Jan Johnsen (H): Jeg har følgende spørsmål
til kirke-, utdannings- og forskningsministeren:
«I forbindelse med økning
på 30 medisinstudenter i Osloregionen pr. år har
en arbeidsgruppe i Kirke-, utdannings- og forskningsdepartementet
kalkulert en opptrapping av driftskostnadene til 230 mill. kroner
og arealbehovet til 6 000 kvm. Helseregion vest har bedt
om en tilsvarende studentopptrapping kalkulert til 44,3 mill. kroner,
pluss et arealtilskudd på 2,8 mill. kroner.
Vil statsråden sørge for
at planene i Oslo ikke båndlegger nasjonale, faglige og økonomiske
ressurser i lang tid fremover?»
Statsråd Jon Lilletun: Etter initiativ frå helseministeren
sette KUF i vår ned ei arbeidsgruppe som skulle vurdere å gjenopprette
universitetsfunksjonen ved Sentralsykehuset i Akershus. Arbeidsgruppa,
som la fram ein rapport no i haust, meiner at sentralsjukehuset
er godt eigna som universitetsklinikk. Arbeidsgruppa meiner at dersom
det skal setjast inn ressursar for at SiA skal bli universitetsklinikk,
bør desse ressursane nyttast til å auke det innanlandske
opptaket av medisinstudentar.
Arbeidsgruppa har gjort eit framlegg om å auke
opptaket med 30 studentar i året. Studieplasskostnadene
vil vere om lag 27 mill. kr i året for 180 studentar. Denne summen
svarer til det som til vanleg vert løyvt til studieplassar
i medisin. Arbeidsgruppa har også gjort framlegg om ombygging
og nybygg ved SiA og Universitetet på 6 000 m2.
Planen er å ta opp studentar ved SiA i staden for å kjøpe
studieplassar i utlandet, slik at det totale talet på studieplassar
som vert finansiert over statsbudsjettet, vil vere uendra.
Arbeidsgruppa har i sin rapport vist at dei
har vore nøkterne i si vurdering av behovet for personell.
Ein del av behovet kan dekkjast av lækjarar som alt er
tilsette ved SiA, og lækjarar som vil verte tilsette som
ledd i den utbygginga og styrkinga av SiA som i alle høve
vil skje i dei komande åra.
Etter Regjeringa si meining vil framlegget
frå arbeidsgruppa både styrkje Sentralsykehuset
i Akershus og vere viktig for medisinarutdanninga ved Universitetet
i Oslo. Vi er også samde om at det er behov for å auke
medisinarutdanninga i Noreg. Det er derfor i budsjettproposisjonen for
1999 foreslått 1 mill. kr på Helse- og sosialdepartementet
sitt budsjett til prosjektering ved SiA, og Regjeringa er innstilt
på å løyve tilsvarande beløp
over KUF sitt budsjett til Universitetet i Oslo.
Regjeringa vil kome tilbake til spørsmål
om eventuelt å gjenopprette universitetsfunksjonen ved
SiA, i samband med budsjettet for 2000. Vi må då prioritere
forslaget i forhold til andre tiltak på statsbudsjettet.
Vi vil også vurdere om det er mogleg å få til
ein noko meir forsiktig opptrappingsplan enn det rapporten gjer
framlegg om.
Eg kjenner ikkje til det framlegget frå Helseregion vest
som representanten Johnsen viser til, og kan derfor ikkje kommentere
dette. Talet på medisinstudentar i Bergen auka i 1996 frå 120
til 150 i året. Hausten 1998 auka talet på medisinstudentar
både i Trondheim og Tromsø. Ved NTNU skal det
skje ein ytterlegare auke når RIT 2000 står ferdig,
og vi arbeider også med å få ein auke ved
Universitetet i Tromsø.
Ettersom det synest å vere eit nasjonalt
behov for vidare vekst i utdanningskapasiteten for legar, finn eg
det ikkje urimeleg at opptakskapasiteten for medisinstudentar også aukar
i Oslo. Eg vil sjølvsagt ikkje la dette legge band på nasjonale økonomiske
og faglege ressursar i lang tid framover. Eg vil også minne
om at tiltaket som gjeld SiA, vil gje ein tilgang på 30
nye legar i året og dermed bidra til å fylle eit
nasjonalt behov for fleire medisinarar.
Jan Johnsen (H): Jeg takker for svaret jeg fikk – jeg er
vel ikke helt beroliget.
Jeg vil referere litt av et brev som er sendt
til helseminister Dagfinn Høybråten og kirke-
og utdanningsminister Jon Lilletun fra Helseregion vest. Der står
det følgende:
«Det
regionale helseutvalet reagerer sterkt på dei framlagde
planane om medisinerutdanning i Akershus.
Dette skuldast mellom anna:
Planen er ei
grov forskjellsbehandling av helseregionane til fordel for Akershus.
Helseregion vest har utvikla ein plan (150
planen) for utdanning av 150 medisinerstudentar i regionen.
Dette vil koste ca. 1,5 million pr. student,
mens Akershus får eit tilbud som er uakseptabelt høgt
i samanlikning.»
Brevet avsluttes med følgende:
«Det
regionale helseutvalet i helseregion vest bed om at planen vert
lagt til side, og at frigjorde ressursar som fylgje av dette vert
stilt til rådvelde for andre helseregionar der trongen
for helsepersonell er langt større, og der me kan utdanne
medisinerstudentar langt meir kostnadseffektivt.»
I avslutningen av sitt innlegg sa ministeren
at han ikke ville la økt opptakskapasitet i Osloregionen
legge bånd på midler og faglig personell i lang
tid framover. Hva mener ministeren med «lang tid» hvis
denne planen går igjennom?
Presidenten: Tiden er ute. – Presidenten
glemmer helt klokken når hun hører slike utsagn.
Statsråd Jon Lilletun: Det er heilt i orden frå ministerens
side at presidenten gjer det, for eg har i grunnen mykje å svare.
For det fyrste vil eg gje sterk ros til Helseregion
vest – fyrst og fremst ved Universitetet i Bergen og dekanus
der – for den måten dei har klart å auke
medisinaropptaket på, ved å desentralisere delar
av studiet. Det er prisverdig, og det har vore sterkt støtta
frå både Kyrkje-, utdannings- og forskingsdepartementet
og Helsedepartementet. Men talbruken her vert ganske meiningslaus,
for skulle ein rekne på den måten, måtte
ein òg rekne inn det prekliniske instituttet som vi akkurat
no byggjer i Bergen for bortimot 1 milliard kr,
og som er ein føresetnad for å kunne auke opptaka
der.
Det som er poenget, er at vi i dag har eit
opptak av norske studentar som studerer i utlandet, av dei ganske mange
i Dublin. Det vi ynskjer, er å få dei heim igjen
og utdanne dei i Noreg – vi trur det er meir sannsynleg
at dei vert verande her då. Derfor har vårt problem
dei siste åra vore å få universitetsklinikkane
til å ta inn fleire studentar, ikkje det motsette. Eg vil
altså sterkt rose Helseregion vest og Universitetet i Bergen,
men samstundes meiner eg at her ser ein spøkjelse ved høgljos
dag.
Jan Johnsen (H): Jeg takker igjen for svaret. Jeg beroliges
litt når det blir sagt at jeg begynner å se spøkelser ved
høylys dag – det er iallfall et positivt utsagn,
bare det.
Jeg vil avslutningsvis minne statsråden
om at det i forbindelse med en stortingsmelding om dimensjonering innenfor
høyere utdanning og behovet for økt satsing innenfor
IT- og helsefag, gikk ut en pressemelding fra Kirke,- utdannings-
og forskningsdepartementet den 15. mai i år. Der skriver
statsråden som en avslutningskommentar følgende:
«Det
vil framover også vere viktig med ei målretta regional
fordeling av studieplassar.»
Jeg regner med at statsråden står
for dette og vil sørge for at Helseregion vest iallfall
ikke blir den regionen som skal lide for det som det nå legges
opp til i Oslo-regionen gjennom denne planen.
Statsråd Jon Lilletun: Det som vart sagt der i forhold til spørsmålet
om regional fordeling, var klokt sagt frå departementet
og Regjeringa. Det som er leit, er at eit fleirtal her på Stortinget – Høgre
og Arbeidarpartiet – sende den tilbake igjen, slik at dette
er ikkje Stortinget si utsegn, det er framleis berre Regjeringas.
Men dersom berre Stortinget er villig til å fylgje opp
same linja som statsråden har lagt opp til her, skal det
verte ei god regional fordeling. Ei av ulykkene på 1980-talet
når det gjeld medisinarutdanninga, var at vi la ned denne
utdanninga ved Lørenskog. Derfor kom vi i dette uføret
vi no er i. Eg meiner at det er ikkje ein motsetnad her. Når
vi ser på kor mange studentar vi har ute no, og vi tek
dei heim igjen, kan vi både opprette utdanning ved Lørenskog
og klare å imøtekome det Helseregion vest seier
dei har kapasitet til. Så dette vert å sjå over
ein del år – og eg trur at vi skal verte ganske
samde.
Og så: Eg er veldig glad for oppbakkinga
når det gjeld klokskapen i stortingsmeldinga om dimensjonering.