Kommunal- og distriktsdepartementet legg i lovproposisjonen fram forslag til føresegner om bustadkjøpsmodellar i burettslagslova og eierseksjonsloven. Bakgrunnen for forslaget er at burettslagslova og eierseksjonsloven i dag set grenser for kven som kan kjøpe og eige bustader, noko som igjen avgrensar kor mange bustader som kan tilbydast med bustadkjøpsmodell i eitt og same bustadselskap.

Lovproposisjonen foreslår føresegner som skal leggje til rette for at tilbydarar av bustadkjøpsmodellar kan eige fleire bustader i eitt og same bustadselskap for å tilby desse med leige til eige og deleige i same bustadselskap. I proposisjonen vert det foreslått lovføresegner som definerer leige til eige og deleige, og som gir departementet høve til å fastsetje i forskrift at tilbydarar av slike modellar kan ha ein større andel i burettslag og eigarseksjonssameige.

Lovforslaget inneheld også føresegner som skal bidra til å styrkje forbrukarvernet ved bruk av slike modellar.