Presidenten: Dette spørsmålet,
fra representanten Magnhild Meltveit Kleppa til fiskeriministeren,
vil bli besvart av miljøvernministeren på vegne
av fiskeriministeren.
Magnhild Meltveit Kleppa (Sp): Eg skal få stilla følgjande
spørsmål til fiskeriministeren:
«I eit høyringsutkast som
har overskrifta «Kontroll med eiermessige endringar i selskap
m.v. som innehar tillatelse til oppdrett av matfisk av laks og ørret»,
føreslår Fiskeridepartementet at Rogaland og Skagerrakkysten skal
reknast som eitt konsesjonsområde.
Kva er grunngjevinga for at Rogaland ikkje
er eige konsesjonsområde, slik inndelinga er tenkt for
dei andre vestlandsfylka?»
Statsråd Siri Bjerke: Rogaland og Skagerrak er foreslått
som ein region i forslag til kontroll med eigarmessige endringar
i selskap mv. som har løyve til oppdrett av matfisk av
laks og aure. Grunnen til dette er at Skagerrak og Rogaland åleine
har for få løyve til at det blir vurdert som føremålstenleg å danne
separate regionar. I forslaget vil regionen til saman ha 68 løyve.
Til samanlikning har Hordaland 139 løyve og Møre
og Romsdal 95 løyve. For at den foreslåtte regiongrensa
på 50 pst. av talet på løyve
ikkje skal hindre ei naturleg omstilling, er regionane samla til
ein.
Under høyringa har det kome inn merknader
til fleire punkt i forslaget, under dette merknader om regioninndelinga.
Det vil bli vurdert om denne inndelinga har utilsikta konsekvensar
før endelege føresegner blir fastsette.
Magnhild Meltveit Kleppa (Sp): Det er semje om at havbruk er ei næring
med store moglegheiter, òg i Rogaland, noko fiskeriministeren
sjølv har understreka ved å uttala at det er rom
for nye konsesjonar i Rogaland. Rogaland og Skagerrakkysten
har ulike føresetnader for oppdrett. Det gjeld både
naturgitte forhold, som f.eks. temperatur, og det at Skagerrakkysten
høyrer inn under Nordsjøavtalen.
Fiskeristyresmaktene stiller seg elles til
fylket som eit regionområde. Det gjer òg dei ulike
organisasjonane sjølve. Eg finn det merkeleg at det at
skilnaden er så stor, altså 139 konsesjonar til
Hordaland og 51 til Rogaland, blir brukt mot Rogaland. Det skulle
kunne gå an å retta på det ved å gi
nye konsesjonar. Er dette byrjinga på ei anna inndeling òg
på fleire andre område innafor fiskerisektoren?
Statsråd Siri Bjerke: Jeg kan bekrefte at det også er Regjeringens
syn at havbruk er en næring med et stort vekstpotensial,
og spesielt i den delen av landet vi snakker om i denne sammenhengen.
Jeg har ikke på noen måte ønsket å bruke
mot Rogaland som fylke det antall løyver det nå er
snakk om for dette fylket, snarere er det en begrunnelse for at
det er en hensiktsmessig inndeling i regioner, der en nå har
en kobling opp mot andre. Men jeg har samtidig vist til at det i
den høringen som knytter seg til dette forslaget, er reist
innvendinger mot dette, og at disse vil bli vurdert i den videre
prosessen.
Magnhild Meltveit Kleppa (Sp): Eg takkar for svaret, både det fyrste
og det som kom no.
Eg er glad for at Regjeringa understrekar moglegheitene.
Eg bur sjølv i eit område der eg har følgt
utviklinga over tid, og der eg har sett kva dette betyr, både
av nye arbeidsplassar direkte, av ringverknader i forhold til lokal
foredling og servicetilbod og mykje anna som følgjer med.
Eg skal ikkje utfordra statsråden
på det som ligg i uttrykket «naturleg omstilling»,
men berre seia at slik Senterpartiet ser det, er det fyrst
og fremst snakk om nye moglegheiter og ny utvikling. I
forhold til å sjå desse to fylka under eitt, er
det eit spørsmål som er nærliggjande,
og det er: Når ein ser på dette som eitt område,
ligg det då i det at ein kan flytta konsesjonar på tvers
av fylkesgrensene?
Statsråd Siri Bjerke: Det å se flere områder som
en del av samme region, er først og fremst begrunnet i
hensiktsmessighet, og knytter seg også til det antall løyver som
finnes i hver enkelt av disse regionene. Men det er hensiktsmessighet
som skal ligge til grunn for den inndelingen som velges, sammen
med vurderingen av hvilke nye utviklingsmuligheter som finnes innenfor
havbruksnæringen. På denne bakgrunnen vil vi vurdere
resultatet fra høringen i de endelige forskriftsfastsettelsene.