Dag Danielsen (Frp):
Jeg tillater meg
å stille følgende spørsmål til barne og familieminister Valgerd Svarstad
Haugland:
Grendern ungdomskafé på Stovner senter
er ifølge Stovner-politiet en vesentlig faktor til at
ungdomsproblemene/kriminaliteten i området har blitt redusert. Driften av
kafeen er i stor grad basert på frivillighet og har gratis lokaler fra
Stovner senter. Kafeen trenger allikevel offentlig støtte for å kunne
opprettholde driften, og man har derfor søkt om støtte fra
tilskuddsordningen « Ungdomstiltak i større bysamfunn ».
Hva vil statsråden gjøre for å bidra
til at driften av kafeen blir opprettholdt?
Statsråd Valgerd Svarstad Haugland:
Stovner bydel, der Grendern ungdomskafé har lokala sine, er ein av dei sju
prioriterte bydelane i Oslo som får stønad gjennom tilskotsordninga
« Ungdomstiltak i større bysamfunn ». Grendern ungdomskafé har fått statleg
tilskot sidan 1992.
Tilskotsordninga « Ungdomstiltak i
større bysamfunn » er laga for å støtta opp om nye tiltak og prosjekt, og ein
støttar desse over nokre år. Ordninga stiller ei rekkje krav til dei
kommunane/bydelane som får tilskot. Søknader om midlar til tiltak og
prosjekt som er lokaliserte til bydelen, skal sendast og koordinerast
gjennom bydelsforvaltninga. Bydelen skal gjera ei vurdering og politisk
prioritering av søknadene før dei blir sende vidare til departementet.
Tilskotsordninga stiller òg krav om at bydelen/kommunen må gjera vedtak om
at dei på sikt vil overta tiltaka. Dette gjeld i dei tilfella det er søknad
om tilskot utover tre år. Bydelen/kommunen bør rekna eigendel i
finansieringa.
Stovner bydel sende i alt elleve
søknader for tilskotsåret 1998. Grendern ungdomskafé var prioritert svært
lågt, på tiande plass. Bydelen signaliserte ein kommunal eigendel, men tok
atterhald for politiske vedtak som kunne endra den kommunale satsinga for
1998. Stovner bydel opplyste i brev til departementet av 14. januar 1998 at
bydelsutvalet handsama budsjettet den 18. desember 1997, og hadde vedteke at
det kommunale tilskotet skulle takast bort i 1998. Årsaka til dette skal
m.a vera bydelen si vurdering av at kafeen hadde svært få brukarar. Etter
våre opplysningar var dette eit einstemmig vedtak.
Bydelen opplyser i brev av 26. februar
1998 til departementet at leiaren av Grendern ungdomskafé ikkje ynskjer å
halda oppe samarbeid med bydelen, med dei vilkåra for tilskot til drifta som
bydelen har hatt. Departementet forstår det slik at Grendern ungdomskafé
sjølv ynskjer å basera seg på andre former for tilskot og støtte frå
frivillige. Stovner bydel held oppe søknaden om økonomisk støtte til
tiltaket og ber departementet akseptera at Grendern sjølv står for ein
eigendel, men at bydelen fylgjer opp tiltaket med møter og gjennom å få
rekneskap og rapport.
Grendern ungdomskafé har fått midlar
frå departementet si storbyløyving i seks år. Stovner bydelsutval har
vedteke ikkje å gje tiltaket økonomisk stønad lenger. Departementet
vurderer det frivillige arbeidet høgt og har difor medverka til at drifta av
kafeen har vore mogleg i seks år. Mitt svar til representanten Dag
Danielsen er difor at søknaden for 1998 for tida er under handsaming, og at
svar på søknaden ligg føre i løpet av kort tid.
Eg har likevel lyst til å understreka
verdien av likehandsaming gjennom å fylgja retningslinene for tilskot, og at
vi viser respekt for bydelsutvalet si vurdering. Praksis har vore at ein
har lagt vekt på bydelen/kommunen si prioritering og vurdering av desse
sakene.
Dag Danielsen (Frp):
Jeg er virkelig
glad for at jeg tok dette spørsmålet opp i spørretimen. Bydelens
innstilling til denne saken har fått et politisk etterspill, og saken vil
derfor, etter de opplysninger jeg har fått, komme opp til ny behandling.
Jeg er glad for at ministeren stiller seg positivt til denne saken.
Dette er et glimrende eksempel på at
ungdom tar ansvar og driver forebyggende virksomhet, med bl.a
ungdomspatrulje og narkotikabekjempelse, og det er en stor grad av frivillig
innsats inne i bildet her. Administrasjonssjefen i bydelen har gått inn og
forsøkt å overstyre et prosjekt som har virket helt utmerket. Det har bl.a
Stovner politikammer bekreftet, og de har imøtegått de opplysningene som er
kommet fra bydelen om dårlig besøk på kafeen osv.
Mitt spørsmål er da: Dersom det jeg nå
har redegjort for, bekreftes, vil ministeren se positivt på denne søknaden?
Statsråd Valgerd Svarstad Haugland:
Eg vil ikkje gå i gang med ei handsaming av søknaden her og no frå
Stortingets talarstol, men det er rett at vi har fått ein del opplysningar,
som eg òg sa i svaret mitt, om at det er ein lite brukt kafé. Er dei
opplysningane feil, og får vi andre tilleggsopplysningar frå bydelen, er det
klart at det vil telja tungt for oss når vi no skal vurdera søknaden. Eg
kan ikkje gje representanten Danielsen eit klart ja eller nei i dag, men
alle nye tilleggsopplysningar som er til kafeen sin fordel, vil sjølvsagt
bli tekne med i vurderinga. Det hadde òg vore bra om Stovner bydel kunne
gjera ei anna prioritering enn det dei innleiingsvis har gjort. Av elleve
søknader har dei sett dette prosjektet på tiande plass. Det er ikkje ei
særleg høg prioritering, slik vi har vurdert det i departementet.