Presidenten: Dette spørsmålet,
fra representanten Karita Bekkemellem Orheim til barne- og familieministeren, vil
bli tatt opp av representanten Grethe G. Fossum.
Grethe G. Fossum (A): Jeg vil få lov til å stille
barne- og familieministeren følgende spørsmål:
«Voldsproblematikken blant barn og
unge er et alvorlig og stadig voksende problem. Forskning viser
at hvis forebyggende tiltak skal virke, så må disse
settes inn mot små barn, og spesielt rettet inn mot gutter,
siden dette er et særlig gutteproblem. Barnehagers innflytelse
vil være viktig, her har en utdannet personale som er kvalifisert
til å ivareta denne typen problemer. Kvalitet og tilgjengelighet
blir viktig.
Hvordan vurderer statsråden muligheten
for å styrke tiltakene mot disse gruppene?»
Statsråd Valgerd Svarstad Haugland: Regjeringa er bekymra for valdsutviklinga
blant born og unge og legg opp til ein styrkt innsats med omsyn
til denne utfordringa, m.a. gjennom innsats i barnehagar, gjennom
programmet for foreldrerettleiing, gjennom innsats i barnevernet,
gjennom tilskot til ungdomstiltak i større bysamfunn og
gjennom Utviklingsprogram for styrking av oppvekstmiljøet.
Regjeringa vil stimulera til ei brei mobilisering for å skapa eit
betre oppvekstmiljø for born og ungdom – i samarbeid med
dei unge sjølve, foreldra, frivillige organisasjonar, skulen,
barnehagen og lokale styresmakter.
Vegen til den asosiale åtferda startar
ofte tidleg, gjerne i heimen i 4-9-årsalderen. Hos nokre
born er slik åtferd òg synleg tidlegare enn dette.
Den førebyggjande innsatsen har størst effekt
når han blir sett inn tidleg. Tiltaka kan dreia seg om å utvikla
og styrka det aggressive barnet sin kompetanse til sjølvkontroll,
tilpassing og problemløysing for å redusera den
asosiale måten å vera på.
Utagering og vald er problem som mange familiar
slit med, og som foreldre ofte ber om hjelp til å handtera.
Regjeringa vil satsa vidare på det nasjonale programmet for
foreldrerettleiing, der målet er å støtta
foreldra i omsorga for og oppdraginga av borna. Programmet legg vekt
på at kompetente fagfolk og foreldra saman skal kunna medverka
til å førebyggja psykososiale vanskar og fastlåste
mønster for samhandling. Derfor vil ein halda fram med å skapa
gode møteplassar som ikkje minst gir foreldra høve
til å utveksla røynsler og drøfta oppdraging av
eigne born og ungdomar. Som eit ledd i dette arbeidet vil det bli
gitt kontinuerleg skolering av fagfolk. Det vil òg bli
utvikla relevant materiell for foreldre og fagfolk. Det er eit
mål at alle foreldre som har born og ungdom med problemåtferd,
skal få eit tilbod om foreldrerettleiing tilpassa den alderen
borna har.
Eg er einig med representanten i at barnehagane
har ei viktig rolle når det gjeld å førebygga
vald. Som representanten er kjend med, er målsettinga
at alle foreldre som ynskjer det, skal få barnehageplass
til borna sine i år 2000. I barnehagane kan borna læra å vera
saman og løysa konfliktar utan å nytta vald.
Samstundes kan dei få oppleva korleis ein kan takla sterke
kjensler og aggresjon. Rammeplanen for barnehagen legg sterk vekt
på at borna skal utvikla basiskompetanse, som m.a. tyder
at borna skal kunna ta og halda ved lag kontakt med andre, og kunna
ta andres rolle og sjå ei sak frå fleire synsvinklar.
Ein legg òg sterk vekt på at borna skal få bruka kroppane
sine aktivt. Dette kan òg hjelpa til med å meistra
aggresjonen og gi han uttrykk som er aksepterte. Eg trur òg
at fleire menn i barnehagane vil vera gode vaksenmodellar
for gutane. I foreldrerettleiingsprogrammet er det utarbeidd materiell
tilpassa barnehagen. Men det er òg viktig at dei som ikkje
går i barnehage, får denne rettleiinga. Her vil
helsestasjonane kunna gjera ein innsats.
Eg er kjend med at Forskingsrådet
sitt spesialpedagogiske program har eit prosjekt som gjeld utvikling
av sosial kompetanse i barnehagen. Gjennom dette programmet har
ein særleg sett lyset på korleis personalet kan medverka
til at borna utviklar positive mønster for samhandling.
Eg trur resultatet frå dette prosjektet kan vera til hjelp
for barnehagepersonalet.
Eg meiner at vi stadig må følgja
med i denne problematikken og sjå om vi kan finna nye tiltak
eller endra på dei vi har. Dette må vi gjera
i nært samarbeid med kommunane, som skal legga til rette
for eit godt oppvekstmiljø for born og ungdom.
Grethe G. Fossum (A): Jeg vil få lov til å stille
et tilleggsspørsmål til statsråden.
Dette er ikke en ny debatt om verken kontantstøtte eller
barnehage, men gjelder et alvorlig problem som vold.
Forskerne hevder at skal man få en
endret atferd i forhold til vold, må man starte tidlig.
De hevder til og med at aggressive toåringer som ikke
får hjelp til å regulere følelsene sine,
blir avvist av andre barn. Dermed vil de søke seg inn
i en ond sirkel med andre aggressive og avvikende, f.eks. gutter.
Da er det ganske viktig at man griper fatt i dem når de
er så små som to år. I forbindelse med
kontantstøtten vil foreldrene kanskje ta disse guttene
ut av barnehagene. Har statsråden en strategi utover det
med foreldreveiledning? Det er ganske vanskelig å få foreldrene
i tale når barna er to år og utagerende. De ser
på en måte ikke problemene ennå. Så jeg
vil vite om statsråden har noen strategi for hvordan man
skal få disse foreldrene og barna i tale.
Statsråd Valgerd Svarstad Haugland: Representanten sa at dette ikkje var ein
debatt om kontantstøtte eller barnehagar, men ein debatt
om vald. Det er eg einig i, men ho klarte likevel å koma
inn på det, og det var heller ikkje uventa.
For det fyrste vil det i alle fall ikkje vera
snakk om at ein skal innføra tvang for alle born til å gå i
barnehage. Dersom ein skal kunna ha alle born under oppsyn, må ein ha
barnehageplikt her i landet, og det ynskjer ikkje denne Regjeringa å gå inn
for.
Det som er viktig, er at vi, både
gjennom foreldrerettleiingsprogrammet, som eg sa ein del om i svaret,
og ikkje minst på helsestasjonane har eit ope auga på dette
i samtale med foreldra. Som sikkert representanten veit, er det
vedtatt planar om å styrkja helsestasjonane med ganske
mange stillingar i dei neste åra framover. Det er opplagt
at den samtalen som dei som jobbar på helsestasjonane,
har med foreldra, vil vera viktig for å avdekka om det
er nokon som treng hjelp. Eg trur at det er eit av dei gode tiltaka
vi har. Ved sida av alle dei som vel å bruka barnehage – dei
får sjølvsagt òg ei oppfylging gjennom
barnehagane – trur eg at foreldra sjølve oppfattar ting
og kan be om hjelp dersom dei treng det.