Bård Hoksrud (FrP) [11:58:19]: «Autostrada AS i Skien har i ett år prøvd å få registrert en Cadillac Escalade
begravelsesbil som er identisk med andre begravelsesbiler som er godkjent. På
bakgrunn av byråkratisk uvillighet ved trafikkstasjonen i Skien nekter de å
godkjenne bilen. Kravet nå er at forhandler må ha en krasjtest av bensintanken
til ca. 150 000 kr for kanskje å få godkjent bilen. Dette går ut over kjøper.
Vil statsråden rydde opp i saken?»
Statsråd Liv Signe Navarsete [11:58:48]: Ved godkjenning og registrering av køyretøy i Noreg må det leggjast fram
dokumentasjon på at køyretøyet tilfredsstiller dei køyretøytekniske krava som
me har i våre forskrifter. Krava kan gå fram av både EU-direktiv, ECE-regulativ
eller det kan vere norske, altså nasjonale, krav.
For køyretøy som er EF-typegodkjende oppstår det sjeldan problem med å
dokumentere at alle krava er oppfylte ved godkjenning. Godkjenning skjer på
bakgrunn av dokumentasjon frå fabrikant, eventuelt ved framlegging av
testrapport frå laboratorium. Merking av komponentar vil kunne erstatte
papirdokumentasjon. For køyretøy som er produserte for land med andre tekniske
krav enn det som gjeld i EØS-området, eksisterer det inga merking av dei
enkelte komponentane som viser at dei tilfredsstiller europeiske krav, og
fabrikanten vil normalt ikkje ha gjennomført testar som er nødvendige for å
kunne dokumentere at europeiske krav er tilfredsstilte.
Det aktuelle køyretøyet er produsert for den amerikanske marknaden, og må difor
byggjast om for å kunne tilfredsstille dei norske tekniske og avgiftsmessige
krava til begravelsesbil. Etter det eg har fått opplyst frå Statens vegvesen,
har det ikkje vorte lagt fram tilfredsstillande dokumentasjon, verken frå
fabrikant eller laboratorium, på at køyretøyet oppfyller dei krava me set til
denne typen køyretøy i Noreg.
Statens vegvesen har opplyst at dei er kjende med at eit tilsvarande køyretøy
tidlegare er godkjent som gravferdsbil. Eg har difor sagt at Vegdirektoratet
skal innhente informasjon for å sjå nærare på denne saka, slik at same praksis
vert følgd. Sjølv om dette køyretøyet har fått godkjenning, må eg likevel
understreke at enkeltgodkjenning av eit bestemt køyretøy ikkje inneber at andre
tilsvarande køyretøy kan godkjennast utan tilfredsstillande dokumentasjon.
Etter det eg har fått opplyst, er det lagt fram ny dokumentasjon for køyretøyet
utan at sakshandsamande region har kunna godkjenne denne dokumentasjonen
heller. Vegdirektoratet har så langt ikkje motteke klage på dette siste
avslaget.
Eg har full tillit til at Vegvesenet følgjer opp saka og handsamar ho etter dei
reglane som gjeld.
Bård Hoksrud (FrP) [12:00:55]: Jeg er glad for statsrådens svar.
Dessverre er jeg litt lei meg, for dette er ikke noen enestående sak i regi av
Statens vegvesen. Vi opplever til stadighet at Statens vegvesen og
kontrollstasjoner opptrer som en stat i staten, og er mest opptatt av å finne
problemer istedenfor faktisk å være problemløsere. Jeg synes det er litt
spesielt, for hvis denne bilen hadde blitt registrert som en syvseter, hadde
det vært helt i orden, og hvis den hadde blitt registrert som en varebil, ville
den blitt godkjent på timen, men fordi det skal være en kiste i bakrommet, blir
den ikke godkjent. Det er heller ikke slik som statsråden sier, at denne bilen
er forsøkt godkjent etter de andre bilene – denne bilen har vært på Biltilsynet
flere ganger og lenge før noen av de andre bilene som har fått dokumentasjon og
godkjenning. Jeg har faktisk her dokumentasjon som viser at denne bilen har
like mye dokumentasjon på godkjenning som andre biler som er godkjent. Det kan
vel ikke være sånn at det skal være forskjell på få registrert en bil i
Telemark, i Finnmark eller i Møre og Romsdal, eller i andre deler av landet.
Det må være likhet for loven over hele landet.
Statsråd Liv Signe Navarsete [12:02:07]: Det er den same lova som gjeld i heile landet, og som eg sa i mitt hovudsvar,
har eg gitt beskjed om at ein då må søkje å vurdere desse godkjenningane i
samanheng, slik at krava vert like. Men eg må rette meg etter den informasjonen
eg får, og kan ikkje her i stortingssalen gå inn i ein polemikk om kva som er
gjort og ikkje gjort. Eg har fått opplysningar frå Statens vegvesen, og eg har
gitt melding om at ein må sjå desse tinga i samanheng. Vegdirektoratet har jo
ein koordinerande funksjon og har slik sett moglegheit til å gå inn og sjå om
dei ulike regionane har lik praksis – noko dei skal ha. Sjølvsagt skal dei det.
Folk skal ha same rettskrav og same likebehandlingskrav anten ein er i den eine
eller andre regionen i landet. Det er det viktig for meg å understreke. Eg skal
sjølvsagt sjå til at den biten vert følgd opp, men utover det er det ikkje
mogleg for meg å gå inn i ein diskusjon om kva type dokumentasjon som er
framlagd, for det vert for teknisk i dette forumet.
Bård Hoksrud (FrP) [12:03:12]: Jeg er glad for at statsråden sier det hun sier nå. Statsråden skal få
dokumentasjonen med etterpå, og jeg håper at hun innen veldig kort tid vil
sørge for å rydde opp i dette, slik at denne bilen nå blir godkjent. Dette
rammer en uskyldig tredjeperson som ønsker å drive næringsvirksomhet, men som
altså ikke får muligheten til det. Å pålegge én bil en krasjtest til 150 000
kr, mens man har godkjent mange biler av akkurat samme type, blir jo helt
meningsløst, også når vi har dokumentasjon på at biler har blitt godkjent med
langt mindre dokumentasjon. Noe av utfordringen er at hvis man først kommer til
én trafikkstasjon, får man ikke lov til å reise til en annen trafikkstasjon som
ville ha godkjent den bilen. Da må man være på den trafikkstasjonen hvor man
møter et håpløst byråkrati som gjør at man ikke får ryddet opp i dette. Jeg
håper at statsråden nå sørger for å rydde opp i dette til beste for den
næringsdrivende som ønsker å få drive næringsvirksomheten sin, sørger for at
denne bilen får skilter som alle andre biler – som den ville ha fått hvis den
bare hadde hatt syv seter eller vært registrert som varebil istedenfor som
begravelsesbil.
Statsråd Liv Signe Navarsete [12:04:19]: Eg ber om forståing for at eg som sagt ikkje kan gå inn i enkeltelement i denne
saka, for det er ikkje mogleg. Då vert det eine ordet ståande mot det andre.
Det eg vil gjere, er å undersøkje om det er likebehandling. Er det
likebehandling, og det ikkje er lagt fram tilfredsstillande dokumentasjon, vel,
så må den som søkjer, finne seg i å få fram den dokumentasjonen. Sånn er det.
Det vil det vere i alle regionar, men dersom det er slik at den same bilen er
godkjend før, må ein følgje dei same prosedyrane som me har gjort i andre
regionar – og eg ventar at det vert gjort. Men utover det kan ikkje eg seie om
det vil føre til at saka vert løyst, men i alle fall vert ho følgd opp.
Eg er oppteken av at me skal redusere byråkrati, og eg er oppteken av at folk
flest skal føle at det er opne dører inn i det offentlege systemet, ikkje at
det er unødvendige vanskar. Eg har dermed ikkje sagt at det er laga unødige
vanskar her, for eg har ikkje moglegheit til å gå inn og samanlikne dei ulike
elementa i denne saka. Det må fagfolka mine få gjere.