Til Stortinget
Samferdselsdepartementet legg i proposisjonen fram ein del saker under programkategoriane 21.20 Luftfartsformål, 21.30 Vegformål, 21.50 Jernbaneformål, 21.60 Samferdselsberedskap og 22.10 Post- og telekommunikasjonar.
Departementet gjer i proposisjonen framlegg
om å auke løyvinga på kap. 1310, post
70 Godtgjersle for innanlandske flyruter, med 10,4 mill. kroner
som følgje av omlegging av fiskalavgifta og nullsats på moms.
Som følgje av terroraksjonane i USA
11. september 2001 har det blitt sett i verk ekstra tryggingstiltak
ved alle norske lufthamner, og det blir derfor gjort framlegg om å redusere
overskottskravet til Luftfartsverket for 2001 med 10 mill. kroner.
Departementet viser til at utviklinga innanfor
luftfarten i haust gjer at Luftfartsverket sine driftsinntekter for
2001 er svært usikre.
Det blir i proposisjonen orientert om statleg
forsikringsansvar for norske luftfartøy og lufthamner
ved skader på tredjepart, som følgje av krigs-
og terrorhandlingar, jf. St.prp. nr. 103 (2000-2001), jf. Innst.
S. nr. 6 (2001-2002). Stortinget samtykte 26. oktober 2001 i at
Samferdsledepartementet kunne gjere avtaler om statleg forsikringsansvar
for luftfartøy operert av norsklisensierte fly- og helikopterselskap
ved skade på tredjepart som følgje av krigs- og
terrorhandlingar. Premieinntekta, med fråtrekk av administrasjonsvederlaget
til Gjensidige NOR, vil inntektsførast i statsrekneskapen
for 2001 under kap. 5309 Tilfeldige inntekter, post 29 Ymse. Eit
grovanslag over premieinntekter for to månader utgjer om
lag 8-9 mill. kroner. Av dette utgjer administrasjonsvederlaget
15 pst.
Komiteen, medlemene frå Arbeidarpartiet,
Sigrun Eng, Bjørgulv Froyn, Tomas Norvoll og Oddbjørg
Ausdal Starrfelt, frå Høgre, Anne Berit Andersen,
Sverre J. Hoddevik, Hans R. Kjæstad og leiaren Petter Løvik,
frå Framstegspartiet, Thore A. Nistad og Kenneth Svendsen, frå Sosialistisk
Venstreparti, Geir-Ketil Hansen og Heidi Sørensen, frå Kristeleg Folkeparti,
Odd Holten og Jan Sahl og frå Senterpartiet, Jorunn Ringstad,
har merka seg at det har vorte sett i verk ekstra tryggingstiltak
ved alle norske lufthamner etter terroraksjonane mot USA 11. september
2001. Komiteen meiner det har vore nødvendig å setje
inn til dels omfattande tiltak og innser at desse tiltak har ført
til ekstra utgifter for Luftfartsverket. Når i tillegg
utviklinga i luftfarten i haust gjer driftsinntektene for Luftfartsverket
svært usikre, er komiteen samd i at overskotskravet
til Luftfartsverket for 2001 vert redusert med 10 mill. kroner.
Det blir i proposisjonen gjort greie for auka
låneramme for E18 Aust-Agderpakken.
I St.prp. nr. 1 (2001-2002) blir det lagt opp
til å framskunde utbygginga av strekninga Øygardsdalen-Dyreparken
i høve til det som ligg til grunn i St.meld. nr. 46 (1999-2000)
Nasjonal transportplan 2002-2011, på grunn av at strekninga
er eit prøveprosjekt for OPS-ordninga. Føresetnaden
for å framskunde utbygginga er ein auke i låneramma
for Aust-Agderpakken.
Aust-Agder fylkeskommune eig bompengeselskapet og
Fylkestinget handsama saka i møte 16. oktober 2001.
I proposisjon blir det foreslått at
bompengeselskapet får høve til å auke
låneramma frå 60 til 230 mill kroner.
Fleirtalet i komiteen,
alle unnateke medlemene frå Framstegspartiet, har merka
seg at i St.prp. nr. 1 (2001-2002) blir det lagt opp til å framskunde
utbygginga av strekninga Øygardsdalen-Dyreparken i høve til
det som ligg til grunn i Nasjonal transportplan 2002-2011. Føresetnaden
for å framskunde utbygginga er ein auke i låneramma
for Aust-Agderpakken.
Fleirtalet har vidare merka seg
at Aust-Agder fylkeskommune har gjort dei nødvendige vedtak
for at låneramma skal kunne utvidast.
Fleirtalet er difor samd i at
bompengeselskapet Aust-Agder Vegfinans AS får høve
til å auke låneramma frå 60 til 230 mill.
kroner. Selskapet får høve til å ta opp
lån for å framskunde arbeidet med utbygging av
strekningen Brokelandsheia-Vinterkjær, samt planlegging,
oreigning av grunn og leggje til rette for prøveprosjektet
for OPS-ordninga på strekningen Øygardsdalen-Dyreparken.
Komiteens medlemmer fra Fremskrittspartiet viser
til sine prinsipielle synspunkter om bruk av bompenger. Disse
medlemmer viser til sine merknader i forbindelse med behandling
av Nasjonal transportplan, Innst. S. nr. 119 (2000-2001), der en ønsker
full utbygging av E18 Oslo-Kristiansand med statlige midler.
På denne bakgrunn vil disse
medlemmer i de årlige budsjetter foreslå økte
bevilgninger til prosjektet slik at det kan gjennomføres
uten bruk av bompenger. Disse medlemmer går
følgelig imot at lånerammen utvides, og vil stemme
imot forslag til vedtak.
På bakgrunn av at det må gjerast
korreksjonar i rekneskapen til Jernbaneverket, gjer departementet
i proposisjonen framlegg om å auke løyvinga på kap. 1350,
post 23 Drift og vedlikehald, med 52,9 mill. kroner.
Bakgrunnen for forslaget skuldast at det i samband med
avslutninga av Jernbaneverkets rekneskap for 2000 blei det funne
feil mellom utgåande balanse i Jernbaneverket og utgåande
balanse i statens kapitalrekneskap.
For å rette opp feilen slik at statsrekneskapen
blir korrekt, er det i 2001 naudsynt å bokføre
ein korreksjon på 52,9 mill. kroner på kap. 1350,
post 23 Drift og vedlikehald, og tilbakeføre inntekter
frå kap. 5700, post 72 Arbeidsgivaravgift, med 23,7 mill.
kroner. Korrigering av desse feila vil ikkje føre til auka
aktivitet i Jernbaneverket i 2001.
Departementet tilrår at Stortinget
gjer vedtak om at jernbanenettet mellom Leira og Dokka på Valdresbanen
kan bli frigitt til andre føremål og at skjener
og sviller på strekninga Bjørgo-Leira blir fjerna.
Fleirtalet i komiteen,
alle unnateke medlemene frå Sosialistisk Venstreparti,
har i tillegg til opplysningane som vart gitt om Valdresbanen i
St.prp. nr. 76 (2000-2001), merka seg at departementet opplyser at
Jernbaneverket meiner at strekninga Leira-Dokka ikkje kan køyrast
med persontog, og at Jernbaneverket ikkje lenger har det økonomiske
ansvaret for vedlikehaldet av den nedlagde jernbanestrekninga.
Fleirtalet er og kjend med at
det framleis er eit engasjement for å oppretthalde jernbanesporet
som del av nasjonal turistbane, men oppfattar at dette engasjementet
ikkje har støtte i kommunane i området eller i Oppland
fylkeskommune.
Fleirtalet vil ut frå ei
samla vurdering og også i tråd med fleirtallsmerknaden
i Innst. S. nr. 327 (2001-2002), støtte at jernbanenettet
mellom Leira og Dokka blir frigitt til andre føremål
slik det går fram av forslaget i II punkt 2.
Fleirtalet ber difor om at skjener
og sviller på strekninga Bjørgo-Leira blir fjerna,
slik at bygging av gang- og sykkelveg kan kome i gang.
Komiteens medlemmer fra Sosialistisk Venstreparti viser
til at AS Valdresbanen fikk gjennomslag i Namsretten om at staten
ved Samferdselsdepartementet ikke kunne fjerne linjenettet med bakgrunn
i beredskapsmessige grunner. Etter disse medlemmers mening
er dette viktig, men ikke tilstrekkelig som grunn for at linjenettet
ikke kan fjernes. Faktum er, som departementet skriver i proposisjonen, at
Stortinget kan gjøre vedtak om det motsatte, i hvilket tilfelle
vedtaket i Namsretten mister grunnlag.
Det finnes konkrete forslag om virksomhet på banen. AS
Valdresbanen vil etablere et turisttrafikktilbud basert på charterturer
og annen virksomhet. Aksjeselskapet har 492 aksjonærer
og interesseforeningen Nye Valdresbanen har 680 medlemmer, som vitner
om stor lokal interesse.
Disse medlemmer vil vise til
at AS Valdresbanen har investert penger i togsett og år
med frivillig arbeid, og til at AS Valdresbanen sikter på å øke
aksjekapitalen til 300 000 kroner gjennom en aksjeemisjon. Videre
vises det til at det legges opp til en drift med 8 000 passasjerer
første år og øking til 22 000 etter tre år. Selskapet ønsker å utvikle
reisen til mer enn en transportetappe, noe som ikke er vanskelig å se
verdien av: Valdres er et av de mest ettertraktede turistområder
på Østlandet, og på samme måte
som man har flere steder i for eksempel Sveits, vil banen kunne
fungere som en turistattraksjon i seg selv. Det burde være
unødvendig å si at dette i så fall ville
kunne ha store ringvirkninger på næringslivet
i distriktet.
Videre ser selskapet mulighet til å drive
andre former for næringsdrift.
Disse medlemmer har merket seg
at et sentralt argument bak ønsket om å rive opp
skinnene er bygging av gang- og sykkelsti fra Bjørgo til
Leira. Disse medlemmer forstår ønsket
om gang- og sykkelstier, men ønsker å poengtere
at det allerede er laget gang- og sykkelsti gjennom hele sentrum
av Aurdal, og at en forlengelse av denne både er mulig
og ønskelig uten at linjetraseen fjernes.
Disse medlemmer er opptatt av
ny og alternativ virksomhet i distriktene. I Valdres finnes det
en jernbanelinje som kan benyttes til turistvirksomhet, og det finnes
et selskap som ønsker å benytte banen. Det er investert
både tid og penger allerede. Det eneste det bes om er at
det gjøres et politisk vedtak om at banen blir liggende
en periode slik at konseptet kan prøves ut.
Disse medlemmer går
inn for at banen ikke fjernes, og går derfor imot departementets
tilråding om at banen mellom Leira og Bjørgo frigis
til andre formål.
Samferdselsdepartementet gjer i proposisjon
framlegg om å redusere kap. 1360 samferdselsberedskap, post
1 Driftsutgifter, med 2 mill. kroner mot tilsvarande auke av kap.
1380 Post- og teletilsynet, post 1 Driftsutgifter, på grunn
av at Post- og teletilsynet skal ha eit særskild ansvar
for teletryggleik og teleberedskap.
Med bakgrunn i St.meld. nr. 47 (2000-2001) Telesikkerhet
og -beredskap i et telemarked med fri konkurranse, jf. Innst. S.
nr. 329 (2000-2001), skal Post- og teletilsynet vere ansvarleg styresmakt
for teletryggleik og -beredskap. Etableringa vil i alt koste om
lag 3,2 mill. kroner, av dette 2 mill. kroner i 2001.
Komiteen har ingen
merknader.
Det vert gjort framlegg om å auke løyvinga
på kap. 1380, post 1 Driftsutgifter, med 2 mill. kroner
frå 140,4 mill. kroner til 142,4 mill. kroner, sjå omtalen
under kap. 1360 Samferdselsberedskap.
Det blir i proposisjon orientert om statleg
garanti til konkursbuet for Enitel AS.
Verksemda Enitel AS blei teke under konkurshandsaming
17. september 2001. Ved konkursopninga blei Samferdsledepartementet
gjort merksam på at buet var utan midlar til å kunne
sikre vidare drift i Enitel AS. Buet oppmoda departementet til å garantere
for driftskostnadene i ein periode på fem arbeidsdagar
frå konkursopninga.
I brev av 17. september 2001 til konkursbuet
ga staten ved Samferdselsdepartementet slik garanti, samla avgrensa
til eit beløp på 7,3 mill. kroner.
I brev av 25. september 2001 frå konkursbuet
heiter det at det ikkje har vore naudsynt for konkursbuet å trekkje
på statsgarantien.
Komiteen har ingen
merknader.
Komiteen har elles
ingen merknader, viser til proposisjonen og rår Stortinget
til å gjere slikt
vedtak:
I
I statsbudsjettet for 2001 blir det gjort følgjande
endringar:
Kap. | Post | Formål: | Kroner | Kroner |
| | Utgifter | | |
1310 | | Flytransport | | |
| 70 | Godtgjersle for innanlandske
flyruter, kan nyttast under
kap. 1311 post 71, blir auka med | | 10 428 000 |
| | frå kr
393 000 000 til kr 403 428 000 | | |
1350 | | Jernbaneverket (jf. kap.
4350) | | |
| 23 | Drift og vedlikehald, kan overførast, kan nyttast under post
30, blir auka med | | 52 900 000 |
| | frå kr 2 739 812
000 til kr 2 792 712 000 | | |
1360 | | Samferdselsberedskap | | |
| 1 | Driftsutgifter, blir
redusert med | | 2 000 000 |
| | frå kr 5 491 000
til kr 3 491 000 | | |
1380 | | Post- og teletilsynet (jf.
kap. 4380) | | |
| 1 | Driftsutgifter, blir
auka med | | 2 000 000 |
| | frå kr 140 488
000 til kr 142 488 000 | | |
2450 | | Luftfartsverket (jf. kap.
5450, 5491 og 5603) | | |
| 24.1 | Driftsinntekter | -2 405 600
000 | |
| 24.2 | Inntekter regionale lufthamner
| -212 300 000 | |
| 24.3 | Frå reguleringsfondet
| -81 200 000 | |
| 24.4 | Driftsutgifter, overslagsløyving | 1 702 000
000 | |
| 24.5 | Driftsutgifter regionale
lufthamner, overslagsløyving | 209 000 000 | |
| 24.6 | Avskrivingar | 335 900 000 | |
| 24.7 | Renter av statens kapital
| 35 100 000 | |
| 24.8 | Til investeringsformål
| 314 100 000 | |
| 24 | Driftsresultat | | -103 000 000 |
II
Stortinget samtykkjer i at:
1. Aust-Agder Vegfinans
AS får høve til å auke låneramma
frå 60 mill. kroner til 230 mill. kroner.
2. Jernbanenettet mellom Leira og Dokka
på Valdresbanen kan bli frigitt til andre føremål
og at skjener og sviller på strekninga Bjørgo-Leira
blir fjerna.
Oslo, i samferdselskomiteen, den 6. desember 2001
Petter Løvik
leiar |
Jorunn Ringstad
ordførar |
Geir-Ketil Hansen
sekretær |