Presidenten [10:00:27]: Vyrde medrepresentantar!

Den 31. januar 2023 gjekk Jorunn Hageler bort. Jorunn Hageler hadde pågangsmot – ho let seg ikkje stoppa av hindringar utan kamp.

Ho blei fødd i 1946 i Sortland i Nordland, som dotter av industriarbeidar Kåre Innvik og Signe Nikolaisen. Sjølv med ei solid utdanning, lærarskule og fleire grunnfag, gløymde ho aldri bakgrunnen sin frå arbeidarrørsla. Det kom til uttrykk i både lærargjerninga – ho var m.a. fagrettleiar i samlivslære og i likestilling i Steinkjer kommune – og det politiske engasjementet hennar.

Hageler var feminist. Ho arbeidde for å minska dei sosiale forskjellane og var særleg oppteken av levekåra til barn og unge, likestilling mellom kjønna og livssituasjonen til skeive. Difor var det eit naturleg val for Hageler å bli med i Sosialistisk Venstreparti.

Ho hadde eit solid politisk verke. Ho var medlem av kommunestyret i Steinkjer frå 1980 til 1997, leiar i Steinkjer SV frå 1988 til 1991 og leier i Nord-Trøndelag SV frå 1991 til 1993.

I tillegg til å ta på seg verv arbeida ho utanomparlamentarisk. Hageler var ein dyktig debattant og skribent og hadde stor arbeidskapasitet. Ho var like mykje aktivist som folkevald. Ho etablerte eit dokketeater for barn og barnefamiliar, og saman med andre SV-arar var ho med på å oppretta Kristoffer Bokkafé, ein kulturell møteplass for venstresida på Steinkjer.

I 1993 blei Jorunn Hageler vald inn på Stortinget for SV og fekk plass i familie-, kultur- og administrasjonskomiteen på Stortinget. I 1997 mista SV representasjonen frå Nord-Trøndelag, og Hageler gjekk i ein periode tilbake til jobben som adjunkt ved Egge ungdomsskule. Dette var ei tid då mange flyktningar kom til Noreg, og ho ønskte å engasjera seg i internasjonalt arbeid.

Hageler blei «democratization officer» for OSSE i Tuzla i Bosnia-Hercegovina frå 2000 til 2001. Etter dette slo ho seg ned i Steinkjer saman med sambuaren sin. Ho trekte seg tilbake frå politikken og fekk etter kvart store helseproblem.

Jorunn Hageler døydde frå oss altfor tidleg, 77 år gamal. Me lyser fred over minnet til Jorunn Hageler.

Presidenten [10:04:11]: Følgjande innkalla vararepresentantar tek no sete:

For Aust-Agder: Dagfinn Homdal Svanøe

For Hordaland: Ulvar Akselsen

For Oslo: Marit Vea

Frå Arbeidarpartiet si stortingsgruppe ligg det føre søknad om permisjon for representanten Sverre Myrli i tida frå og med 21. til og med 23. oktober for å delta på reise i regi av NATOs parlamentariske forsamling til Brasilia og Sao Paulo, Brasil.

Etter forslag frå presidenten blei samrøystes vedteke:

1. Søknaden blir handsama straks og vedteken.

2. Vararepresentanten, Marie Østensen, blir innkalla for å møta i permisjonstida.

Presidenten [10:04:49]: Marie Østensen er til stades og vil ta sete.

Frå Statsministerens kontor har Stortinget motteke følgjande brev, datert 17. oktober 2025:

«I dag klokken 11.00 ble det avholdt statsråd på Det kongelige slott under ledelse av Hans Majestet Kongen.

Det ble truffet følgende vedtak om endringer i regjeringen mv.:

Statsministerens kontor

Statssekretær Kjetil Skeide Edvardsen gis avskjed i nåde som statssekretær for statsråd Lene Vågslid i Barne- og familiedepartementet med virkning fra og med 3. november 2025.

Utnevning av kommunikasjonssjef Siri Storstein Hytten til statssekretær for statsråd Lene Vågslid i Barne- og familiedepartementet med virkning fra og med 17. oktober 2025 kl. 12.00.

Statssekretær Elisabeth Sæther gis avskjed i nåde som statssekretær for statsråd Terje Aasland i Energidepartementet med virkning fra og med 17. oktober 2025 kl. 12.00.

Statssekretær Astrid Bergmål gis avskjed i nåde som statssekretær for statsråd Terje Aasland i Energidepartementet med virkning fra og med 20. oktober 2025.

Utnevning av leder for samfunnskontakt Marte Haabeth Grindaker og politisk rådgiver Snorre Erichsen Skjevrak til statssekretærer for statsråd Terje Aasland i Energidepartementet med virkning fra og med 17. oktober 2025 kl. 12.00.

Statssekretær Bhanuja Rasiah gis avskjed i nåde som statssekretær for statsråd Jan Christian Vestre i Helse- og omsorgsdepartementet med virkning fra og med 17. oktober 2025 kl. 12.00.

Statssekretær Maria Varteressian gis avskjed i nåde som statssekretær for statsråd Espen Barth Eide i Utenriksdepartementet med virkning fra og med 20. oktober 2025.

Utnevning av statssekretær Astrid Bergmål til statssekretær for statsråd Espen Barth Eide i Utenriksdepartementet med virkning fra og med 20. oktober 2025.

Utnevning av statssekretærene Elisabeth Sæther og Bhanuja Rasiah til statssekretærer for statsminister Jonas Gahr Støre med virkning fra og med 17. oktober 2025 kl. 12.00.

Konstitusjon av advokat Anette Stegegjerdet Norberg som statssekretær for statsråd Lubna Boby Jaffery i Kultur- og likestillingsdepartementet i perioden fra og med 17. oktober 2025 kl. 12.00 til og med 31. desember 2025.»

Presidenten vil tilrå at det refererte brevet blir vedlagt protokollen, og ser det som vedteke.

Statsråd Astri Aas-Hansen vil overlevera 1 kgl. proposisjon.

Statsråd Astri Aas-Hansen overleverte 1 kgl. proposisjon:

• om endringer i lov om god handelsskikk i dagligvarekjeden (tilsynsmyndighet) (Prop. 4 L (2025–2026))

Presidenten [10:07:55]: Representanten Mahmoud Farahmand vil setja fram eit representantforslag.

Presidenten [10:08:26]: Representanten Anna Molberg vil setja fram ei representantforslag.

Presidenten [10:08:52]: Forslaga vil bli handsama etter reglementet.

Presidenten vil opplysa om at det blir votering no innleiingsvis. Sak nr. 4, Referat, vil då bli handsama før sak nr. 3, og presidenten ber representantane om å bli sitjande til voteringa er ferdig.

Vidare vil presidenten gjera merksam på at sak nr. 1 på møtekartet ikkje har vore offentleg i dei 48 timane reglementet krev, jf. forretningsordenen § 46. Presidenten vil likevel gjera framlegg om at saka blir teken opp til handsaming.

Ingen innvendingar er komne mot det, og presidenten ser det då som vedteke.