Presidenten: Det blir nokre endringar i den oppsette spørsmålslista, og presidenten viser i den samanhengen til den oversikta som er omdelt på representantane sine plassar i salen. Presidenten foreslår at endringane i dagens spørjetime blir godkjende. – Det er vedteke.
Endringane var som følgjer:
Spørsmål 3, frå representanten Morten Høglund til utanriksministeren, blir svara på av justisministeren på vegner av utanriksministeren, som er bortreist.
Spørsmål 4, frå representanten Tord Lien til miljø- og utviklingsministeren, blir utsett til neste spørjetime, då statsråden er bortreist.
Spørsmål 5, frå representanten Anne Margrethe Larsen til landbruks- og matministeren, blir etter oppmoding frå statsråden flytta og svara på etter spørsmål 10, dvs. til slutt i spørjetimen.
Spørsmål 9, frå representanten Elisabeth Aspaker til justisministeren, blir etter oppmoding frå statsråden flytta og svara på etter spørsmål 3, som skal svarast på av same statsråd.