Borghild Tenden (V) [12:27:09]: Jeg har gleden av å stille følgende
spørsmål til samferdselsministeren:
«Ifølge innstillingen fra
Lavutslippsutvalget står transportsektoren for en vesentlig
og økende del av klimagassutslippene. I lys av dette er
satsing på kollektivtrafikk svært viktig. En forutsetning
for videre utvikling på Fornebu er en god kollektivløsning.
Hva vil statsråden gjøre
for å oppfylle løftet fra staten om nyinvestering
for kollektivløsning til Fornebu?»
Statsråd Liv Signe
Navarsete [12:27:43]: Fornebu vart nedlagd som flyplass i 1998,
og eit område på nær 3 400 dekar
vart frigjort for utvikling. I St.meld. nr. 46 for 1999-2000 Nasjonal
transportplan 2002–2011 la dåverande regjering
opp til statleg medfinansiering av baneløysing til Fornebu
innanfor Jernbaneverket sine rammer
til dobbeltspor på strekninga Skøyen–Sandvika. Saka
vart følgd opp i samband med arbeidet med Nasjonal
transportplan 2006–2015. I St.meld. nr. 24 for 2003-2004
Nasjonal transportplan 2006–2015 er
baneløysing til Fornebu omtalt på følgjande
måte:
«Samferdselsdepartementet
legger til grunn et statlig bidrag på inntil 600 mill.
kr begrenset til et gitt kronebeløp over ordningen med
alternativ bruk av riksvegmidler.»
Ansvar for bygging, drift og statleg bidrag
til prosjektet er omtalt i dei årlege budsjettproposisjonane. Bane
til Fornebu vil verte ein del av det sekundære banenettet
i Oslo-området. Som omtalt i St.prp. nr. 1 for 2004-2005 har
Akershus fylkeskommune vedteke løysing med automatbane
og har teke på seg det totale driftsansvaret.
Ansvaret for å skaffe midlar til bygging og drift ligg
såleis på Akershus fylkeskommune.
Liksom representanten Borghild Tenden er eg
oppteken av å minske klimagassutsleppa i transportsektoren. Å betre
tilhøva for kollektivtrafikken vil vere eit viktig
verkemiddel i den samanhengen, spesielt i byar og bynære område
som Fornebu. Som omtalt i St.meld. nr. 24 for 2003-2004 har staten
forplikta seg til å hjelpe til med midlar til investering
i infrastruktur. Det er difor innarbeidd 600 mill. kr i handlingsprogrammet
for investeringar på resten av riksvegnettet i Akershus
i perioden 2006–2015.
Eg er kjend med at det framleis er ein del
som er uklart ved det planlagde prosjektet. Akershus fylkesting
har i møte 21. september 2006 vedteke at det
skal utgreiast andre alternativ enn automatbane. Alternativa
er bybane med Snarøyabuss, buss/bybane og bussbetening
av Fornebu. Statens vegvesen er invitert til å delta i
utgreiingsarbeidet. Inntil Akershus fylkeskommune har gjort desse
utgreiingane, held eg meg til dei vedtaka som er fatta, og til dei økonomiske
prioriteringane som er gjorde i samband med Nasjonal
transportplan 2006–2015.
Borghild Tenden (V) [12:30:17]: Jeg takker statsråden for svaret.
Jeg kjenner godt til hva de ønsker
i Akershus fylkeskommune. En ny utredning
som regjeringspartiene der – de har jo snudd i saken – pluss
Fremskrittspartiet nå ønsker,
virker som en trenering av hele saken. Dette kan i verste
fall føre til full stopp i utviklingen på Fornebu.
En bussløsning, som da er et alternativ midlertidig, på lang sikt eller
på hel sikt, kan føre til 70–80
busser i rushtiden. Det vil si et stort miljøproblem
og et framkommelighetsproblem på E18.
Hva vil statsråden gjøre
for å løse dette problemet?
Statsråd Liv Signe Navarsete [12:31:05]: Som eg sa, er eg til liks med representanten
Tenden oppteken av å auke kollektivandelen på transportnettet.
Spørsmålet er òg nemnt i innstillinga
frå Lågutsleppsutvalet. Der er jo den same
målsetjinga heilt klar.
Men eg vil gjenta det eg sa i svaret mitt:
Det er Akershus fylkeskommune som sit med initiativet her. Det er Akershus
fylkeskommune som må gjere sin del av jobben før
statsråden kan ta tak i denne saka. Eg har respekt for lokale
og regionale styresmakter. Eg innser
at ein i denne saka treng litt tid lokalt for å gjere
eit utgreiingsarbeid, som er antyda å skulle vere
avslutta i januar 2007. Dersom det fører til ei betre løysing
for Fornebu, kan det vere verdt å vente på.
Det får me kome tilbake til når utgreiingsarbeidet
er avslutta.
Borghild Tenden (V) [12:32:18]: Jeg takker igjen statsråden for svaret.
Jeg har også full tillit
til lokaldemokratiet. Men bakgrunnen for dette spørsmålet
er at denne saken nå faktisk står helt i stampe. Alle
utredninger ligger på bordet. Det er snakk om driftsansvaret
og en mer rettferdig fordeling av de driftsmidlene som Fornebu vil
generere i framtiden. Det er det eneste som kan løse
denne floken. Og floken er mellom SL og NSB, det vet jeg
at samferdselsministeren kjenner til, det går på en
mer rettferdig fordeling mellom NSB og SL.
Jeg spør igjen: Vil samferdselsministeren
se på dette og løse denne floken på Fornebu?
Statsråd Liv Signe Navarsete [12:33:09]: Akershus fylkeskommune har heile tida vore
kjend med dei rammene som gjeld frå staten si side
i denne saka. Det er ikkje nokon nye moment som har kome
opp etter statsrådsskiftet. Det er ikkje
nokon nye moment som har kome opp i dei seinare år, etter
at vedtaket om Fornebubanen vart gjort.
Eg vart ganske tidleg kjend med at
ein meinte at ein trong betre grunnlagsmateriale enn det som no
ligg føre. Det gjaldt både kvalitetssikring, kostnadsoverslag,
trafikkgrunnlag og driftsopplegg. Det er Akershus fylkeskommune
som har ansvaret for å leggje fram endeleg kostnadsoverslag
og finansieringsplan for prosjektet og gjere dei grunnleggjande
vedtaka som må vere på plass før
prosjektet kan kome opp og stå. Eg gav òg
det same svaret til representanten Jan Tore
Sanner på eit skriftleg spørsmål – det
var vel i oktober i fjor.
Eg har ikkje meir å føye
til i denne saka enn at eg har respekt for dei vurderingane
som fleirtalet i Akershus fylkesting gjer. Eg har ein god dialog
med Akershus om saka, og vil følgje ho opp på beste måte
frå min plass.