Gunnar Halvorsen (A): Jeg har følgende spørsmål til
kultur- og kirkeministeren:
«Det er et stort antall lisensbetalere
som ikke får inn NRK2 fra de bakkebaserte senderne.
Dette føles urettferdig, da alle betaler den
samme NRK-lisensen.
Vil statsråden arbeide for videre
utbygging av bakkebaserte sendere for NRK2, eller differensiere
NRK-lisensen?»
Statsråd Valgerd Svarstad Haugland: Dette er eit spørsmål som
har vore oppe fleire gonger i dei seinare åra.
Eg har òg observert at representanten Halvorsen
har stilt det same spørsmålet før,
og då til ein annan kulturminister.
Eg vil fyrst streka under at eg har stor forståing
for at det kan synast urettferdig at sjåarar nokre stader
i landet må betala full kringkastingsavgift, sjølv
om dei ikkje kan ta inn sendingane frå NRK2.
Utgangspunktet er likevel at kringkastingsavgifta
ikkje er betaling for ei teneste, men ei avgift som må betalast
av alle som har fjernsynsapparat. Avgiftsplikta gjeld uavhengig
av kva for kanalar sjåaren kan ta inn, eller ynskjer å ta
inn. Til og med dei som ikkje får inn NRK1, men
har fjernsyn, er nøydde til å betala
denne avgifta.
Utbygginga av NRK2 har dessutan skjedd
i samsvar med Stortinget sine føresetnader om
at NRK2 fyrst og fremst skal vera ein satellittkanal med
ei viss tilleggsdekning frå bakkesendarar. Dekningsgraden
skal vera så nær opp til 80 pst.
som mogleg. NRK opplyser at dekninga no ligg på 86 pst.
Stortinget la til grunn at ei full utbygging ikkje var
forsvarleg, korkje av økonomiske eller frekvensmessige
grunnar. Årsaka var at ei full utbygging av bakkesendarar langt
på veg ville gjera det umogleg å byggja ut eit
digitalt bakkenett for fjernsyn.
Eg vil òg minna om at eit Dokument
nr. 8-framlegg om differensiering
av kringkastingsavgifta vart handsama av Stortinget i
2000. Stortinget – inklusiv representanten sitt eige
parti – gjekk då mot framlegget, m.a. fordi ei
ordning med differensiert lisens ville bli umogleg å praktisera.
Hausten 1999 handsama Stortinget meldinga om
digitalt fjernsyn. Stortinget gjekk då inn for å leggja
til rette for utbygging av eit digitalt bakkenett. Overgangen til
digital distribusjon av fjernsyn vil gi eit betre tilbod til sjåarane.
Det nye digitale bakkenettet skal vera landsdekkjande.
Med eit slikt nett vil NRK2 vera sikra den same dekninga
som NRK1. Eg vil koma nærmare inn på akkurat
desse spørsmåla i den orienteringa om NRK som
eg skal halda her i Stortinget i morgon.
Kjell Engebretsen hadde
her overtatt presidentplassen.
Gunnar Halvorsen (A): Jeg takker for svaret.
Formelt er det slik at den som har et TV-apparat,
skal betale lisens, og han har ikke krav på noen
motytelse. Men ut fra folks vanlige forståelse og rettsoppfatning
føles det urettferdig når man får en
lisensregning fra NRK der noen får mer for pengene
enn andre.
Dersom statsråden mener
at dette er forskjellsbehandling, vil det da bli utredet en differensiert
lisens på et senere tidspunkt? Og er det mulig/ønskelig å styre
NRK slik at f.eks. filmer og viktige sportsarrangementer blir sendt
på NRK1, slik at vi unngår det som skjedde under OL,
da 200 000 mennesker ble snytt for skiskytterjentenes innspurt?
Statsråd Valgerd Svarstad Haugland: – Eller at ein del av dei som såg
på Barne-TV, vart snytt for Barne-TV fordi ein sende sportssendingar
i staden. Her er det fleire grupper å ta omsyn til.
Eg trur rett og slett det er bakstreversk å byggja
ut dette nettet vidare no. Vi må heller tenkja framover,
og då er det digitale nettet framtida.
Eg vil òg minna representanten om
det eg sa i det førre svaret mitt, at dette vart handsama etter
eit Dokument nr. 8-forslag i Stortinget for ikkje lang
tid tilbake, i 2000, og då gjekk representanten sitt eige
parti mot ei slik differensiering. Eg meiner det vil vera å bruka
ressursar på ein unødvendig måte å utgreia
det vidare. Men det å satsa på eit digitalt bakkenett,
som gir dei same tilhøva både til NRK1
og til NRK2, vil vera framtidsretta. Det vil eg som sagt koma
meir inn på i morgon.
Gunnar Halvorsen (A): Jeg takker for tilleggssvaret.
Jeg er veldig enig i at det er ikke
fornuftig å satse på det gamle, utbygde analoge
nettet. Men jeg har stor tro på det digitale bakkenettet.
Det samme gir statsråden uttrykk for. Kan statsråden
gi noen positive signaler om når det digitale
nettet vil være på lufta, slik at de
som venter på NRK2, i alle fall kan få en
dato?
Det er ikke bare NRK2 som
har dårlig dekning. Viktige radiokanaler, som f.eks. «Alltid
nyheter», får man heller ikke inn over hele
landet. Mener statsråden at staten må spille
en viktig rolle i utbyggingen av dette landsomfattende digitale
nettet? Og vil hun støtte opp om det positive som etter
min mening nå skjer mellom NRK og TV 2 i forhold
til det digitale bakkebaserte nettet?
Statsråd Valgerd Svarstad Haugland: Eg trur ikkje eg skal gi meg ut på å svara
veldig konkret på desse tilleggsspørsmåla.
Som eg har nemnt i begge dei tidlegare svara mine, vil eg halda
ei utgreiing i morgon der eg kjem inn på dette – eg
ser at representanten ynskjer at eg skal gå lenger i svaret – og òg
med konkrete forslag. Å gi ein dato i dag trur eg ikkje
representanten eigentleg meiner at eg skal – for det går
ikkje an. Dette skal sjølvsagt òg
handsamast i Stortinget – i tur og orden.
Til det representanten spurde om i sitt førre
tilleggsspørsmål: Eg trur ikkje det
er rett av ein statsråd å dirigera NRK – kva
for eit program dei skal senda i kva for ein kanal. Sjølvsagt
kan ein gjera det, men det vil ikkje vera rett.
Men eg har stor tru på framtida i forhold til
det digitale nettet. Og dersom ein kan få tilslutning frå Stortinget til å byggja
det ut, vil alle desse problema vera løyste,
og eg slepp kanskje å svara på det same
spørsmålet for femte eller sjette gongen
i Stortinget.