Eg syner til Dykkar telefaks av 13. oktober
1998.
1997 var et særs godt år for
den norske verftsindustrien. Den store etterspurnaden
etter farty til den offshore-relaterte verksemda i Nordsjøen
og dei reduserte støttesatsane for 1998 er nokre av årsakene
til den store kontraktinngåinga.
Hittil i år har kontraktinngåinga
vore lågare enn det som har vore normalt dei seinaste åra.
1998-kontraktar som vart framskunda til 1997 og lågare
støttesatsar samanlikna med maksimalsatsane i EU har medverka til
dette.
Den internasjonale konjunkurutviklinga, mellom anna
den økonomiske stoda i Asia har stor innverknad på kontraktinngåinga
i skipsbyggingsindustrien. Vidare kan avviklinga av den kontraktsrelaterte
støtta i EØS-området frå og
med 2001 føre til at kontraktar blir framskunda. Skilnaden
i støttesatsar mellom land har òg verknader på konkuransetilhøva.
Nettoverknaden av desse tilhøva vil derfor vere uviss.
Dersom støttesatsane blir heva frå 7,0
og 3,5 pst. til 9,0 og 4,5 pst., vil det etter departementet si
vurdering bli nødvendig å auke løyvinga
med om lag 250 mill. kroner til 757,5 mill. kroner. Vi gjer marksam
på at overslaget er uvisst. Verknadene kan bli større.
Då kan ei løyving på 250 mill. kroner
bli for lita.