Petter Løvik (H) (leiar i komiteen og ordførar for saka): Denne saka er ei oppfølging av eit vedtak som Stortinget gjorde for om lag fire veker sidan. Det gjeld eit mellombels statleg forsikringsansvar for norske luftfartøy og lufthamner ved skadar på tredjepart som følgje av krigs- eller terrorhandlingar. Det har skjedd ein del sidan sist Stortinget behandla denne saka. Mellom anna er, som Stortinget ønskte sist, forsikringsansvaret redusert. Arbeidet med dette pågår løpande i departementet. Staten har no eit forsikringsansvar på om lag 1 400 milliardar kr, mot sist om lag 2 000 milliardar kr. Det ligg i saka sin natur at dette er ei mellombels ordning.

Eg vil kommentere kort to merknader frå Framstegspartiet i denne saka. Den eine kommentaren gjeld at ein snarast muleg må prøve å få reetablert ein privat marknad for denne typen forsikringar. Det er eit arbeid som skjer fortløpande i departementet, og ein samla komite står bak ønsket om å få dette gjennomført.

Den andre kommentaren gjeld det som representanten Hagen var innom: den korte tida Stortinget har til å behandle saka. Der er eg òg i prinsippet einig i det som representanten Hagen sa, og det som er lagt inn i merknadene frå Framstegspartiet. Bakgrunnen for at ein har venta i det lengste med å fremme denne saka, er at ein håpte å komme i ein såkalla normalsituasjon, altså med ein privat marknad, slik at ein slapp å leggje saka fram på ny. Men merknaden frå representanten Hagen og merknadene som ligg i innstillinga, er sjølvsagt vel verde å leggje merke til, og eg håper at dette er siste gongen vi får denne saka til behandling. Her er gitt ein frist ut året med mulegheit for forlenging frå departementet si side på inntil 30 dagar. Og no er det snakk om eit totalansvar som tilsvarer to oljefond, sist var det tre, så det går den rette vegen.

Kenneth Svendsen (FrP): Forsikringsordninger som dette tilhører det private marked. Det er ikke et offentlig ansvar. Men alternativet i denne saken ville vært å sette flyparken på bakken, og derfor er Fremskrittspartiet med på å gripe inn i dette.

Men jeg vil stresse dette med å reetablere et privat marked. Jeg ser at Regjeringen legger opp til å gjøre forsøk på det. Men, som sagt, jeg vil stresse at dette gjøres, og at man legger all sin kraft i å få etablert et slikt marked.

Det ser jo sånn ut, når man får det fra Regjeringen, at man beregner at Stortingets behandlingstid skal være proporsjonalt kortere jo høyere summer som ligger inne i det vi skal behandle. Her er det altså snakk om å stille en garanti på nærmere 1 500 milliarder kr, og det er ikke akseptabelt at vi har en behandlingstid som er så kort som denne. Det er ikke første gangen, det er faktisk andre gangen vi får denne saken til behandling med så kort frist. Og det er som sagt ikke akseptabelt, og det vil ikke bli akseptert flere ganger.

Presidenten: Flere har ikke bedt om ordet til sak nr. 3.