Anneliese Dørum (A): Jeg vil få stille følgende spørsmål
til barne- og familieministeren:
«Forsvaret skal sende soldater til
barnehager og barneskoler i Trøndelag i forbindelse
med «Battle Griffin». Det er viktig å gå fram
med særskilt aktsomhet overfor barn, og barn reagerer svært
ulikt etter alder, bakgrunn og modenhet. Spesielt ønsker
vi å skåne barn for vold, død og krig.
Vi stiller store krav til dem som arbeider i skoler og barnehager,
og til opplegg og undervisning som tilbys barna.
Mener statsråden at det skisserte
opplegget fra Forsvaret er egnet og faglig riktig overfor små barn?»
Statsråd Valgerd Svarstad Haugland: Fyrst innleiingsvis til problemstillinga der
Anneliese Dørum seier at Forsvaret skal senda soldatar:
Eg vil retta det til at Forsvaret har tilbydt besøk av
soldatar dersom barnehagar og skular ynskjer å ta imot
dei.
I samband med «Battle Griffin» vil
det vera mange soldatar i Trøndelag. Ei slik øving
kan ikkje gå føre seg utan at nærmiljøet
legg merke til det. Det kan òg virka skremmande dersom
ein ikkje er klar over kva det er som går føre
seg.
Både barnehagen og skulen skal vera
aktive i forhold til samfunnet omkring. Dette er nedfelt i planverket
for både barnehage og skule. Eg ser det difor som positivt
at borna blir gjorde kjende med det som skjer i nærmiljøet. Både
i barnehagen og i skulen skal verksemda gå føre seg
i forståing og samarbeid med heimane. Eg går ut
frå at dei opplegga Forsvaret tilbyr i samband med denne konkrete øvinga,
er drøfta i foreldreråd og samarbeidsutval i dei
barnehagane og skulane det gjeld. Eg går òg ut frå at
barnehagestyrarar og rektorar har vurdert om opplegget passar for
dei borna det gjeld, og at det blir tatt særleg omsyn til
born med bakgrunn frå krigsherja land. Barnehagestyrarar
og rektorar er kompetente til å gjera slike vurderingar.
Når det no skal gå føre
seg ei omfattande øving i Forsvaret sin regi i Trøndelag,
er det viktig at barnehagane og skulane er informerte og kan fortelja
borna kva dette inneber, og kvifor ein held ei slik øving.
I samband med denne øvinga har Forsvaret gitt eit tilbod
om informasjon til barnehagane, både for å gi
sakleg informasjon og for å hindra at born blir redde,
på same måten som at t.d. representantar frå politiet
kan komma til institusjonane for å gi informasjon om kva
arbeidet deira går ut på. Slike samarbeidsprosjekt
har lange tradisjonar både i barnehage og skule.
Eg synest det er bra at Forsvaret har tatt
dette initiativet. Slike store øvingar vil alltid få innverknad
på dei miljøa dei går føre seg
i. Initiativet deira tyder på at dei tek ansvar for at øvinga
skal vera best mogleg kjend på førehand, slik
at ho ikkje gjer unødig skade eller skapar unødig
redsle hos borna. Tvert imot, dei kan få sjå at
soldatane er vanlege menneske, dei òg.
Anneliese Dørum (A): Jeg går ut fra at statsråden, som
jo har et særlig ansvar for småbarna våre,
har konferert med sine fagfolk om det faglige opplegget, og om dette
opplegget er egnet for så små barn som barnehagebarn
og barn i småskolen. Jeg vet bare at Barneombudet har uttalt
seg negativt om denne aksjonen, og mener den er uheldig.
Barn trenger informasjon, og det er viktig å unngå at de
skremmes eller blir utrygge av at militær aktivitet pågår
i nærmiljøet. Men informasjonen bør komme
fra noen som kjenner barna og de individuelle forutsetningene den
enkelte har.
Forsvaret hevder at informasjon er nødvendig
for barnas trygghet både i forbindelse med endrede trafikkforhold
og skadelige objekter som blir henlagt eller gjenglemt. Men barn
i så ung alder kan ikke pålegges ansvar for egen
sikkerhet, det må foreldre, barnehager og skoler være
med på.
Jeg forstår det slik at statsråden
godkjenner dette opplegget, og det er jeg skuffet over.
Statsråd Valgerd Svarstad Haugland: No er det ikkje eg som har myndigheit til
verken å godkjenna eller avvisa dette opplegget. Og eg
må ærleg innrømma at då eg høyrde
om dette fyrste gongen, var òg min refleksreaksjon slik
som representanten Dørum sin har vore i spørsmålsstillinga
og oppfylginga. Men då eg gjekk inn og såg på opplegget,
vart eg veldig roleg. Det som kan vera eit problem, er sjølvsagt
at dette kjem bardus på borna, altså at
dei møter øvinga utan å kjenna noko til
ho på førehand. Eg har òg lyst til å understreka
at når dette informasjonsopplegget skal skje, er det ikkje
snakk om at førskulelærarane, barnehagepersonellet
eller lærarane skal gå ut av klasserommet og overlata
heile arenaen til soldatar. Dette må sjølvsagt
skje i eit samarbeid mellom fagpersonell og soldatar, slik at borna
får ein skikkeleg informasjon.
Eg er heilt samd med representanten Dørum
i at born ikkje kan påleggast ansvar for eigen tryggleik,
men eg synest likevel det er viktig at dei får denne informasjonen på ein
så god og pedagogisk måte at dei ikkje blir skremde
når ting skjer i nabolaget deira.