Bård Hoksrud (FrP) [15:01:36] (ordfører for saken): Vi skal nå behandle innlemmelse i EØS‑avtalen av direktiv 2006/126/EF om førerkort. Formålet med direktivet er å oppdatere og forbedre ordningen for førerkort samt fremme trafikksikkerhet og sikre fri bevegelighet av personer. Direktivet er en omarbeidelse av forutgående førerkortdirektiv, samtidig som man innfører en rekke endringer i forhold til gjeldende rett.

Direktivet krever lov‑ og forskriftsendringer for å innføre administrativ gyldighet for førerkort, krav til nye sensorer om å oppfylle minstekrav ved praktisk førerprøve samt hjemmel for at førerkortsanksjoner i en medlemsstat får direkte virkning også i Norge.

Foreløpig er det ikke foretatt noen endelig vurdering av hvilke endringer som må gjennomføres ved lov, og hvilke som kan gjennomføres ved forskrift. Det vil bli sendt ut et høringsbrev i løpet av høsten 2008, og et lovforslag vil legges fram som en odelstingsproposisjon.

Direktivet legger også til grunn at førerkortene må skiftes ut med jevne mellomrom, dette for bl.a. å ha oppdaterte bilder av føreren, samtidig som dette også vil bidra til at mulighetene til å forfalske førerkortene blir mindre.

Endringene vil føre til noe høyere kostnader for førerkortholder, da det er denne som skal dekke kostnadene ved å få utstedt nytt førerkort.

Under komiteens behandling kom det fram noe uenighet om hvilken aldersgrense man bør legge til grunn. Flertallet vil på det nåværende tidspunkt ikke ta stilling til om aldersgrensen for førerkort for personbil, motorsykler og andre lette førerkortklasser skal være 70 eller 75 år, mens komiteens medlemmer fra Fremskrittspartiet og Høyre ønsker å slå fast at man legger til grunn direktivets maksimumsgrense på 75 år, og at man etter dette kan få utstedt førerkort med gyldighet for ett til fem år ut fra legens vurdering av den enkeltes helsetilstand.

Torstein Rudihagen (A) [15:03:33]: Saka dreier seg om samtykke til godkjenning av eit vedtak i EØS‑komiteen. Det er jo ikkje veldig mye politikk her, og eg viser òg til utgreiinga frå saksordføraren.

Eg håpar at gjennomføringa av direktivet vil fremme harmonisering av førarkortreglane i heile Europa, redusere moglegheitene til forfalsking av førarkort samt forhåpentlegvis betre trafikktryggleiken, som var hovudformålet med dette.

Så nemnde saksordføraren at Framstegspartiet og Høgre har ein merknad som fleirtalet ikkje er med på. Når vi ikkje sluttar oss til merknaden om at den generelle aldersgrensa blir sett til 75 år, er det ikkje nødvendigvis slik at vi er ueinige i det, men det er ut frå to forhold: For det fyrste er det litt uklart kva ein her meiner, og for det andre er dette eit spørsmål ein kjem attende til.

Høgre og Framstegspartiet relaterer denne merknaden til det forslaget som ligg føre om å heve den generelle aldersgrensa for køyresetel frå 70 til 75 år. Fleirtalet peiker i sin merknad på at dette forslaget ikkje har tilknyting til dei aldersgrensene for førarkort som blir omhandla i direktivet, og det regelverket direktivet vil gi endringar i. Men eg forstår at logikken ein byggjer på, er at når ein hevar den grensa, skal ein òg heve den generelle aldersgrensa til 75 år.

Systemet med direktivet er slik at det skal bli innført ein gyldigheitsperiode på førarkortet. Kravet er at ein har ein helseattest – «fysisk og psykisk skikkethet», som det heiter. Gyldigheitstida vil bli 10–15 år, og førarkortet må fornyast med 10–15 års intervall. Føresetnaden er heile tida at ein har nødvendig helseattest.

Så går det fram av direktivet at enkelte medlemsland etter visse kriterium kan avgrense gyldigheitstida. Det framgår tydeleg av artikkel 7. Det betyr at dagens supplerande helseattest etter 70 år for 100 års‑førarkort må avviklast uansett, da gyldigheitsperioden til førarkortet skal framgå av sjølve førarkortblanketten. For dei over ein viss alder kan ein altså innføre ei stuttare gyldigheitstid. Det er kanskje dette Høgre og Framstegspartiet tenkjer på. Men det må ein i så fall kome attende til når det spørsmålet skal avgjerast, for som saksordføraren no sa, krev direktivet lov‑ og forskriftsendringar bl.a. for å innføre administrativ gyldigheitstid for førarkort. Derfor varslar da òg Samferdselsdepartementet at dei vil fremme forslag om endringar i vegtrafikklova og nødvendige forskriftsendringar, og kjem altså attende med det i ein eigen odelstingsproposisjon. Men før det skal det forslaget ut på vanleg, ordinær høyring, ei grundig høyring, og da synest vi det er å føregripe ei avgjerd ein skal kome attende til seinare, å seie noko om ei generell aldersgrense for førarkort no. Ein må jo ta med seg dei innspela og dei høyringsutsegnene som her kjem.

For å oppsummere: Vi kan etter mitt syn ikkje bestemme den generelle øvre aldersgrensa, men vi kan altså bestemme ei aldersgrense for når førarkortet skal få stuttare gyldigheitstid. Men det gjer vi altså ikkje i samband med behandlinga her i dag, men når vi kjem attende til det lovforslaget, den odelstingsproposisjonen som kjem etter ein nyttig høyringsrunde.

Presidenten: Fleire har ikkje bedt om ordet til sak nr. 8.

(Votering, sjå side 576)