År 2003 den 10. desember holdtes Odelsting, hvor da ble gjort slikt
I lov 17. juli 1998 nr. 61 om grunnskolen og den vidaregåande
opplæringa (opplæringslova) blir det gjort følgjande
endringar:
§ 13-2 skal lyde:
§ 13-2 Plikt for fylkeskommunen til å sørgje
for grunnskoleopplæring, spesialpedagogisk hjelp og vidaregåande
opplæring i institusjonar etter barnevernlova
Når det blir gjort vedtak om plassering
i institusjon etter barnevernlova, er det den fylkeskommunen der
den kommunen ligg som er ansvarleg for plasseringa, jf. barnevernlova § 8-4,
som har ansvaret for å oppfylle retten til grunnskoleopplæring,
spesialpedagogisk hjelp og vidaregåande opplæring
i institusjonen etter lova her.
Ansvaret omfattar barn og unge i institusjonar
i fylkeskommunen som den statlege regionale barnevernmyndigheita
har ansvaret for etter barnevernlova § 5-1, og private
og kommunale institusjonar som er godkjende etter barnevernlova § 5-8.
Institusjonane skal sørgje for nødvendige lokale
til opplæringa.
Departementet kan gi nærmare forskrifter eller
pålegg i enkelttilfelle om ansvaret til fylkeskommunen.
§ 13-3a første ledd skal lyde:
Fylkeskommunen skal oppfylle retten til grunnskoleopplæring,
spesialpedagogisk hjelp og vidaregåande opplæring
etter lova her for pasientar i helseinstitusjonar som det regionale
helseføretaket, oppretta etter helseføretakslova § 8,
eig i fylkeskommunen. Helseføretaket skal sørgje
for nødvendige lokale til opplæringa.
§ 15-2 fjerde ledd skal lyde:
Fylkeskommunen er klageinstans for enkeltvedtak i yrkesopplæringsnemnda.
Lova tek til å gjelde
1. januar 2004.
Ågot Valle |
Sigvald Oppebøen Hansen |
president |
sekretær |