I 2010 blei det løyvd 497 mill. kroner på kap. 1370
Posttenester, post 70 Kjøp av post- og banktenester. Etterrekning
i tråd med dette systemet viser eit faktisk behov i 2010 på 116
mill. kroner til kjøp av post- og banktenester.
Hovudårsaka til det reduserte behovet er at
einerettsoverskotet blei på 428 mill. kroner, medan det i budsjettet
for 2010 var rekna med eit einerettsoverskot på kroner 0. Som for
2009 legg departementet opp til at Posten betaler renter for det
selskapet har fått utbetalt for mykje.
Departementet foreslår å løyve 397,6 mill. kroner
på eit nytt kap. 4370 Posttenester, post 70 Tilbakebetaling post-
og banktenester.
I samband med lønnsoppgjeret for 2011 blei Post-
og teletilsynet tildelt 1,07 mill. kroner over kap. 1380, post 1
Driftsutgifter. Departementet foreslår å auke løyvinga på kap. 4380,
post 1 Diverse gebyr, med 1,07 mill. kroner.
Komiteen viser til
regjeringens forslag og har ellers ingen merknader.