Votering i sak nr. 2

Presidenten: Under debatten er det sett fram to forslag. Det er

• forslag nr. 1, frå Per Sandberg på vegner av Framstegspartiet, Høgre og Kristeleg Folkeparti

• forslag nr. 2, frå Per Sandberg på vegner av Framstegspartiet

Det blir votert over forslag nr. 1 frå Framstegspartiet, Høgre og Kristeleg Folkeparti. Forslaget lyder:

«Stortinget ber Regjeringen sørge for nødvendige endringer i lov- og regelverk slik at dersom det skal svares merverdiavgift for anleggsarbeid innenfor samferdselssektor, skal denne først betales når anlegget tas i bruk.»

Votering:Forslaget frå Framstegspartiet, Høgre og Kristeleg Folkeparti blei med 58 mot 42 røyster ikkje vedteke.(Voteringsutskrift kl. 22.19.11)

Komiteen hadde tilrådd:

I statsbudsjettet for 2008 blir det gjort følgjande endringar:

Utgifter
1313		Luftfartstilsynet
	1	Driftsutgifter, blir auka med	12 000 000
		frå kr 153 000 000 til kr 165 000 000
1320		Statens vegvesen
	23	Trafikktilsyn, drift og vedlikehald av riksvegar m.m., kan overførast, kan nyttast under post 29, post 30, post 31 og post 72, blir auka med	191 000 000
		frå kr 7 061 500 000 til kr 7 252 500 000
	29	Vederlag for OPS-prosjekt, kan overførast, kan nyttast under post 23 og post 30, blir auka med	175 000 000
		frå kr 285 000 000 til kr 460 000 000
	30	Riksveginvesteringar, kan overførast, kan nyttast under post 23, post 29, post 31, post 60 og post 72, blir auka med	36 000 000
		frå kr 5 785 300 000 til kr 5 821 300 000
1330		Særskilde transporttiltak
	70	Kjøp av sjøtransporttenester på strekninga Bergen–Kirkenes, blir auka med	125 000 000
		frå kr 287 900 000 til kr 412 900 000
1350		Jernbaneverket
	23	Drift og vedlikehald, kan overførast, kan nyttast under post 30, blir auka med	75 000 000
		frå kr 3 489 600 000 til kr 3 564 600 000
	30	Investeringar i lina, kan overførast, kan nyttast under post 23, blir auka med	38 600 000
		frå kr 2 372 900 000 til kr 2 411 500 000
Inntekter
4300		Samferdselsdepartementet
	96 (ny)	Aksjar, blir løyvd med	667 000
4313		Luftfartstilsynet
	1	Gebyrinntekter, blir auka med	12 000 000
		frå kr 101 300 000 til kr 113 300 000
4320		Statens vegvesen
	1	Salsinntekter m.m., blir auka med	120 000 000
		frå kr 140 800 000 til kr 260 800 000
	2	Diverse gebyr, blir auka med	44 0000 000
		frå kr 255 500 000 til kr 299 500 000
	3	Refusjonar frå forsikringsselskap, blir auka med	48 000 000
		frå kr 41 700 000 til kr 89 700 000
4322		Svinesundsforbindelsen AS
	90	Avdrag på lån, blir redusert med	9 300 000
		frå kr 24 000 000 til kr 14 700 000
4350		Jernbaneverket
	1	Køyrevegsavgift, blir redusert med	8 200 000
		frå kr 21 800 000 til kr 13 600 000
	2	Sal av utstyr og tenester mv., blir auka med	70 000 000
		frå kr 108 300 000 til kr 178 300 000
4380		Post- og teletilsynet
	1	Diverse gebyr, blir auka med	4 638 000
		frå kr 174 500 000 til kr 179 138 000

II

Stortinget samtykkjer i at:

• 1. Samferdselsdepartementet kan gi Luftfartstilsynet fullmakt til å inngå avtale om å leige lokale som pådrar staten forpliktingar på inntil 15 mill. kroner ut over det som kan dekkjast innafor gjeldande løyvingsnivå under kap. 1313 Luftfartstilsynet, post 1 Driftsutgifter, frå og med budsjettåret 2011.

• 5. Samferdselsdepartementet i 2008 kan overføre inntil 35 mill. kroner til eller frå Post- og teletilsynets reguleringsfond.

Votering:

Tilrådinga frå komiteen til II punkta 1 og 5 blei samrøystes vedteken.

Vidare var tilrådd:

• 2. Bompengeselskapet får løyve til å vidareføre dagens ordning med å krevje inn bompengar til delfinansiering av utbygging av E6 Øst på endeparsellane Nidelv bru–Grillstad i Trondheim kommune og Værnes–Kvithammar i Stjørdal kommune fram til Stortinget har behandla proposisjon om å utvide prosjektet.

Framstegspartiet har varsla at dei ønskjer å røyste imot.

Votering:

Tilrådinga frå komiteen til II punkt 2 blei vedteken med 77 mot 24 røyster.

(Voteringsutskrift kl. 22.19.54)

Vidare var tilrådd:

• 3. Bompengeselskapet får løyve til å ta opp lån og krevje inn bompengar til delfinansiering av utbygginga på rv 714 Hitra–Frøya fastlandssamband i tråd med vilkåra i St.prp. nr. 24 (2008–2009) og Innst. S. nr. 92 (2008–2009).

• 4. Samferdselsdepartementet får fullmakt til å inngå tilleggsavtale med bompengeselskapet og fastsetje nærare reglar for finansieringsordninga for utbygginga på rv 714 Hitra–Frøya fastlandssamband.

Presidenten: Det blir votert alternativt mellom innstillinga og forslag nr. 2, frå Framstegspartiet. Forslaget lyder:

«Stortinget ber Regjeringen sørge for at prosjektet rv 714 mellom Vikstrøm og Stråmyra finansieres fullt ut med statlige midler.»

Votering:Ved alternativ votering mellom tilrådinga frå komiteen til II punkta 3 og 4 og forslaget frå Framstegspartiet blei tilrådinga vedteken med 78 mot 23 røyster.(Voteringsutskrift kl. 22.20.25)