Justis- og beredskapsdepartementet
legg i proposisjonen fram forslag om endringar i løyvingane under diverse
kapittel i statsbudsjettet 2022.
Innstillinga inneheld
alle kapitla i proposisjonen unnateke kap. 480 og 481, som er handsama
i utanriks- og forsvarskomiteen, og kap. 490, 491 og 3490, som er handsama
i kommunal- og forvaltningskomiteen.
På bakgrunn av rekneskapstal
og venta utvikling vert fleire løyvingar foreslått endra og justerte.
Det vert vist til proposisjonen for nærare omtale av endringane.