Departementet legg fram ei melding om tekniske fagskular og andre utdanningar som i dag verken kan seiast å vere vidaregåande opplæring eller høgre utdanning, jf. NOU 2000:5 Mellom barken og veden, og vedtak i Stortinget 11. oktober 2000. Departementet tek opp einskilde spørsmål i samanheng med meir generelle framlegg i meldinga om reformer i universitets- og høgskuleutdanninga og i studiefinansieringa våren 2001.
Departementet meiner det er viktig å leggje til rette for å utvikle nye tilbod med dei statlege høgskolane som møter behovet for yrkesretta utdanning etter vidaregåande opplæring. Med dette utgangspunktet handsamar meldinga ein del konkrete offentlege og private utdanningstilbod, utvikling av nye tilbod i høgre utdanning, overgang til og innpassing i høgre utdanning og spørsmålet om studiestøtte til ulike utdanningar. Departementet meiner det ikkje er naudsynt å ha eit eige nivå i det norske utdanningssystemet mellom vidaregåande opplæring og høgre utdanning. Departementet ønskjer å tilpasse dei ulike tilboda til hovudstrukturen på ein slik måte at studentane unngår omvegar, blindvegar og parallelle løp i utdanningssy-stemet.
Departementet meiner at statlege høgskular i større grad må ta ansvar for kortare yrkesretta utdanningstilbod og aktivt utvikle desse som ein del av studietilbodet. Departementet vil vidare opne for avkorta løp i høgre utdanning på grunnlag av tidlegare utdanning og yrke. Avkorta løp for kandidatar med fagbrev eller annan yrkeskompetanse innafor vidaregåande opplæring vil bli vurdert inn mot relevante tilbod i høgskuleutdanninga. Kor mykje ein skal avkorte og korleis ein skal innpasse denne avkortinga, må vurderast frå utdanning til utdanning.
Når det gjeld opplæringstilbod med offentleg fullfinansiering, rår departementet til å oppretthalde teknisk fagskule som ein del av fylkeskommunen sitt ansvar og å vidareføre lov om teknisk fagskule. Departementet vil i føresegn til lova presisere at alle fylkeskommunar skal gi tilbod om teknisk fagskule. Departementet meiner det er viktig å oppretthalde rekrutteringsvegen frå fagbrev til sertifikatutdanning innafor maritime fag og vil behalde denne i teknisk fagskule.
Tre bransjeskular er i dag definerte på vidaregåande opplæringsnivå, men ikkje regulerte i opplæringslova. Departementet vil tilrå at grunnutdanninga ved Statens trafikklærarskole blir utvida og etter kvart bygd opp til høgskulenivå i tråd med satsinga i Nasjonal transportplan 2002-2011. Statens dykkarskole skal framleis vere organisert som ei statleg verksemd med landsdekkjande ansvar for utdanninga av yrkesdykkarar. Departementet vil vurdere om verksemda på sikt vert å knyte nærare opp til kursverksemda ved ein statleg høgskule. Overføring av Noregs brannskole til Kommunal- og regionaldepartementet sitt ansvarsområde kan eventuelt finne stad frå 1. januar 2002. Dei to departementa samarbeider om å utgreie dette og å vurdere skulen si rolle i ei samordning av dei samla utdanningsressursane på beredskapsområdet.
Når det gjeld opplæringstilbod med tilskot etter privatskulelova, vil departementet kome attende til Stortinget med framlegg til lovendring. Departementet gjer framlegg om å ta ut § 3 bokstav e i privatskulelova. Dette avsnittet gjeld privat yrkesretta utdanning som ikkje vert gjeven i vidaregåande opplæring, først og fremst utdanningstilbod som er relaterte til kyrkjelydane si verksemd, og kunstutdanningar. I tillegg kjem einskilde tilbod innafor fagområde som t.d. media og reklame. Departementet går inn for å oppretthalde tilskotet til dei opplæringstilboda som allereie er godkjende etter § 3 bokstav e.
Når det gjeld opplæringstilbod som berre er godkjende for studiefinansiering, vil departementet oppretthalde den ordninga ein har i dag med eit minimumsomfang på tre månader på full tid eller fem månader på halv tid for studiefinansiering. Det offentlege skal ikkje ta stilling til fagleg behov og relevans, berre stille nokre minimumskrav til dokumentasjon av rutinar og verksemd. Sjølvevaluering vil liggje til grunn for den faglege kvaliteten på tilboda.
Med omsyn til studiefinansiering rår departementet til at ein etter vidaregåande opplæring skal gi studiestøtte til eitt års utdanning som ikkje er høgre utdanning. For teknisk fagskule og andre utdanningar som i dag er godkjende for studiestønad i meir enn eitt år, skal ein framleis kunne gi studiestøtte for den tida dei er godkjende for.
Departementet vil i ei ny stønadsordning gjere framlegg om at all utdanning for unge utover ordinær vidaregåande opplæring i den perioden retten gjeld, skal sjåast som del av den same støtteperioden. Dei som bruker eitt år med støtte frå Lånekassen til anna utdanning enn høgre utdanning, må ta dette året av tidsbolken for høgre utdanning. Departementet vil følgje opp andre spørsmål knytte til blokkinndeling og lengd på stønadsperioden i den stortingsmeldinga som kjem på grunnlag av Mjøs- og Aamodt-utvala sine innstillingar.
Samla sett reknar ikkje departementet med nemnande økonomiske konsekvensar av meldinga.
Komiteen, medlemene frå Arbeidarpartiet,
leiaren Ranveig Frøiland, Sigvald Oppebøen Hansen,
Synnøve Konglevoll, Rune E. Kristiansen, Rikke Lind og Tomas
Norvoll, frå Kristeleg Folkeparti, Arne Lyngstad og Elsa
Skarbøvik, frå Høgre, Inge Lønning
og Petter Løvik, frå Framstegspartiet, Ursula
Evje og Ulf Erik Knudsen, frå Senterpartiet, Marit Tingelstad,
frå Sosialistisk Venstreparti, Rolf Reikvam, og frå Venstre,
Odd Einar Dørum, konstaterer at meldinga er lagt
fram som svar på vedtak i Stortinget i oktober 2000.
Komiteen sitt fleirtal, medlemene
frå Kristeleg Folkeparti, Høgre, Framstegspartiet,
Senterpartiet og Venstre, viser til at meldinga omhandlar
ei lang rekkje ulike utdanningstilbod som har til felles at dei
verken er vidaregåande opplæring eller høgare
utdanning. Dei mange tilboda har i hovudsak vakse fram som svar
på behov som ikkje er blitt dekte gjennom dei vanlege utdanningstilboda.
Komiteens medlemer frå Arbeidarpartiet
og Sosialistisk Venstreparti viser til at mange av desse
utdanningstilboda har parallellar både i vidaregåande
skule og til dels på høgare utdanningsnivå.
Komiteen ser ingen
problem med at det finst ei rekkje ulike tilbod som ikkje "passar
inn" i dei vanlege kategoriane innan norsk utdanning.
Komiteen sitt fleirtal, medlemene
frå Kristeleg Folkeparti, Høgre, Framstegspartiet,
Senterpartiet og Venstre, meiner at lite er vunne ved å leggje
til grunn at dagens varierte tilbod av korte yrkesretta utdanningar
etter kvart skal erstattast av tilbod utvikla innanfor høgare
utdanning.
Komiteen sine medlemer frå Arbeidarpartiet vil
opne for at ulike tilbod med lengd frå tre månader
til eitt år skal gis studiestøtte, og at det ikkje vil
vere nokon faglege avgrensingar på slike tilbod. Desse
medlemene meiner at det er viktig at vi har eit godt offentleg
tilbod innan vidaregåande opplæring, som både
har fagutdanning og som legg eit godt grunnlag for å byggje
vidare på høgare utdanning. Desse medlemene ser
at det framover vil vere eit aukande behov for korte yrkesretta
utdanningar. I den grad desse utdanningane byggjer på vidaregåande
opplæring, meiner desse medlemene at dette
bør arrangerast av høgskulesektoren. Høgskulesektoren
har ledig kapasitet og høg kompetanse innanfor dei fleste fagområde.
Komiteens medlem fra Sosialistisk Venstreparti antar
at det fortsatt vil utvikles tilbud som ligger utenfor de etablerte
utdanningsløp. Dette medlem viser til Sosialistisk
Venstrepartis modell der en fordeler ansvaret for yrkesrettede utdanningsløp mellom
videregående opplæring, teknisk fagskole og høgskolene.
Målet er ikke at disse institusjonene skal overta private
opplæringstilbud, men at ansvaret for framtidig utvikling
av offentlige utdanningstilbud fordeles på disse nivåene.
Komiteen sitt fleirtal, medlemene
frå Kristeleg Folkeparti, Høgre, Framstegspartiet,
Senterpartiet og Venstre, har merka seg forslaget i NOU
2000:5 om etablering av eit sjølvstendig mellomnivå -
fagskuleutdanning - organisert under eiga lov og med ein eigen rådsstruktur
for godkjenning av tilbod.
Fleirtalet meiner det er behov
for eit fagskuleutdanningsnivå i norsk utdanning. Fleirtalet ser
ikkje på dette som eit mellomnivå, men som eit
alternativt løp til høgare utdanning. Ein slik
praktisk og yrkesretta parallell til høgare utdanning vil
gi teknisk fagskule og andre praksisretta utdanningar ein naturleg
og stabil plass i det norske utdanningssystemet. Dette vil kunne opne
for fleire slike utdanningstilbod til dømes innafor helse-
og omsorgsfag og fremje kvaliteten på tilboda. Det vil
også, etter fleirtalet sitt syn, betre statusen til
fagutdanningane, gi dei ein identitet og synleggjere fagutdanning
som eit likeverdig alternativ til høgare utdanning.
Fleirtalet meiner at det må opprettast
ei eiga lov for dette og ber Regjeringa legge fram eit slikt lovforslag.
Lova må utformast slik at ho fremjar fleksibilitet, mangfald
og evne til rask omstilling i utdanningstilboda.
Fleirtalet gjer følgjande
framlegg:
"Stortinget ber Regjeringa leggje
fram forslag til lov om fagskuleutdanning, som også inkluderer
lovreglar om teknisk fagskule. Lova må ha eit perspektiv
som sikrar stabile og gode arbeidsvilkår til yrkesretta
utdanningar og utdanningar retta mot andre samfunnsbehov etter vidaregåande
opplæring."
Fleirtalet meiner det er viktig å få ei
god kvalitetssikring av dei tilboda som skal omfattast av lova, men
har merka seg at mange høyringsinstansar har uttrykt seg
negativt om den omfattande rådsstrukturen som Berg-utvalet
foreslår i NOU 2000:5.Fleirtaletber Regjeringa leggje fram forslag til
eit system for kvalitetssikring i samband med lovforslaget.
Komiteens medlemmer fra Arbeiderpartiet
og Sosialistisk Venstreparti mener at høgskolene
skal ha ansvar for å utvikle mer yrkesrettede attraktive
utdanningstilbud som bygger videre på videregående
skole og teknisk fagskole. Disse medlemmer minner
om at høgskoler har i gang arbeid med å utvikle
fagtilbud i grenselandet mellom videregående skole og høgskoleutdanning.
Tilbudet som er utviklet ved høgskolen i Nord Trøndelag
innenfor skogbruk er et tilbud som etter disse medlemmers mening
faller inn under rammen for tilbud som bør være
høgskolens ansvar. Tilbudene bør ha en varighet av
minst et halvt år og gi vekttall. På denne måten
kan en bygge videre fram til en fullført grad eller en bestemt
sluttkompetanse. Disse medlemmer mener at ordningen
med krav om generell studiekompetanse for opptak til høgere
utdanning må endres dersom høgskolene skal ta
større ansvar for yrkesrettede utdanningstilbud. Disse
medlemmer mener at fullført videregående
skole og/ eller fagbrev må gi grunnlag for opptak
til denne type utdanningstilbud.
Komiteens medlemmer fra Fremskrittspartiet henviser
til Innst. O. nr. 2 (1999-2000) hvor disse medlemmer sa:
"Disse medlemmer mener videre at de enkelte tekniske
fagskoler med fordel kan omdannes til egne stiftelser, selskap og
så videre, og gis en friere stilling. En fremtidig permanent
lov om teknisk fagskole vil da måtte klargjøre
statens plikt til å finansiere utdanning ved skolene gjennom
en såkalt "stykkpris" eller "skolesjekk"-modell. Dette
vil kunne gi en større konkurranse mellom skolene slik
at kvaliteten heves.
Disse medlemmer vil vise til
høringsuttalelse fra Næringslivets Hovedorganisasjon
hvor man viser til at kostnadene for teknisk fagskole på landsbasis
i dag kan anslås til 200 mill. kroner pr. år -
hvilket gir en stipulert pris pr. heltidsplass på ca. 65
000 kroner. Næringslivets Hovedorganisasjon mener at en
modell for finansieringen av fagskolene kan være å gi
direkte tilskudd til skolen beregnet ut fra antall studenter."
Disse medlemmer vil ta opp sitt
forslag fra Innst. O. nr. 2 (1999-2000):
"Stortinget ber Regjeringen utarbeide
en finansieringsmodell for teknisk fagskole basert på frie
selvstendige enheter som får sine inntekter beregnet ut
fra antall studenter."
Disse medlemmer understreker
imidlertid at det i beregning av "stykkpris" må brukes
en fleksibel modell som tar høyde for naturlige forskjeller
i kostnader mellom de forskjellige fag.
Disse medlemmer viser videre
til NOU 2000:5 "Mellom barken og veden" hvor Berg-utvalget foreslår at
staten tillegges det økonomiske ansvaret for fagskoleutdanningene:
– offentlige
tilbydere får statlig finansiering pr. student
– private tilbydere får
støtte etter privatskoleloven pr. student
– studenter i offentlige tilbud
skal ha gratis studieplass
– studenter i private tilbud må betale
en andel av kostnadene ved utdanningen.
Disse medlemmer tar også opp
følgende forslag:
"Stortinget ber Regjeringen utarbeide
en finansi-eringsmodell for private tilbydere i henhold til Berg-utvalgets
innstilling NOU 2000:5."
Disse medlemmer har merket seg
at man i enkelte fylker er kommet langt i arbeidet med avvikling
og/eller kraftig reduksjon av tilbudet innen teknisk fagskole.
Disse medlemmer forutsetter at
eksisterende tilbud innenfor teknisk fagskole opprettholdes på minimum
dagens nivå i påvente av etablering av oppdatert lovverk,
ny finansieringsordning og øvrig ny administrativ struktur.
Følgende forslag fremmes:
"Stortinget ber Regjeringen påse
at eksisterende tilbud innenfor teknisk fagskole opprettholdes på minimum
dagens nivå i påvente av etablering av oppdatert lovverk,
ny finansieringsordning og øvrig ny administrativ struktur.
Det forutsettes at det i sammenheng med Revidert nasjonalbudsjett
og ordinært årsbudsjett fremmes forslag om tilleggsbevilgninger
for å dekke fylkenes ekstra utgifter på dette
felt."
Komiteens medlem fra Sosialistisk Venstreparti merker
seg at meldingen i liten grad drøfter behovet for kortere
yrkesrettede utdanningstilbud for pleie- og omsorgspersonell med
utdanning fra videregående skole. Heller ikke andre nye
yrkesrettede utdanninger med utdanning fra videregående
skole med behov for etter- og videreutdanning har fått
særlig bred omtale i meldingen. Dette medlem antar
at for den nye IT-vekstnæringen vil det være behov
for kortere yrkesrettede utdanningstilbud. Dette medlem mener
at denne type yrkesrettede tilbud vil være dårlig egnet
for å legge til høgskolen. Dette skyldes at høgskolen
som står i en akademisk tradisjon, har lite erfaring med
yrkesrettede utdanningstilbud. Dette medlem skiller
mellom profesjonsutdanninger med innslag av praksis der studiekompetanse
er kravet for opptak, og kortere yrkesrettede videreutdanninger
for den som har fagbrev eller annen yrkesutdanning uten studiekompetanse.
Det er flere grunner til at det innenfor det offentlige utdanningssystemet
utvikles slike tilbud. For mange vil det være en nødvendig
motivasjonsfaktor for å ta videreutdanning. Det vil dessuten være
behov for ansatte som kan ta på seg oppgaver som forutsetter
spesialkompetanse, og faglige lederoppgaver som det ikke kreves
høgskoleutdanning for. Slike videreutdanningstilbud må dessuten
være kompetansegivende i forhold til utdanning på høgskolenivå.
Dette medlem legger til grunn
at behovet for slike utdanningstilbud vil øke i tiden framover.
Spørsmålet blir derfor på hvilket nivå tilbudene
organisatorisk bør innplasseres.
Dette medlem mener ansvaret for
yrkesretta utdanningstilbud på inntil ett år utover
videregående skole organisatorisk skal legges inn under
videregående opplæring. Det må utarbeides
egne nasjonale læreplaner som sikrer kvaliteten.
Dette medlem vil understreke
at det er flere grunner til at videregående skole er best
egnet til å ivareta denne type utdanningsbehov. Eksisterende
fagmiljø med kompetanse innenfor yrkesrettet utdanning og
opplæring kan benyttes. Det vil dessuten gi muligheter
for et mer desentralisert tilbud enn om ansvaret blir lagt til høgskolen
eller til fagskolen.
Dette medlem mener at teknisk
fagskole må opprettholdes som et toårig og modulstrukturert
tilbud. Første året kan legges til videregående
skole. Dette medlem mener at nye fagområder
må kunne legges inn under teknisk fagskole. For at et fagområde
skal inn som tilbud i teknisk fagskole må visse kriterier være
oppfylt. Dette medlem mener at særlig innenfor
helse- og IT-fag kan det være aktuelt med nye tilbud under
lov om teknisk fagskole. Dette medlem mener teknisk
fagskole skal være et fylkeskommunalt ansvar. Staten kan
stille krav til tilbudets omfang. Dette medlem mener
at for å sikre et landsdekkende tilbud må fylkeskommuner
inngå samarbeid etter modellen for landsdekkende linjer
i videregående skole.
Dette medlem fremmer følgende
forslag:
"Stortinget ber Regjeringen legge
fram nødvendige endringer i opplæringsloven og
i lov om Teknisk fagskole der ansvaret for yrkesrettede utdanningstilbud blir
delt mellom videregående opplæring, fagskolene og
høgskolene. Teknisk fagskole skal fortsatt være
et fylkeskommunalt ansvar."
Komiteen har merka seg at departementet
har sett ned eigne arbeidsgrupper for å vurdere framtidige
oppgåver og tilknytingsform for Statens dykkerskole og Statens
trafikklærerskole. Komiteen har ingen kommentarar
verken til desse skulane eller til Norges Brannskole.
Komiteen sitt fleirtal, medlemene
frå Kristeleg Folkeparti, Høgre, Framstegspartiet,
Senterpartiet og Venstre,meiner det
er viktig å sikre at teknisk fagskule framleis skal gi kompetansegjevande
vidareutdanning for personar med fagbrev. For å gi større
tryggleik for at det vert gjeve eit godt og breitt tilbod ved tekniske
fagskular, meiner fleirtalet at staten bør
ha ansvaret for finansiering av dette skuleslaget.
Komiteen sine medlemer frå Kristeleg Folkeparti,
Høgre, Senterpartiet og Venstre finn det naturleg
at staten i samråd med fylkeskommunane og arbeidslivet
fastset dimensjoneringa av tilboda. Desse medlemene meiner
også at den faglege utviklinga av dei ulike linene i teknisk
fagskule må finne stad i nært samarbeid med partane
i arbeidslivet. Det skal vere tilbod om teknisk fagskuleutdanning
i alle fylke, men dei ulike linene må kunne rekruttere
frå fleire fylke. Desse medlemene finn det også naturleg
at fylkeskommunane har driftsansvaret for dei offentlege tekniske
fagskulane og ber Regjeringa kome attende med forslag til korleis
dette kan praktisk gjennomførast.
Komiteen sine medlemer frå Arbeidarpartiet
og Sosialistisk Venstreparti registrerer at fleirtalet ønskjer å finansiere/organisere
teknisk fagskule tilsvarande landslineordninga i vidaregåande
opplæring. Desse medlemene meiner at ei
slik organisering vil krevje lovendring og slik sett ikkje vil medverke
til ei snarleg løysing av dei utfordringane dette skuleslaget
står framfor.
Komiteens medlemmer fra Fremskrittspartiet registrerer
at det ikke er flertall for disse medlemmers primære
forslag til organisasjonsmodell når det gjelder teknisk
fagskole. Disse medlemmer vil subsidiært
gi sin støtte til modellen som foreslås av Kristelig
Folkeparti, Høyre, Senterpartiet og Venstre.
Komiteen sine medlemer frå Arbeidarpartiet
og Sosialistisk Venstreparti støtter forslaget
til Regjeringa om at teknisk fagskule skal vere eit ansvar for fylkeskommunen.
Tilboda innanfor utdanningane i fylkeskommunen er integrerte: I
fylkeskommunen er dei fleste tilbod innafor vidaregåande opplæring
samlokaliserte og fylkeskommunen drar veksel på den same
typen lærarkrefter og leiing. Fleire av fylkeskommunane
sine ressurssentra som tilbyr faglege tilbod om etterutdanning,
er bygde opp på miljø der den vidaregåande
opplæring og teknisk fagskule er integrert. Desse
medlemene er likevel bekymra for framtida til teknisk fagskule
og støttar difor departementet sitt forslag om å påleggje
fylkeskommunen å ha tilbod om fagskuleutdanning. Desse medlemene støttar
fullt ut utarbeidinga av ei eiga lov og eigne forskrifter om teknisk
fagskule.
Desse medlemene vil understreke
at denne typen utdanning gir studiekompetanse og fagleg for-djuping.
Utarbeidinga av ei eiga lov og forskrift vil i seg sjølv
heve utdanninga sin status.
Desse medlemene vil framheve
at fylkeskommunen som skuleeigar vil bli pålagd å kvalitetssikre
tilbodet innanfor teknisk fagskule, på lik linje med vidaregåande
opplæring. Her vil læreplanane bli utarbeidd av
departementet ved Læringssenteret.
Komiteen sitt fleirtal, medlemene
frå Kristeleg Folkeparti, Høgre, Framstegspartiet,
Senterpartiet og Venstre, går mot forslaget frå Regjeringa
om å fjerne § 3 e i privatskulelova. Fleirtalet meiner
at dei skulane og undervisningstilboda som mottek støtte
etter denne paragrafen i dag, dekkjer viktige behov, og kan ikkje
sjå nokon grunn til at denne typen tilbod ikkje framleis
skal kunne få støtte. Fleirtalet har
rett nok merka seg at dei skulane og tilboda som allereie er godkjende
framleis skal få støtte, men meiner at dette "tilbodet"
frå Regjeringa vil føre til at skulane det gjeld
ikkje vil få tilstrekkeleg høve til fornying og
utvikling. Det vil dessutan ikkje bli høve til å setje
i gang nye skular. Resultatet vil bli at denne typen private tilbod
gradvis vil forsvinne. Fleirtalet ser dette som ei
uheldig utvikling.
Fleirtalet meiner at sekretærutdanningane
og andre utdanningar som i dag får tilskot etter § 3
d framleis må få støtte. Fleirtalet meiner
det må vurderast om det er naturleg å flytte nokre
av desse utdanningane over til § 3 e.
Fleirtalet ser det som viktig å presisere
at privat-skulelova også skal omfatte tilbod innan fagskuleutdanninga
og evt. andre tilbod som i tid kjem etter vidaregåande
opplæring og som ikkje blir definerte som høgare
utdanning, og reiser følgjande framlegg:
"Stortinget ber Regjeringa kome med
framlegg som gjer det klart at privatskulelova også skal
gjelde for fagskuleutdanning."
Komiteen sine medlemer frå Arbeidarpartiet har
merka seg at alle godkjende privatskular skal få støtte. Desse
medlemene reknar med at det i den grad det framleis er behov
for den typen utdanning, vil gis støtte til skulane til
fornying og utvikling. Bibelskuletilbodet er til dømes
ei utdanning der kapasiteten på langt nær er utnytta
i dag. Desse medlemene viser til svar 7. mars 2001
frå departementet til komiteen der det i den samanheng
blir peika på at det er nok utdanningsplassar av denne
typen utdanning ut frå behovet i samfunnet.
Komiteen konstaterer
at departementet vil etablere eit system for vurdering av rett til
støtte for opplæringstilbod som berre er godkjende
for studiefinansiering.
Komiteen føreset at
dette vil sikre kvaliteten utan å hemme utviklinga av nye
og eksisterande tilbod.
Komiteen er samd i at ein opprettheld
dagens ordning med eit minimumsomfang på tre månader
på fulltid eller fem månader på halvtid
for å kvalifisere for studiefinansiering.
Komiteen sitt fleirtal,
alle unnateke Arbeidarpartiet, ser likevel ingen grunn til å avgrense
retten til studiefinansiering til eitt års utdanning etter
vidaregåande opplæring. Fleirtalet meiner
at det ikkje bør være avgjerande for kor mange år
ein kan få støtte om den aktuelle utdanninga blir
definert som høgare utdanning eller ikkje.
Komiteen sine medlemer frå Arbeidarpartiet presiserer
at det er viktig å sjå opprettinga av slike utdanningstilbod
utifrå studentane sin økonomiske ståstad.
I den utstrekning dei private skulane ønskjer å opprette
tilbod som skal vare utover eitt år, meiner desse
medlemene at dei må søke om godkjenning
og finansiering etter Privathøgskulelova.
Komiteen meiner at
avkorting bør kunne skje mellom likeverdige nivå. Komiteen meiner
at t.d. gjennomført teknisk fagskule kan gi grunnlag for
ei avkorta ingeniørutdanning (evt. med krav om tilleggsutdanning
i fag som ikkje er dekte i teknisk fagskule). Komiteen meiner
at den einskilde institusjonen i høgare utdanning sjølv
må ta ansvaret for vurderinga av den einskilde fagutdanninga.
Det er viktig at fag-skuleutdanningane - i tillegg til å vere
eit fullgodt alternativ i seg sjølv - også gir
høve til opptak eller innpassing i deler av høgare
utdanning.
Komiteen sitt fleirtal,
alle unnateke medlemene frå Arbeidarpartiet, har merka
seg at Regjeringa vil opne for avkorta løp i enkelte profesjonsutdanningar
for kandidatar med fagbrev eller annan yrkeskompetanse frå vidaregåande
opplæring. Fleirtalet viser til at universitets-
og høgskulelova opnar for at ein kombinasjon av utdanning
og yrkespraksis kan vurderast som grunnlag for kortare studieløp. Fleirtalet har
merka seg Regjeringa sitt forslag om at teknisk fagskule og yrkesretta
utdanningsløp frå vidaregåande opplæring
må vurderast på linje med utdanning og praksis
som grunnlag for avkorting av studieløp. Etter fleirtalet si
meining er det grunn til å nyansere framlegget frå Regjeringa. Fleirtalet vil
ikkje opne for "gruppevis" avkorting av studieløp i høgare
utdanning på grunnlag av vidaregåande opplæring.
Evt. avkorting skal gjerast etter individuell vurdering av realkompetansen.
Komiteen sine medlemer frå Arbeidarpartiet
og Sosialistisk Venstreparti vil presisere at dei fleste
ungdommar i dag har vidaregåande opplæring, og
gjennom dette kan få realkompetansevurdering og deretter
tilgang på høgare utdanning. Dei statlege høgskulane
har høg kompetanse, og deira desentraliserte nettverk kan
gje nye studietilbod, som korte, yrkesretta utdanningsløp.
Dette gir ei vekting som kan brukast på ulike måtar
i eit autorisert utdanningssystem.
Desse medlemene vil understreke
dei statlege høgskulane si rolle i å knytte kontaktar
til det lokale næringsliv og leggje til rette for at deira
behov for korte yrkesretta utdanningar blir imøtekomne.
Komiteen sine medlemer frå Arbeidarpartiet vil
understreke at enkelte yrkesfag i vidaregåande opplæring/teknisk
fagskule gir ei så sterk fagleg fordjuping at dei bør
kunne få individuell eller gruppevis avkorting på grunnlag
av realkompetanse frå vidaregåande opplæring,
når studiar på høgare nivå er
inna-for same faglege fordjuping.
Komiteen konstaterer
at maritim utdanning står i ei særstilling sidan
sertifikatutdanninga blir gjeven både i teknisk fagskule
og i høgskulesystemet. Komiteen er samd
med departementet i at ein bør ha ein rekrutteringsveg
frå fagbrev til sertifikatutdanning i teknisk fagskule. Komiteen har
merka seg at Norges Rederiforbund foreslår ei påbygging
på dei sertifikatgjevande faga innan leiing, økonomi
og HMS, og at ei slik utdanning må leggast til høgskulane. Komiteen har
også merka seg at Universitets- og høgskulerådet peikar
på at det er behov for ei utgreiing om maritim utdanning
som avklarer arbeids- og ansvarsdelinga mellom dei tekniske fagskulane
og høgskulane. Universitets- og høgskulerådet
meiner også at oppbygging av ein bachelorgrad innan maritim
utdanning må vere ein del av høgare utdanning
og at ansvaret for dette må leggjast eintydig på høgskulane. Komiteen ber
om at desse innspela blir vurderte med sikte på å sikre
og utvikle ei norsk maritim utdanning på topp internasjonalt
nivå.
Framlegg frå Framstegspartiet:
Framlegg 1
Stortinget ber Regjeringen utarbeide en finansieringsmodell for teknisk fagskole basert på frie selvstendige enheter som får sine inntekter beregnet ut fra antall studenter.
Framlegg 2
Stortinget ber Regjeringen utarbeide en finansi-eringsmodell for private tilbydere i henhold til Berg-utvalgets innstilling NOU 2000:5.
Framlegg 3
Stortinget ber Regjeringen påse at eksisterende tilbud innenfor teknisk fagskole opprettholdes på minimum dagens nivå i påvente av etablering av oppdatert lovverk, ny finansieringsordning og øvrig ny administrativ struktur. Det forutsettes at det i sammenheng med Revidert nasjonalbudsjett og ordinært årsbudsjett fremmes forslag om tilleggsbevilgninger for å dekke fylkenes ekstra utgifter på dette felt.
Framlegg frå Sosialistisk Venstreparti:
Framlegg 4
Stortinget ber Regjeringen legge fram nødvendige endringer i Opplæringsloven og i lov om Teknisk fagskole der ansvaret for yrkesrettede utdanningstilbud blir delt mellom videregående opplæring, fagskolene og høgskolene. Teknisk fagskole skal fortsatt være et fylkeskommunalt ansvar.
Komiteen har elles ingen merknader, viser til meldinga og rår Stortinget til å gjere slikt
vedtak:
I
Stortinget ber Regjeringa leggje fram forslag til lov om fagskuleutdanning, som også inkluderer lovreglar om teknisk fagskule. Lova må ha eit perspektiv som sikrar stabile og gode arbeidsvilkår til yrkesretta utdanningar og utdanningar retta mot andre samfunnsbehov etter vidaregåande opplæring.
II
Stortinget ber Regjeringa kome med framlegg som gjer det klart at privatskulelova også skal gjelde for fagskuleutdanning.
III
St.meld. nr. 20 (2000-2001) - om korte yrkesretta utdanningar etter vidaregåande opplæring - vert lagd ved møteboka.
Oslo, i kyrkje-, utdannings- og forskingskomiteen, den 20. mars 2001
Ranveig Frøiland
leiar |
Petter Løvik
ordførar |
Rune E. Kristiansen
sekretær |