For SDØE blir det fastsett eit driftsresultat inkludert kalkulatoriske renter og avskrivingar. Investeringane blir aktiverte i kapitalrekneskapen.

Tabell 13

	1992	1993
Inntekter	-30.881	-36.824
Utgifter	26.949	28.753
Driftsresultat	-3.932	-8.071
Investeringar	15.117	23.943
Totale utgifter, netto	11.185	15.872
Overføringar til statens petroleumsforsikringsfond	523	735
Sum kap. 2440	11.709	16.608

       Driftsresultatet auka med over 4.100 mill. kroner frå 1992 til 1993. Dette kjem av fleire forhold:

       SDØE sin oljeproduksjon auka sterkt frå 1992 til 1993. Samstundes auka oljeprisen frå gjennomsnittleg om lag kr 119/fat i 1992 til om lag kr 122/fat i 1993. Totalverknaden vart ein auke i inntektene på nesten 6 mrd. kroner. Utgiftene auka med om lag 1,8 mrd. kroner. Av denne auken stod avskrivingane og dei kalkulatoriske rentene på statens kapital for om lag 1,7 mrd. kroner. Dette kjem av at staten sin kapital i petroleumsverksemda veks pga. det høge statlege investeringsnivået.

       Frå 1992 til 1993 auka investeringane med nesten 9 mrd. kroner.