FN og visse av FNs særorganisasjonar
har i mange år arbeidd for å betre stillinga til
kvinnene og å avskaffe diskriminering av kvinner. Dette
arbeidet har ført til at det har vorte vedteke fleire konvensjonar,
og mellom desse er FN-konvensjonen om å avskaffe alle former for
diskriminering av kvinner av 18. desember 1979 - kvinnekonvensjonen
- den viktigaste. Kvinnekonvensjonen hadde pr. 1. november 2001
168 partar, blant dei Noreg.
Kvinnekonvensjonen pålegg partane å treffe
høve-ølege tiltak med sikte på å avskaffe
diskriminering av kvinner. Den etablerer ein komité - Kvinnekomiteen
- til å overvake at konvensjonspartane gjennomfører pliktene
sine etter konvensjonen. Partane har plikt til å sende
komiteen periodiske rapportar som klargjer korleis statane gjennomfører
konvensjonspliktene sine. Denne rapporthandsaminga har hittil vore
den einaste praktiske overvakingsmekanismen under kvinnekonvensjonen.
Alt under utarbeidinga av kvinnekonvensjonen
på slutten av 1970-talet vart det gjort framlegg om ein
klageprosedyre for einskildpersonar. Men framlegget førte
ikkje fram. På bakgrunn av m.a. støtta på FNs
4. globale kvinnekonferanse i Beijing i 1995 vedtok FNs Kvinnekommisjon å oppnemne
ei arbeidsgruppe med oppgåve å utarbeide ein valfri
protokoll til kvinnekonvensjonen.
Under FNs 54. generalforsamling den 6. oktober 1999
vart den valfrie protokollen vedteken. Protokollen gjev Kvinnekomiteen
kompetanse til å ta imot og vurdere førespurnader
frå einskildpersonar eller grupper av einskildpersonar
som meiner rettane deira etter kvinnekonvensjonen er krenkte. Avgjerdene
til komiteen er ikkje rettslege bindande. Protokollen gjev òg komiteen
kompetanse til å gjere visse undersøkingar av
om dei rettane som kvinnekonvensjonen vernar, vert krenkte i ein
stat.
Noreg underteikna protokollen i New York 10. desember
1999. Protokollen tok til å gjelde 22. desember 2000 og
var pr. 1. november 2001 ratifisert eller tiltredd av 28 statar,
blant desse Danmark, Finland og Island.
Ein ventar at protokollen vil medverke til å sikre
at statane i større grad gjennomfører pliktene
sine etter kvinnekonvensjonen og dermed medverke til å styrkje rettane
til kvinnene og sikre reell likestilling mellom kjønna.
I handlingsplanen for menneskerettar (St.meld.
nr. 21 (1999-2000)) vert norsk ratifikasjon av protokollen sett
i samanheng med spørsmålet om korleis ein kan styrkje
gjennomføringa av kvinnekonvensjonen ved å innarbeide
han i norsk lovgjeving. Men protokollen inneheld ikkje materielle
føresegner, og gjennomføringa av protokollen krev
ikkje endringar av lover eller forskrifter. Ettersom ein ikkje bør
vente lenger enn naudsynt med å ratifisere protokollen,
vert det gjort framlegg om dette sjølv om prosessen med
innarbeiding av kvinnekonvensjonen i norsk lovgjeving ikkje er avslutta.
Departementet legg til grunn at protokollen
er så viktig at ratifikasjon krev samtykke frå Stortinget
etter Grunnloven § 26 andre ledd.
Kapittel 2 i proposisjonen gjer nærare
greie for dei einskilde føresegnene i protokollen. I kapittel
3 vert nokre hovudspørsmål om klageretten omtala.
Artikkel 2 om klageretten viste seg å vere eit av dei vanskelegaste
forhandlingstema, noko som resulterte i ein til dels uklar ordlyd.
Føresegna regulerer kven som skal ha kompetanse til å fremje
ei klage, kva som kan vere emnet for klaga, og kva stat klaga skal
rettast mot. Artikkelen reiser ei rekkje tolkingsspørsmål
som komiteen vil måtte ta stilling til for å fastsetje
kompetansen sin.
Med omsyn til spørsmålet om
kven som skal ha kompetanse til å fremje klager, er det
klart at einskildpersonar har slik kompetanse. Tilsvarande kan grupper
av einskildpersonar klage til komiteen. "Grupper av einskildpersonar"
reiser elles spørsmålet om frivillige organisasjonar
kan fremje ei klage på eigne vegner. Frå norsk
side vert det lagt til grunn at frivillige organisasjonar skal kunne
klage på eigne vegner dersom dei andre vilkåra
er oppfylte.
Artikkelen opnar òg for at det kan
klagast på vegner av einskildpersonar eller grupper av
einskildpersonar. Her siktar ein til representasjon utover prosessfullmektigar.
Grunngjevinga for denne regelen er å sikre at einskildpersonar
eller grupper av einskildpersonar som av ulike årsaker
sjølve er avskorne frå å fremje ei klage, skal
kunne ha eit høve til å få saka bringa
inn for komiteen. Hovudregelen er at representanten skal ha samtykke
til representasjon frå klagaren. Likevel vert det opna
for at ein førespurnad kan handsamast dersom representanten
kan rettferdiggjere at ho handlar på vegner av klagaren,
sjølv om det ikkje ligg føre samtykke. Unntaksregelen
skal kunne brukast i tilfelle der klagaren sjølv ikkje
har høve til å gje samtykke til representasjon.
Elles går det klart fram at klagaren
må vere offer for brot som staten gjer på rettar
som er verna i konvensjonen. Her vert det dermed stilt opp eit krav
om rettsleg interesse i saka.
Med omsyn til spørsmålet om
kva som kan vere emne for klaga, følgjer det av artikkel
2 at det kan klagast over brot som staten gjer på rettane
som er nedfelte i kvinnekonvensjonen. Rettane i konvensjonen er for
ein stor del utforma som korresponderande handlingsplikter for statane,
ved at statane til dømes skal "treffe alle egnete tiltak"
for å avskaffe diskriminering av kvinner. Som ei motsetning
til denne typen plikter står artikkel 9 og 15, som pålegg
staten å sikre kvinner same rettar som menn på visse
område, og som dermed ber meir preg av å vere
rettsleg prøvbare rettar. Det vil vere opp til komiteen
sjølv å avgjere i kva grad han ynskjer å prøve
måten som staten gjennomfører dei einskilde føresegnene
i konvensjonen på.
I kapittel 4 gjeres greie for økonomiske
og administrative følgjer. Gjennomføring av protokollen
opnar for at Kvinnekomiteen kan få førespurnader
retta mot Noreg. Gjennomføringa vil dermed kunne medføre
eit visst meirarbeid i statsforvaltinga i samband med sakshandsaminga
knytt til slike saker, men det er ein føresetnad at eventuelle
meirutgifter vart dekte innanfor gjeldande budsjettrammer.
I kapittel 5 omtalast høyringa og høyringsfråsegner. Med
unntak av Regjeringsadvokaten har alle dei høyringsinstansane
som har hatt merknader, slutta seg til at Noreg ratifiserer protokollen
no. Alle som har uttala seg om spørsmålet, har òg
slutta seg til at Noreg lèt seg binde av undersøkingskompetansen
som Kvinnekomiteen vert utstyrt med etter artikkel 8 og 9, og at
Noreg dermed ikkje gjev ei erklæring som nemnt i artikkel
10 nr. 1.
I kapittel 6 i proposisjonen vert det gjeve
ei vurdering av saka. Eit overordna mål for norsk menneskerettspolitikk
er at Noreg, som ynskjer å vere eit føregangsland
når det gjeld vernet av menneskerettar, skal vere part
i menneskerettskonvensjonar med mindre tungtvegande omsyn talar
imot det, jf. handlingsplanen for menneskerettar (St.meld. nr. 21
(1999-2000) pkt. 4.2.2, s. 20). Kvinner er i handlingsplanen utpeikt
som eit særskilt satsingsområde for norsk menneskerettspolitikk,
både nasjonalt og internasjonalt. Dette tilseier at Noreg
bør ratifisere protokollen så snart som mogeleg. Ein
viser òg til at mange av høyringsinstansane understrekar
verdien av ein rask norsk ratifikasjon.
Protokollen må sjåast som
eit vesentleg bidrag til å styrkje menneskerettane til
kvinnene og som eit viktig instrument til å sikre likestilling
mellom kjønna. Dette er tilhøve som vert gjeve
høg prioritet i Noreg, og som bør speglast av
i det internasjonale engasjementet vårt ved at vi vert
part i protokollen.
Protokollen vil ha verknad for einskildkvinner
ved at han kan føre til ei betring av stillinga til den
som fremjar ein førespurnad.
Protokollen kan òg ha ein allmenn preventiv
verknad ved at han kan gje opphav til vurderingar og revisjonar av
nasjonalt regelverk og praksis på kvinnekonvensjonens område.
Vidare vil førespurnader til komiteen
og komiteen sine eigne undersøkingar truleg skape større
merksemd rundt kvinnekonvensjonen og dermed medverke til å spreie
kunnskap og opplysningar til folk om rettane deira etter konvensjonen.
Å utstyre Kvinnekomiteen med kompetanse
til å handsame førespurnader frå einskildpersonar
vil òg sende eit kraftig signal om at kvinnekonvensjonen
er like viktig som andre FN-konvensjonar der overvakingsorganet
er gjeve slik kompetanse.
Dei materielle føresegnene i kvinnekonvensjonen
er i stor grad utforma som handlingsplikter for statane, på den
måten at desse skal ta alle tenlege middel i bruk for å sikre
likestilling mellom kjønna på ulike samfunnsområde.
Innhaldet av pliktene til statane er dermed ikkje presist fastsett,
og ein må gå ut frå at Kvinnekomiteen
vil stille ulike krav til statane, avhengig av utviklingsgraden
og ressurssituasjonen deira. Det er grunn til å tru at
komiteen vil stille strenge krav til den norske gjennomføringa
av konvensjonen.
Kvinnekomiteen sine synspunkt og tilrådingar
i individklagesaker vil ikkje vere folkerettsleg bindande, men dei
vil ha monaleg politisk og moralsk kraft. Ein kan vente at manglande
vilje til å følgje synspunkta til komiteen vil
verte lagde merke til internasjonalt.
Undersøkingskompetansen som komiteen
vert utstyrt med etter artikkel 8 og 9, kan vere eit sterkt supplement
til kompetansen til å handsame einskildsaker. Utanriksdepartementet
tilrår at Noreg lèt seg binde av undersøkingskompetansen
slik at Noreg dermed ikkje gjev erklæring som nemnd i artikkel
10, nr. 1.
Protokollen pålegg ikkje Noreg nye
materielle plikter, ettersom føremålet med protokollen
er å styrkje overvakinga av gjennomføringa av
alt gjeldande plikter. Gjennomføring av protokollen i norsk
rett krev ikkje lov- eller forskriftsendringar.
Komiteen, medlemmene fra Arbeiderpartiet,
Haakon Blankenborg, lederen Thorbjørn Jagland, Jens Stoltenberg
og Gunhild Øyangen, fra Høyre, Julie Christiansen,
Inge Lønning, Oddvard Nilsen og Finn Martin Vallersnes,
fra Fremskrittspartiet, Morten Høglund og Christopher Stensaker,
fra Sosialistisk Venstreparti, Kristin Halvorsen og Bjørn Jacobsen,
fra Kristelig Folkeparti, Jon Lilletun og Lars Rise og fra Senterpartiet, Åslaug
Haga, ser protokollen av 6. oktober 1999 til FN-konvensjonen
om å avskaffe alle former for diskriminering av kvinner
av 18. desember 1979 som et vesentlig bidrag til å styrke
menneskerettighetene til kvinner og som et viktig virkemiddel for å sikre likestilling
mellom kjønnene.
Komiteen minner om at en i St.meld.
nr. 21 (1999-2000) i handlingsplanen for menneskerettigheter, så norsk
ratifikasjon av protokollen i sammenheng med spørsmålet
om hvordan en kan styrke gjennomføringen av kvinnekonvensjonen
ved å innarbeide den i norsk lovgivning. Protokollen inneholder
imidlertid ikke materielle forutsetninger, og den kan derfor gjennomføres
uten endringer av lover og forskrifter.
Komiteen slutter seg derfor til
at Norge snarest ratifiserer protokollen, selv om prosessen med å innarbeide
kvinnekonvensjonen i norsk lovgivning ikke er avsluttet.
Komiteens medlemmer fra Fremskrittspartiet mener
at det generelt er et stort behov for å bedre menneskerettighetssituasjonen
for kvinner mange steder i verden, hvor kvinner systematisk undertrykkes
og hindres i naturlig deltakelse i både samfunnsliv og
arbeidsliv. Disse medlemmer ser FN-konvensjonen om å avskaffe
alle former for diskriminering av kvinner i dette perspektiv og
mener Norges ratifikasjon til denne og den valgfrie protokollen som
en støtte til det generelle menneskerettighetsarbeidet
i verden generelt og arbeidet for undertrykte kvinner spesielt. Disse
medlemmer mener isolert sett at Norge har et lovverk som
bør kunne håndtere forskjellsbehandling mellom
kjønnene, og ser i utgangspunktet ikke behovet for at en
internasjonal komité skal ivareta Norges forpliktelser
i henhold til FN-konvensjonen. Disse medlemmer vil
allikevel samtykke i at Norge ratifiserer protokollen fordi dette
er viktige spørsmål internasjonalt og Norge kan
med større tyngde utøve et press på andre
land og være pågående i menneskerettighetsdebatten,
enn om vi unnlater å ratifisere konvensjoner og protokoller
vi gjerne ser at andre land tar inn over seg. Disse medlemmer vil
understreke at støtte til ratifikasjon ikke medfører
enighet på alle punkter og formuleringer i konvensjonen,
men hoveddelen er positiv og kan hvis den blir etterlevet bedre
livssituasjonen for millioner av kvinner i store deler av verden.
Komiteen har for øvrig
ingen merknader, viser til proposisjonen og rår Stortinget
til å gjøre følgende
vedtak:
Stortinget samtykkjer i ratifikasjon av valfri
protokoll av 6. oktober 1999 til FN-konvensjonen om å avskaffe
alle former for diskriminering av kvinner av 18. desember 1979.
Oslo, i utenrikskomiteen, den 16. januar 2002
Thorbjørn Jagland
leder |
Finn Martin Vallersnes
ordfører |
Åslaug Haga
sekretær |