarbeide informasjons- og rådgjevingsteneste
og peike ut ein kontaktperson for funksjonshemma studentar.
NTNU søkte hausten 1998 om midlar
til eit eittårig prosjekt som vart kalla «Nasjonalt
kompetanse- og velferdssenter – tilknytt NTNU».
Prosjektet vart presentert for både Sosial- og helsedepartementet
og Kyrkje-, utdannings- og forskingsdepartementet i møte
og i brev. Etter nærare dialog med NTNU gav Kyrkje-, utdannings-
og forskingsdepartementet i brev av 23. februar 1999 førehandstilsegn
om å støtte prosjektet med 750 000 kr.
Sosial- og helsedepartementet gav eit tilskott på 250 000
kr. I tillegg brukar universitetet eigne ressursar til prosjektet.
Departementet har i brevet til NTNU konkretisert
ein del premissar for tilskottet og er framleis i dialog med prosjektleiinga
om dette. Prosjektet skal medverke med kunnskap om tilrettelegging
av studiesituasjonen ved universitet og høgskular og gjennom
det støtte opp om arbeidet med å utvikle lokale
handlingsplanar innanfor sektoren. Det skal hentast inn røynsler
frå andre universitet og høgskular på området,
både nasjonalt og internasjonalt. Prosjektet skal systematisere
informasjonen og skissere moglege løysingar på problem
som møter funksjonshemma studentar i ulike fasar av studiet,
som t.d. ved søking, opptak, studiegang og eksamen. Dette
vil vere til hjelp ved utvikling av rådgjevingstenesta
ved lærestadene.
Eg har sett prosjektsøknaden frå NTNU
som interessant og relevant i lys av handlingsplanen for funksjonshemma.
For å oppnå resultat som har stor overføringsverdi
til andre universitet og høgskular, og for å dra
inn kompetanse og røynsle andre lærestader sit
inne med, må det leggjast opp til kontakt og samarbeid
med resten av sektoren. Etter det eg forstår, har prosjektleiinga
planar om å invitere til eit kontakt- og drøftingsseminar
før sommarferien. Departementet har ved gjennomgang av søknaden
frå NTNU vurdert korleis prosjektplanane kan tilpassast
informasjon, røynsle og kunnskap som finst på feltet
i dag. Eg kjenner m.a. til at Universitetet i Oslo i over 20 år
har hatt ei eiga teneste for funksjonshemma studentar og gjennom
det har utvikla god kompetanse på feltet. Vi treng no på skikkeleg
brei front å auke kompetansen når det gjeld å planleggje
og tilretteleggje studiesituasjonen for funksjonshemma studentar ved
alle høgare institusjonar. Skal vi lukkast med det, treng
vi å dra nytte av all tilgjengeleg kompetanse i sektoren.
Representanten Anneliese Dørum spør
om eg har vurdert behovet for eit nasjonalt kompetansesenter på dette området.
Spørsmålet viser at det gir feil assosiasjonar
når prosjektet, som eg ovanfor har kommentert, er omtala som
nasjonalt kompetanse- og velferdssenter. Departementet burde nok
ha sett dette og teke det opp med søkjaren frå starten
av. Det vi her snakkar om, er nemleg økonomisk støtte
til eit tidsavgrensa utviklingsprosjekt for universitets- og høgskulesektoren,
forankra ved NTNU. Utover dei premissane som er lagde til grunn
for tilskottet, er det ikkje gjort konkrete vurderingar i retning
av å gje universitetet nasjonale kompetansesenteroppgåver
på permanent basis. Fyrst når prosjektet er fullført,
vil det verte teke nærare stilling til korleis resultata
og røynslene skal utnyttast og vidareførast.
Anneliese Dørum (A): Jeg skjønner nok at forhåndstilsagnet
er godt ment fra departementets side, men jeg tror at prosjektet
er svært lite vurdert og gjennomgått. Jeg kan
fortelle statsråden at de funksjonshemmede studentenes
organisasjoner går sterkt imot dette prosjektet. De mener
at prosjektskissen er rotete og lite informativ, og slik de leser
prosjektet, ser det ut som om det planlegges en egen omsorgsgetto
for studenter med funksjonshemming, f.eks. tilrettelagte hybler
som skal samles i egne boligdeler med egne fellesarealer osv. De
viser til at prosjektskissen kaster fram stikkord for arbeidsoppgaver som
overhodet ikke kommer inn under ansvarsområdet til et slikt
eventuelt kompetansesenter.
Hvorfor har statsråden gått
inn for å legge et slikt forskningsprosjekt til
NTNU, med så lite erfaring som de har på området?
Statsråd Jon Lilletun: Fyrst ein kommentar til det fyrste. Det er
rett at ein del organisasjonar i etterkant har ytra seg skeptisk,
men det er på langt nær eintydig. Her er det mange
forskjellige vurderingar, og fyrst når prosjektet er gjennomført,
vil ein kunne få ei vurdering av innhaldet, og om det har
kome fram noko som det er spennande å føre vidare
eller ikkje. Derfor trur eg vi skal sjå nyansert på det.
Når det gjeld kvifor denne tilsegna
er gjeven til NTNU, er svaret i og for seg enkelt: Vi vil gjere
meir på denne sektoren. Vi drøfta dette i heile
går, og var samde om at vi skulle vere opne for forsøks-
og utviklingsarbeid i dei enkelte institusjonane. Når ein
då skal setje i gang eit forsøks- og utviklingsarbeid,
kan ein ikkje ha totale høyringsrundar på det
i alle andre institusjonar samtidig. Men den dagen det skal etablerast
noko nasjonalt, då må ein sjølvsagt ha
det.
Anneliese Dørum (A): Vi er jo i ferd med å bygge ned de
nasjonale kompetansesentrene, slik at det å bygge opp et
nytt, ville egentlig være i strid med den politikken vi
ellers fører.
Vi vet at lærestedene i dag ikke fungerer
tilfredsstillende for disse studentene, men det skyldes ikke mangel på kompetanse
med hensyn til hvilke tilretteleggingsbehov som finnes. Tvert imot
skyldes mangelen på tilrettelegging at de identifiserte
behovene på langt nær er dekket gjennom statlige
tilskudd og gjennom de rammer som lærestedene har i dag.
Det er bl.a. mangel på studielitteratur på lyd,
tolketilgang for døve, fysisk tilgjengelighet for bevegelseshemmede,
tilrettelagte leseplasser mv. Man trenger ikke noe forskning for å definere
behovene, man trenger midler.
Statsråd Jon Lilletun: Det er heilt sikkert rett det representanten
Dørum seier, at ein treng meir midlar. At ein treng ein
gjennomgang med omsyn til korleis ein skal unngå å lage
gettoar, men få til ei god tilpassing ved alle institusjonar,
finne fram til metodikk og system for det, trur eg er heilt nødvendig.
Derfor kan det ikkje vere slik at kvart enkelt forskingsprosjekt
av denne dimensjonen skal gjennom ei nasjonal høyring for å få tilsegn
der før vi kan prøve det ut. Men den dagen vi
skal etablere om ikkje eit nasjonalt kompetansesenter, men eit nasjonalt nettverk,
treng vi slike høyringar.
Når det gjeld nedbygging, er det eit
stykke på veg rett det representanten Dørum seier,
men vi beheld mange kompetansefunksjonar og nettverksfunksjonar.
Det er på ein måte den gamle skuledrifta som vert
bygd ned.