Komiteen meiner ei aktiv og deltakande befolkning er grunnlaget for eit godt folkestyre og eit levande lokaldemokrati. Deltaking i politiske parti, idrettslag, velforeininga eller frivillige lag og organisasjonar er grunnlaget for at lokalsamfunnet skal blomstre. Komiteen meiner alle innbyggjarane skal ha like moglegheiter til demokratisk deltaking og til å forme sine lokalsamfunn.

Komiteen ønskjer eit aktivt og levande lokaldemokrati med reell makt over lokal utvikling. Dette krev at makt er desentralisert, og at demokratiske organ i kommunar og fylkeskommunar har reell avgjerdsmakt. Komiteen meiner oppgåver bør løysast på eit folkevald nivå nærast mogleg innbyggjarane.

Komiteen ønskjer at så mange som mogleg av innbyggjarane er politisk aktive og deltek i avgjerdsprosessar. Forutsetninga for å rekruttere folk til politisk arbeid er moglegheita for reell påverknad på samfunnsutviklinga. Difor må vi unngå at politisk makt blir konsentrert til få organ og få personar.

Komiteen meiner god kommuneøkonomi gir økt handlefridom for lokale folkevalde. Eit levande lokaldemokrati er avhengig av at Stortinget og regjeringa sørgjer for gode økonomiske føresetnader slik at det er mogleg og meiningsfylt å drive samfunnsutvikling lokalt.

Komiteen viser til at stadig aukande tal på selskap og samarbeid gjer at fokus på eigarskapstyringa i kommunane vert viktig.

Komiteen viser til at regjeringa gjev ei brei statusrapport på situasjonen for lokaldemokratiet i proposisjonen.

Komiteens medlemmer fra Senterpartiet og Sosialistisk Venstreparti mener regjeringens forslag til kommunereform vil svekke innbyggernes mulighet til å delta i de lokale politiske prosessene. Dagens nær 11 000 kommunestyremedlemmer kan bli redusert til ca. 4 000 dersom forslaget om 100 kommuner blir realisert. Lederen av regjeringens ekspertutvalg i kommunereformen, har uttalt at det er en fordel med færre lokalt folkevalgte fordi kompetansen blant de som velges vil øke. Disse medlemmer mener dette er et oppsiktsvekkende utsagn, både fordi det er en nedvurdering av dagens lokalt folkevalgte og fordi det helt ser bort fra den ombudsrolle et kommunestyremedlem har for innbyggerne i sine lokalsamfunn.