Presidenten: Ingen har bede om ordet.
(Votering, sjå nedanfor.)
Votering i sak nr. 1
Komiteen hadde rådd Odelstinget til å gjere
slikt vedtak til
lov
om gjennomføring av Traktat om totalforbod
mot kjernefysiske prøvesprengingar.
§ 1
Det er forbode å gjennomføre
prøvesprenging av kjernevåpen eller
anna kjernefysisk sprenging i strid med Traktat om totalforbod mot
kjernefysiske prøvesprengingar av 10. september 1996.
Kongen får fullmakt til å gje
nærare føresegner og einskildvedtak for å oppfylle
Noregs plikter etter traktaten.
§ 2
Dei personane som etter traktaten skal ha immunitet og
privilegier, får utan hinder av norsk lov immunitet og privilegier
i samsvar med føresegnene i denne traktaten.
Kongens kan gje nærare reglar for
korleis føresegnene om immunitet og privilegier skal gjennomførast.
§ 3
Det kan setjast i verk inspeksjonar ovanfor
private, i samsvar med føresegnene i traktaten, her under
gjennomførast boring i grunnen.
Kongen kan leggje på grunneigaren
eller andre rettshavarar slike plikter som trengst for at ein inspeksjon skal
kunne gjennomførast.
§ 4
Denne lova gjeld også for Svalbard,
Jan Mayen og dei norske bilanda.
§ 5
Den som forsettlege bryt denne lova eller føresegner eller
påbod som er gjeve med heimel i lova, vert straffa med
bøter eller fengsel i opptil fem år. Aktlause
handlingar vert straffa med bøter eller fengsel i opptil
to år. Medverknad blir straffa på same måten.
§ 6
Lova trer i kraft på det tidspunkt
som traktaten trer i kraft.
§ 7
Frå den tid denne lova tek til å gjelde,
vert det gjort følgjande endring i Almindelig borgerlig
Straffelov av 22. mai 1902 nr. 10:
§ 12 fyrste ledd nr. 3
bokstav f, g og h skal lyde:
f) skal være straffbar i henhold
til FNs Havrettskonvensjon 10. desember 1982 artikkel 113 (skade
på undersjøiske kabler og rørledninger),
g) er straffbar etter lov 17.
juli 1998 nr. 54 om gjennomføring av Konvensjonen om forbud
mot bruk, lagring og produksjon og overføring av antipersonellminer
og om ødeleggelse av slike miner § 5, eller
h) er straffbar etter lov nr. XX 1999
om gjennomføring av Traktat om totalforbud mot kjernefysiske prøvesprengninger
5;
Votering:
Tilrådinga frå komiteen vart samrøystes
vedteken.Presidenten: Det vert votert over overskrifta
til lova og lova i det heile.
Votering:
Overskrifta til lova og lova i det heile vart samrøystes vedteken.Presidenten: Lovvedtaket vil verte sendt til Lagtinget.