Søk
Søk i saker og publikasjoner fra Stortinget og regjeringen og redaksjonelle artikler tilbake til 1996. For historiske saker, se eget søk.
Kap. 1320 Statens vegvesen
- Post 23 Drift og vedlikehald av riksvegar, trafikant- og køyretøytilsyn m.m.
- Post 25 (Ny) Betalingar for arbeid utført før 2010 på dei nye fylkesvegane
- Post 29 Vederlag til OPS-prosjekt
- Post 30 Riksveginvesteringar
Det har blitt store skadar på riksvegnettet på grunn av ekstremver. Departementet foreslår å løyve 10 mill. kroner til utbetring av skadar.
På grunn av endra inntektsoverslag på kap. 4320 Statens vegvesen, post 2 Diverse gebyr, blir det foreslått å auke løyvinga med 73,1 mill. kroner, jf. omtalen under kap. 4320, post 2.
Departementet foreslår å auke løyvinga på kap. 1320 Statens vegvesen, post 23 Drift og vedlikehald av riksvegar, trafikant- og køyretøytilsyn m.m., med i alt 83,1 mill. kroner.
I 2012 utgjer utgiftene til avslutta tvistesaker 14,1 mill. kroner. Departementet foreslår å løyve 14,1 mill. kroner på kap. 1320 Statens vegvesen, ny post 25 Betalingar for arbeid utført før 2010 på dei nye fylkesvegane.
På grunn av mindreutgift på posten i 2012 foreslår Samferdselsdepartementet å redusere løyvinga på kap. 1320 Statens vegvesen, post 29 Vederlag til OPS-prosjekt, med 10 mill. kroner og omdisponere dette beløpet til kap. 1320, post 30 Riksveginvesteringar.
Kostnadene til trafikktryggleiksprosjektet E39 Skolandssvingen i Vest-Agder har auka. Departementet foreslår å auke løyvinga på kap. 1320 Statens vegvesen, post 30 Riksveginvesteringar, med 10 mill. kroner, jf. òg omtale under post 29 Vederlag til OPS-prosjekt.