Justis- og politidepartementet legg i proposisjonen
fram forslag om endringar i løyvingane under diverse kapittel i
statsbudsjettet for 2008. Endringsforslaga på nokre av dei regelbundne postane
er mellom anna baserte på rekneskapstal pr. 30. august 2008. Departementet
vil understreke at tala for forbruk på dei regelbundne postane berre
er prognosar, og at dei endelege rekneskapstala kan avvike ein del
frå desse prognosane.
Løyvinga på posten dekkjer faste og variable lønsutgifter,
samt lønsutgifter til tilkalla og ekstraordinære dommarar og øvrige
ordinære driftsutgifter.
Finnmarkskommisjonen blei oppnemnd ved kongeleg
resolusjon 14. mars 2008 og er operativ frå hausten 2008. Oppnemninga
av Utmarksdomstolen vil utstå noko sidan det ikkje vil vere høve
til å reise sak inn for domstolen før kommisjonen har avslutta kartlegginga
av eksisterande rettar i det første utreiingsfeltet. På grunn av
forseinkinga foreslår Justisdepartementet å redusere løyvinga på
kap. 410 post 1 med 4 mill. kroner.
Løyvinga på posten dekkjer utgifter som etter rettsgebyrlova
er medrekna i rettsgebyret. Forbruket på posten er knytt til talet
på og omfanget av saker og er derfor ikkje styrbar.
På bakgrunn av erfaringstal, rekneskapstal hittil i
år og venta utvikling foreslår Justisdepartementet å auke løyvinga
på kap. 410, post 21 med 4 mill. kroner.
Løyvinga på posten dekkjer inntekter frå gebyrpliktige
oppgåver i domstolane i samband med sivile saker, skjønn, skifte,
konkurs m.m. Inntektene er regelstyrte.
På bakgrunn av rekneskapstal hittil i år og
venta utvikling foreslår Justisdepartementet å auke løyvinga på
kap. 3410 post 1 med 30 mill. kroner.
Posten er nyoppretta i 2008 og skal dekkje inntekter
frå tinglysing i fast eigedom ved Statens kartverk.
På bakgrunn av rekneskapstal og venta utvikling foreslår
Justisdepartementet å redusere løyvinga på kap. 3412 post 2 med
57 mill. kroner.
Løyvinga på posten dekkjer sideutgifter som jordskifterettane
har heimel til å krevje inn i visse saker.
Justisdepartementet har fått meirinntektsfullmakt
til å overskride løyvinga på kap. 413 post 21 mot tilsvarande meirinntekter
på kap. 3413 post 2. Justisdepartementet foreslår å redusere løyvinga
på kap. 413 post 21 med 1 mill. kroner ettersom inntektene på kap.
3413 post 2 er venta å bli lågare enn det som er lagt til grunn
for løyvinga, jf. omtale under kap. 3413 post 2.
Løyvinga på posten dekkjer inntektene som jordskifterettane
har heimel til å krevje inn i visse saker.
Justisdepartementet har fått fullmakt til å
overskride løyvinga på kap. 413 post 21 mot tilsvarande meirinntekter
på kap. 3413 post 2. Inntektene på posten er venta å bli 1 mill.
kroner lågare enn gjeldande løyving for 2008. Justisdepartementet
foreslår derfor å redusere løyvinga på kap. 3413 post 2 med 1 mill.
kroner, jf. omtale under kap. 413 post 21.
Løyvinga dekkjer godtgjering og tapt arbeidsforteneste
til meddommarar, lagrettemedlemmer, vitne og rettsvitne og reiseutgifter
til desse. Posten dekkjer også utgifter til vitne som møter eller
på anna måte forklarar seg for Kommisjonen for begjæring om gjenopptaking
av straffesaker samt nødvendige blodprøver/DNA-testar i kommisjonen
sitt arbeid.
På bakgrunn av rekneskapstal, erfaringstal og venta
utvikling foreslår Justisdepartementet å auke løyvinga på kap. 414
post 1 med 18 mill. kroner.
Løyvinga dekkjer utgifter til godtgjering til medlemmer
av forliksråda og kompetansehevande tiltak i form av kurs.
På bakgrunn av erfaringstal, rekneskapstal hittil i
år og venta utvikling blir det foreslått å auka løyvinga på kap.
414 post 21 med 3 mill. kroner.
Gjeldande løyving på posten i 2008 er 8,1 mill. kroner.
På generalforsamlinga til Norsk Eigedomsinformasjon våren 2008 blei
det vedteke eit utbytte på 12,64 mill. kroner for rekneskapsåret 2007.
På denne bakgrunn blir det foreslått å auke løyvinga på kap. 5630
post 85 med 4,54 mill. kroner.
Løyvinga på posten dekkjer ordinære driftsutgifter
i kriminalomsorga.
Justisdepartementet foreslår å auke løyvinga
på kap. 430 post 1 med 2,4 mill. kroner mot ein tilsvarande reduksjon
i løyvinga på kap. 430 post 21.
Justisdepartementet har fått fullmakt til å
overskride løyvinga på kap. 430 post 1 mot tilsvarande meirinntekter
på kap. 3430 post 3. Ettersom inntekter frå sal og tilskot i 2008
er venta å bli høgare enn lagt til grunn for løyvinga i 2008, foreslår
Justisdepartementet å auke løyvinga på kap. 430 post 1 med 6,765
mill. kroner, jf. omtale under kap. 3430 post 3.
Justisdepartementet har fått fullmakt til å
overskride løyvinga på kap. 430 post 1 mot tilsvarande meirinntekter
på kap. 3430 post 4. Som følgje av at tilskot frå Utanriksdepartementet
til internasjonalt fengselssamarbeid i 2008 er lågare enn lagt til
grunn for løyvinga for 2008, foreslår Justisdepartementet å redusere
løyvinga under kap. 430 post 1 med 108 000 kroner.
Samla foreslår Justisdepartementet å auke løyvinga
på kap. 430 post 1 med 9,057 mill. kroner.
Posten omfattar utgifter arbeidsdrifta har til
materiale, vanleg utskifting av mindre maskiner og utstyr, kursing
av tilsette retta mot hjelpemiddel brukt i arbeidsdrifta, samt vedlikehald
og drift av maskinparken. Arbeidspengar til dei innsette inngår
også i løyvinga.
Justisdepartementet har fått fullmakt til å
overskride løyvinga på kap. 430 post 21 mot tilsvarande meirinntekter
på kap. 3430 post 2. Inntektene under kap. 3430 post 2 er venta
å bli 5,894 mill. kroner høgare enn lagt til grunn for løyvinga
for 2008. Justisdepartementet foreslår derfor å auke løyvinga på
kap. 430 post 21 med 5,894 mill. kroner.
Meirutgiftene i samband med arbeidsdrifta på kap.
430 post 21 er venta å bli lågare enn meirinntekta på kap. 3430
post 2. Justisdepartementet foreslår derfor å omdisponere 2,4 mill. kroner
frå kap. 430 post 21 til kap 430 post 1.
Samla foreslår Justisdepartementet å auke løyvinga
på kap. 430 post 21 med 3,494 mill. kroner.
Løyvinga på posten dekkjer refusjonar til kommunale
omsorgstiltak for prøvelauslating frå forvaring, psykisk utviklingshemma
med sikringsdom og varetektssurrogat.
På bakgrunn av rekneskapstal hittil i år og
oppdatert prognose foreslår Justisdepartementet å redusere løyvinga
på kap. 430 post 60 med 7 mill. kroner i 2008. Dette skuldast forseinkingar i
enkeltsaker som gir utsetjing i utbetaling av refusjonar.
Løyvinga på posten dekkjer inntekter frå sal
av arbeidsdrifta sin produksjon.
Justisdepartementet har fått fullmakt til å
overskride løyvinga på kap. 430 post 21 mot tilsvarande meirinntekter
på kap. 3430 post 2. Basert på rekneskapstal og prognosar er inntektene
på kap. 3430 post 2 venta å bli 5,894 mill. kroner høgare enn det
som var lagt til grunn for løyvinga i 2008. Justisdepartementet
foreslår derfor å auke løyvinga på kap. 3430 post 2 med 5,894 mill.
kroner.
Løyvinga på posten dekkjer bl.a. leigeinntekter for
teneste- og leigebustad, refundert kost og husleige samt klientavhengige
driftstilskot til overgangsbustadane.
Justisdepartementet har fått fullmakt til å
overskride løyvinga på kap. 430 post 1 mot tilsvarande meirinntekter
på kap. 3430 post 3. Inntektene frå sal og tilskot på kap. 3430
post 3 er venta å bli 6,765 mill. kroner høgare enn det som var
lagt til grunn for løyvinga i 2008. Justisdepartementet foreslår
derfor å auke løyvinga på kap. 3430 post 3 med 6,765 mill. kroner.
Løyvinga på posten vart auka med 11 mill. kroner
i 2008 pga. venta inntekt ved eigedomssal i Østensjøvegen. Netto
salsinntekt blei 7,799 mill. kroner, noko som medførar at salet
har gitt ei mindreinntekt på 3,201 mill. kroner. Justisdepartementet
foreslår på denne bakgrunn å redusere løyvinga på kap. 3430 post
3 med 3,201 mill. kroner.
Samla foreslår Justisdepartementet å auke løyvinga
på kap. 3430 post 3 med 3,564 mill. kroner.
Løyvinga dekkjer tilskot til deltaking i internasjonalt
fengselssamarbeid.
Justisdepartementet har fått fullmakt til å
overskride løyvinga på kap. 430 post 1 mot tilsvarande meirinntekter
på kap. 3430 post 4. Ettersom tilskot frå Utanriksdepartementet
til internasjonalt fengselssamarbeid er lågare enn det som blei
lagt til grunn for løyvinga i 2008, foreslår Justisdepartementet
å redusere løyvinga på kap. 3430 post 4 med 108 000 kroner.
Løyvinga dekkjer lønsutgifter til skulens personale,
løn til aspirantar og utgifter til drift og husleige til skulebygningen.
Justisdepartementet har fått fullmakt til å
overskride løyvinga på kap. 432 post 1 mot tilsvarande meirinntekter
på kap. 3432 post 3. Justisdepartementet foreslår å redusere løyvinga på
kap. 432 post 1 med 770 000 kroner på grunn av at inntektene på
kap. 3432 post 3 er venta å bli lågare enn det som er lagt til grunn
for løyvinga i 2008.
Løyvinga omfattar mellom anna inntekter frå
aspirantane sin del av skulebøker og studietur. Justisdepartementet
har fått fullmakt til å overskride løyvinga på kap. 432 post 1 mot
tilsvarande meirinntekter på kap. 3432 post 3. Basert på rekneskapstal
og prognosar er inntektene på kap. 3432 post 3 venta å bli 770 000
kroner lågare enn det som er lagt til grunn i løyvinga for 2008.
Justisdepartementet foreslår derfor å redusere løyvinga på kap.
3432 post 3 med 770 000 kroner.
Løyvinga dekkjer alle ordinære driftsutgifter
ved Politidirektoratet, politidistrikta (ikkje Oslo politidistrikt),
politireserven og politiet sine særorgan (ikkje Politihøgskolen).
Det er venta ei auke i talet på produserte pass
på 60 000 stk. Dette vil gje auka utgifter på til saman 16,5 mill.
kroner basert på ein einingspris på 275 kroner. På denne bakgrunn
foreslår Justisdepartementet å auke løyvinga på kap. 440 post 1
med 14,3 mill. kroner.
I juni 2008 leverte Politidirektoratet rapporten "Politiet
mot 2020 – Bemannings- og kompetansebehov i politiet". Rapporten
foreslår ei bemanningsauke i politi- og lensmannsetaten med 2 700
polititenestemenn og 1 000 sivile stillingar innan år 2020. I St.prp.
nr. 1 (2008–2009) for Justisdepartementet har Regjeringa følgd opp dette
forslaget ved at opptaket ved Politihøgskolen er auka til 552 studentar.
Det er også foreslått å auke talet på sivilt tilsette. På grunn
av at opptaket på Politihøgskolen har vore lågt i mange år, er det
ikkje mogleg å auke talet på polititenestemenn på kort sikt. Det
er derfor viktig at driftsbudsjetta til politidistrikta mellom anna
gjev rom for å tilsetje sivile slik at politiutdanna tenestemenn
kan frigjerast til operativt politiarbeid.
Politidirektoratet oppgjev eit meirforbruk på
3,7 mill. kroner til drift av eksisterande valdsalarmar samt ein
kostnad på 7 mill. kroner til anskaffing og forbetring av nye alarmar.
Samla meirbehov er såleis 10,7 mill. kroner. I tillegg er utgiftene
til biometri og utvikling av eit operativsystem for den elektriske
brikka i passet blitt høgare enn budsjettert. Meirutgiftene er på
19,4 mill. kroner. Justisdepartementet foreslår på denne bakgrunn
å auke løyvinga på kap. 440, post 1 med 30,1 mill. kroner til drift
og investering.
Under kap. 440 og kap. 441 foreslår Justisdepartementet
samla ei tilleggsløyving på 46,6 mill. kroner. Løyvinga dekkjer
i utgangspunktet ugifter til produksjon av pass, valdsalarmar og produksjon
av pass med biometri. Dette vil føre til at politidistrikta får
auka løyvingane til drift i 2008. Politidirektoratet vil frigjere
reservar som ellers skulle ha blitt brukt til desse investeringane,
og fordele dette til distrikta. I den seinare tid har det vore ei
stor utfordring for bemanninga i politiet at polititenestemenn i
større grad enn tidlegare uttrykkjer eit ønskje om å verne om fritida
si. Politimeistrane melder om ein vanskeleg driftssituasjon. Tilleggsløyvinga
vil betre denne situasjonen.
Samla foreslår Justisdepartementet å auke løyvinga
på kap. 440 post 1 med 44,4 mill. kroner i 2008.
Posten dekkjer sideutgifter som politi- og lensmannsetaten
har i samband med asylsaker, under dette utgifter til uttransportering
i asylsaker og andre utlendingssaker.
Gjeldande løyving på posten er 74,9 mill. kroner. Rekneskapen
på posten viser eit forbruk på 35,2 mill. kroner pr. 31. august
2008. Forbruket har vore lågt 1. halvår 2008. Forbruket 2. halvår
er venta å bli ein del høgare, mellom anna som følgje av fleire
transportar utanfor Europa, auke i arbeidet med ID-fastsetting samt
meir bruk av tvang ved uttransporteringar.
På bakgrunn av rekneskapstal og venta utvikling foreslår
Justisdepartementet å redusere løyvinga på kap. 440 post 21 med
5 mill. kroner.
Posten dekkjer inntekter frå gebyr for pass
og våpenløyvingar.
Det vert vist til omtale under kap. 440 post
1 om auka passproduksjon med 60 000 pass. Rekneskapstal viser også
ei svak auke i inntektene frå våpengebyr. Samla viser prognosane
bygd på produksjons- og rekneskapstal ei auke på 24,2 mill. kroner
samanlikna med saldert budsjett 2008. Justisdepartementet foreslår
såleis å auke løyvinga på kap. 3440 post 1 med 24,2 mill. kroner.
Posten dekkjer gebyr ifm. statsborgarskap, familieinnvandring
og arbeids-, busettings- og utdanningsløyver.
På bakgrunn av erfaringstal, rekneskapstal hittil i
år og venta utvikling foreslår Justisdepartementet å redusere løyvinga
på kap. 3440 post 6 med 20 mill. kroner i 2008.
Posten skal dekkje gebyrinntekter i samband med
den sivile rettspleia på grunnplanet – dvs. gebyr for tvangsforretningar
og forliksrådsbehandling.
På bakgrunn av erfaringstal, rekneskapstal hittil i
år og venta utvikling foreslår Justisdepartementet å redusere løyvinga
med 75 mill. kroner i 2008. Reduksjonen i inntektene skuldast i
første rekkje nedgang i talet på saker i forliksrådet.
Posten dekkjer alle ordinære driftsutgifter
i Oslo politidistrikt.
Justisdepartementet foreslår å auke løyvinga
på kap. 441 post 1 med 2,2 mill. kroner på grunn av ei venta auke
i talet på produserte pass.
Løyvinga på posten dekkjer alle ordinære driftsutgifter
og investeringar for hovudredningssentralen, redningshelikoptertenesta
og anskaffingsprosjektet for nye redningshelikopter.
Den døgnkontinuerlige vaktordninga i redningshelikoptertenesta
vert frå 1. juli 2008 utvida til også å omfatte Rygge og Ørland.
Kostnadane knytt til legeberedskapen blir finansiert av Justisdepartementet.
I 2008 blir det foreslått å overføre 3,84 mill. kroner frå kap.
455 post 1 til Helse- og omsorgsdepartementet. I samband med dette
blir det foreslått å auke kap. 732 post 72 med 2,04 mill. kroner
og kap. 732 post 74 med 1,8 mill. kroner.
Løyvinga på posten dekkjer utgifter til å engasjere
private selskap, t.d. helikopterorganisasjonar i det enkelte redningstilfelle,
refusjon til frivillige hjelparar for innsats i redningstenesta, forbruk
og erstatning av materiell m.m. Det er opp til den enkelte hovudredningssentral
å vurdere behovet og omfanget for bistand frå frivillige organisasjonar
og private selskap. Kostnadane blir refundert i tråd med retningslinjer
frå Justisdepartementet. Forbruket på posten er vanskeleg å berekne,
då utgiftene varierer med talet på og omfanget av redningsaksjonar.
Gjeldande løyving på posten er 7,517 mill. kroner
i 2008. Prognosar for 2008 tilseier eit forbruk på 11 mill. kroner,
dvs. eit meirbehov på 3,5 mill. kroner i forhold til gjeldande løyving.
Justisdepartementet foreslår derfor å auke løyvinga på kap. 455
post 21 med 3,5 mill. kroner.
Stortinget har gjort vedtak om å oppnemne ein undersøkingskommisjon
etter fiskefartøyet "Western" sitt forlis 6. februar 1981 og å løyve
7 mill. kroner til dekning av utgifter knytt til kommisjonen sitt
arbeid. Arbeidet har blitt meir omfattande enn ein rekna med, særleg
knytt til undersøkingar av delar av vraket. Dette har også ført
til høgare utgifter til arbeidet i kommisjonen. Det er derfor behov
for ytterlegare midlar utover løyvinga som blei sett av til kommisjonen
på 7 mill. kroner. Justisdepartementet foreslår på denne bakgrunn
å auke løyvinga på kap. 461 post 1 med 0,5 mill. kroner i 2008.
Eventuelt behov for tilleggsmidlar utover dette blir dekt innanfor
rammene av posten, mellom anna frå gjenståande løyving til Ålesundsutvalet.
Løyvinga på posten dekkjer utgifter til salær
og reise- og kostgodtgjersle til forsvarar, bistandsadvokatar, tolkar
og sakkunnige som er oppnemnde av retten i den enkelte sak eller
av Kommisjonen for gjenopptaking av straffesaker. Løyvinga dekkjer
også tapt arbeidsforteneste til ikkje-salærberettiga tolkar og sakkunnige
i straffesaker. Løyvinga dekkjer dessutan salær og reise- og opphaldsutgifter
til aktor i militære straffesaker, enkelte utgifter i sivile saker
og utgifter i Justisdepartementet til oversetting i rettsoppmodning
og utleveringssaker. På bakgrunn av rekneskapstal og venta utvikling foreslår
Justisdepartementet å auke løyvinga på kap. 466 post 1 med 95 mill.
kroner.
Løyvinga på posten dekkjer utgifter til sakkunnige
og meddommarar m.m. i saker der det er gitt fri saksførsel.
På bakgrunn av rekneskapstal og venta utvikling foreslår
Justisdepartementet å redusere løyvinga på kap. 470 post 1 med 0,5
mill. kroner.
Løyvinga på posten skal gå til å dekkje utgifter til
advokat i saker der det er gitt heil eller delvis fri sakførsel.
På bakgrunn av rekneskapstal og venta utvikling foreslår
Justisdepartementet å redusere løyvinga på kap. 470 post 70 med
6 mill. kroner.
Løyvinga på posten dekkjer utgifter til advokatar og
rettshjelparar i saker der det er gitt fritt rettsråd.
På bakgrunn av rekneskapstal hittil i år og
venta utvikling blir det foreslått å redusere løyvinga på kap. 470
post 71 med 5 mill. kroner.
Saksomkostningar tilkjent staten i benefiserte saker
blir førte under posten.
På bakgrunn av rekneskapstal og venta utvikling blir
det foreslått å nedjustere løyvinga på kap. 3470 post 1 med 1,5
mill. kroner.
Etter straffeprosesslova kap. 30 og 31, jf.
forskrift om standardsatsar for erstatning etter urettkomen straffeforfølging,
har ein sikta rett til erstatning for økonomisk tap og til oppreisning etter
faste satsar for krenking eller anna skade av ikkje-økonomisk art
dersom vedkomande blir frifunne, forfølginga mot vedkomande blir innstilt,
eller vedkomande har vore pågripen eller fengsla i strid med sentrale
menneskerettskonvensjonar. Løyvinga på posten er regelstyrt.
På bakgrunn av rekneskapstal og venta utvikling foreslår
Justisdepartementet å redusere løyvinga på kap. 471 post 72 med
6 mill. kroner
Løyvinga på posten dekkjer utgifter til gransking av
konkurs- og tvangsavviklingsbo iht. Justisdepartementet si særskilte
garantiordning og utgifter til drift av Konkursrådet.
På bakgrunn av rekneskapstal og venta utvikling foreslår
Justisdepartementet å auke løyvinga på kap. 475 post 21 med 0,5
mill. kroner.
Justisdepartementet har fått førespurnad frå
Sletta Burettslag v/Kriminalomsorga region nordaust om avhending
av veggrunn frå staten v/Justisdepartementet til Ullensaker kommune. Vegen
blir nytta av Sletta burettslag ved Ullersmo fengsel, og tilhøyrer
staten.
Fengselet og burettslaget har i dag alt vedlikehald
av vegen. Kommunen vil overta vedlikehaldet mot at eigedomen blir
overført vederlagsfritt til dei. Vegarealet er 1 740 kvadratmeter
og har ein marknadsverdi på 350 000 kroner. Vedlikehaldskostnadane
for vegen er berekna til omtrent 10 000 kroner pr. år. Snøbrøyting
kjem i tillegg til dette. Kommunen er ikkje villig til å overta
vedlikehaldet med mindre eigedomen blir overdratt til dei.
På bakgrunn av at eigedomen er av liten verdi samt
at vedlikehald fører til årlege kostnader, foreslår Justisdepartementet
følgjande romertalsvedtak:
"Stortinget samtykkjer i at deler av staten
sin eigedom, gnr. 29, bnr. 268 blir overdratt vederlagsfritt til
Ullensaker kommune."
Komiteen, medlemene frå Arbeidarpartiet,
leiaren Anne Marit Bjørnflaten, Thomas Breen, Ingrid Heggø og Hilde Magnusson
Lydvo, frå Framstegspartiet, Jan Arild Ellingsen, Solveig Horne og
Morten Ørsal Johansen, frå Høgre, Elisabeth Aspaker og André Oktay Dahl,
og frå Sosialistisk Venstreparti, Akhtar Chaudhry, viser
til den framlagte proposisjonen.
Komiteens flertall, medlemmene
fra Arbeiderpartiet, Fremskrittspartiet og Sosialistisk Venstreparti,
understreker at den vanskelige situasjonen knyttet til bemanning i
politiet har utviklet seg over tid og at det de siste årene er tatt
flere viktige grep for å bedre situasjonen. Viktigst er økningen
i opptaket ved Politihøgskolen som i 2009 vil være på rekordhøye
552 studenter. Flertallet viser videre til at Regjeringen
i forslag til statsbudsjett for 2009 øker politibudsjettet med til
sammen 216 mill. kroner (789 mill. kroner nominelt). Dette gjør det
mulig for politidistriktene og særorganene å øke antall årsverk
med om lag 250.
Flertallet er svært fornøyd med
at Regjeringen i angjeldende sak foreslår å øke bevilgningen til politiet
med 46,6 mill. kroner totalt i inneværende års budsjett og at det
i tillegg kan omdisponeres 5,5 mill. kroner. Det betyr at politidistriktene
kan få en styrking av driftsbudsjettene på 52 mill. kroner i år.
I 2008 har det vært en reell styrking på 365 mill. kroner. Den økte
bevilgningen knytter seg i utgangspunktet til økte kostnader til
produksjon av pass og utgifter til voldsalarmer. Disse midlene kan
nå i stedet Politidirektoratet frigjøre til å styrke driftsbudsjettene
i politidistriktene. Blant annet vil midlene kunne brukes til å
ansette flere sivile for å styrke bemanningen. Midlene vil således kunne
bedre bemanningen i politiet i en situasjon hvor mange polititjenestemenn
nekter å arbeide overtid.
Flertallet viser til at dette
kommer i tillegg til den styrkingen av politiet det er lagt opp
til i statsbudsjettet for 2009 og viser for øvrig til komiteens
merknader til St.prp. nr. 1 (2008–2009).
Komiteens medlemmer fra Fremskrittspartiet foreslår
å øke driftsbudsjettet til politiet med 52 mill. kroner hvorav 18
mill. kroner skal gå til politiet i Oslo (kap. 441) og resten til
politi- og lensmannsetaten for øvrig (kap. 440).
Disse medlemmer ønsker en vesentlig
styrking av driftsbudsjettet for å gi etaten nødvendig handlingsrom.
Videre mener disse medlemmer det må iverksettes strakstiltak
for å bedre bemanningssituasjonen i politiet, og dette krever utvidede
økonomiske rammer allerede i år.
Disse medlemmer ønsker videre
å bevilge 52 mill. kroner til investeringer i politiet (kjøretøyer,
utstyr etc.) med samme fordelingsnøkkel som for drift. Disse
medlemmer ser at politietaten har et vesentlig behov for
oppdatert materiell. Dette gjelder både kjøretøyer og sikkerhetsutstyr.
Disse tingene er av stor betydning for å kunne utføre en effektiv
tjeneste. Bevilgningene gjøres overførbare til 2009. Det vises for
øvrig til bevilgningsforslag i Innst. S. nr. 104 (2008–2009).
Disse medlemmer viser også til
Innst. S. nr. 104 (2008–2009) og forslag fremmet i finanskomiteen
om å bevilge 4 mill. kroner ekstra til redningstjenesten, nærmere
bestemt Hovedredningssentralen Sør-Norge. Bevilgningsforslaget er
merket "kan overføres". Disse medlemmer mener det
er svært viktig at redningstjenesten ikke blir rammet av for små
bevilgninger og er av den oppfatning at det vil være uheldig dersom
noe av driften må innstilles på grunn av økonomiske problemer. For
øvrig viser disse medlemmer til brevet som er sendt
fra Hovedredningssentralen Sør-Norge til Justisdepartementet, hvor
det redegjøres for denne problemstillingen.
Komiteens medlemmer fra Høyre viser
til at det i høst har kommet meldinger fra hele landet som tydelig
viser at beredskapen er svekket, og at politiet stadig oftere mangler
kapasitet til å følge opp lovbrudd og henvendelser fra publikum. Disse
medlemmer viser til at det for øyeblikket er flere hundre
ledige stillinger ute i politidistriktene, noe som ifølge flere
politimestre er nødvendig for å få driftsbudsjettene til å gå rundt.
Effekten av innføringen av nye arbeidstidsbestemmelser fra 1. juli
2007 medførte også at operative ressurser tilsvarende 120 stillinger
forsvant over natten, uten at Regjeringen har satt inn tiltak for
å avhjelpe situasjonen. Politibemanningen i helgene er i dag avhengig av
at politifolk jobber overtid. Disse medlemmer mener
det er svært bekymringsfullt at en av bærebjelkene for trygghet
og sikkerhet i samfunnet synes å være et overtidsbasert system.
Disse medlemmer har merket seg
at regjeringspartiene mener at den foreslåtte ekstrabevilgningen
vil bedre driftssituasjonen ute i distriktene. Disse medlemmer stiller
seg tvilende til at det vil skje, og mener det er villedende å fremstille
en tilleggsbevilgning i høst for å kompensere for høyere kostnader
til voldsalarmer og nye biometriske pass, som et bidrag til styrking
av politioperativ tjeneste i 2009.
Disse medlemmer viser også til
at mye tyder på at Regjeringens bevilgninger for 2009 reelt sett
ikke medfører en økning i driftsbudsjettene, noe som gjør at publikums
trygghet kan bli ytterligere redusert i 2009. Disse medlemmer mener
det nå er behov for et større løft, der fokus på et stort antall
nye sivile stillinger og målrettede seniortiltak er det eneste som
kan bedre situasjonen på kort sikt. Disse medlemmer vil
i denne sammenhengen vise til at Høyre i sitt alternative budsjett
for 2009 foreslo å bevilge 220 mill. kroner mer til politiet enn
Regjeringen.
Komiteen har elles
ingen merknader, viser til proposisjonen og rår Stortinget til å
gjere slikt
vedtak:
I statsbudsjettet for 2008 blir det gjort følgjande endringar:
I
Kap. | Post | Formål | Kroner |
Utgifter |
410 | | Tingrettane og
lagmannsrettane | |
| 1 | Driftsutgifter, vert redusert med | 4 000 000 |
| | frå kr 1 383 598 000
til kr 1 379 598 000 | |
| 21 | Spesielle driftsutgifter, vert auka med | 4 000 000 |
| | frå kr 49 750 000
til kr 53 750 000 | |
413 | | Jordskifterettane | |
| 21 | Spesielle driftsutgifter, kan overføres,vert
redusert med | 1 000 000 |
| | frå kr 6 239 000
til kr 5 239 000 | |
414 | | Forliksråd og
andre domsutgifter | |
| 1 | Driftsutgifter, vert auka med | 18 000 000 |
| | frå kr 98 003 000
til kr 116 003 000 | |
| 21 | Spesielle driftsutgifter, vert auka med | 3 000 000 |
| | frå kr 39 249 000
til kr 42 249 000 | |
430 | | Kriminalomsorga
si sentrale forvaltning | |
| 1 | Driftsutgifter, vert auka med | 9 057 000 |
| | frå kr 2 328 459 000
til kr 2 337 516 000 | |
| 21 | Spesielle driftsutgifter, kan nyttes under kap. 430 post 1,vert auka med | 3 494 000 |
| | frå kr 54 785 000
til kr 58 279 000 | |
| 60 | Refusjonar til
kommunene, forvaringsdømte o.a., kan overføres,
vert redusert med | 7 000 000 |
| | frå kr 27 200 000 til kr 20 200 000 | |
432 | | Kriminalomsorga
sitt utdanningssenter (KRUS) | |
| 1 | Driftsutgifter, vert redusert med | 770 000 |
| | frå kr 196 446 000
til kr 195 676 000 | |
440 | | Politidirektoratet
– politi- og lensmannsetaten | |
| 1 | Driftsutgifter, vert auka med | 44 400 000 |
| | frå kr 7 741 574
000 til kr 7 785 974 000 | |
| 21 | Spesielle driftsutgifter, vert redusert med | 5 000 000 |
| | frå kr 74 929 000
til kr 69 929 000 | |
441 | | Oslo politidistrikt | |
| 1 | Driftsutgifter, vert auka med | 2 200 000 |
| | frå kr 1 539 385
000 til kr 1 541 585 000 | |
455 | | Redningstenesta | |
| 1 | Driftsutgifter, vert redusert med | 3 840 000 |
| | frå kr 494 577 000
til kr 490 737 000 | |
| 21 | Spesielle driftsutgifter, vert auka med | 3 500 000 |
| | frå kr 7 517 000
til kr 11 017 000 | |
461 | | Særskilde ulykkeskommisjonar | |
| 1 | Driftsutgifter, vert auka med | 500 000 |
| | frå kr 3 664 000
til kr 4 164 000 | |
466 | | Særskilte straffesaksutgifter
m.m. | |
| 1 | Driftsutgifter, vert auka med | 95 000 000 |
| | frå kr 671 483 000
til kr 766 483 000 | |
470 | | Fri rettshjelp | |
| 1 | Driftsutgifter, vert redusert med | 500 000 |
| | frå kr 5 328 000
til kr 4 828 000 | |
| 70 | Fri sakførsel, vert redusert med | 6 000 000 |
| | frå kr 404 073 000
til kr 398 073 000 | |
| 71 | Fritt rettsråd, vert redusert med | 5 000 000 |
| | frå kr 159 949 000
til kr 154 949 000 | |
471 | | Staten sitt erstatningsansvar | |
| 72 | Erstatning for
uberettiga straffeforfølging, overslagsløyving,vert redusert med | 6 000 000 |
| | frå kr 34 018 000
til kr 28 018 000 | |
475 | | Bubehandling | |
| 21 | Spesielle driftsutgifter, kan overføres,vert
auka med | 500 000 |
| | frå kr 7 587 000
til kr 8 087 000 | |
| | | |
Inntekter |
3410 | | Rettsgebyr | |
| 1 | Rettsgebyr, vert auka med | 30 000 000 |
| | frå kr 138 821 000
til kr 168 821 000 | |
3412 | | Tinglysingsprosjektet | |
| 2 | Gebyrinntekter,
fast eigedom, vert redusert med | 57 000 000 |
| | frå kr 1 057 185 000 til kr
1 000 185 000 | |
3413 | | Jordskifterettane | |
| 2 | Sideutgifter, vert redusert med | 1 000 000 |
| | frå kr 6 310 000
til kr 5 310 000 | |
3430 | | Kriminalomsorga
si sentrale forvaltning | |
| 2 | Inntekter frå
arbeidsdrifta, vert auka med | 5 894 000 |
| | frå kr 48 359 000
til kr 54 253 000 | |
| 3 | Andre inntekter, vert auka med | 3 564 000 |
| | frå kr 17 238 000
til kr 20 802 000 | |
| 4 | Tilskudd, vert redusert med | 108 000 |
| | frå kr 1 508 000
til kr 1 400 000 | |
3432 | | Kriminalomsorga
sitt utdanningssenter (KRUS) | |
| 3 | Andre inntekter, vert redusert med | 770 000 |
| | frå kr 1 470 000
til kr 700 000 | |
3440 | | Politidirektoratet
– politi- og lensmannsetaten | |
| 1 | Gebyrer, vert auka med | 24 200 000 |
| | frå kr 257 440 000
til kr 281 640 000 | |
| 6 | Gebyrer – utlendingssaker, vert redusert med | 20 000 000 |
| | frå kr 112 830 000
til kr 92 830 000 | |
| 7 | Gebyrer – sivile
gjeremål, vert redusert med | 75 000 000 |
| | frå kr 540 021 000
til kr 465 021 000 | |
3470 | | Fri rettshjelp | |
| 1 | Tilkjente saksomkostninger
m.m., vert redusert med | 1 500 000 |
| | frå kr 3 000 000
til kr 1 500 000 | |
5630 | | Aksjer i Norsk
Eigedomsinformasjon as | |
| 85 | Utbytte, vert auka med | 4 540 000 |
| | frå kr 8 100 000 til kr 12 640 000 | |
II
Stortinget samtykkjer i at:
Deler av staten sin eigedom, gnr. 29, bnr. 268 blir
overdratt vederlagsfritt til Ullensaker kommune.
Oslo, i justiskomiteen, den 9. desember 2008
Anne Marit Bjørnflaten |
leiar og ordførar |